مەسعود بارزانی خۆت بناسە؛ لەسەربازێکی ژێر فەرمانەکانی  فەرماندەی


!هێزەکانی ئەمریکا لە هەولێر زیاتر هیچ شتێکی دیکە نیت


هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌فەرهاد فەرج ئەمین ‌
‌‌
<January 2015>
SuMoTuWeThFrSa
28293031123
45678910
11121314151617
18192021222324
25262728293031
1234567



هەمووتان "بەعس" ین


 ئەم پرۆژەیەی گۆڕان بۆ شاری سلیمانی تا ٥ ساڵی داهاتوو لە لاپەڕەی پێشەوەی سایتەکەماندا دەمێنێتەوە!


پشکی نەوشیروان مستەفا و سەرکەوتی کوبە لە ئازادکردنی تاوانبار" تاریق ڕەمەزان"دا


میتۆدی" بەعسناسی " و " کۆمەڵناسی " بەختیار عەلی لە ژێر چەند سەرنجی ڕەخنەگرانەدا


  ژنی دیکتاتۆرە عەرەبەکان خەریکی چین؟


 پێی یەکێتی ئەوروپا لەسەر مینی "ڕاست" و "چەپ"؛ داڕمانی یەکێتی ئەوروپا تراژیدیای سەدەی بیست و یەکەم دەبێت!


 داڕمانی یۆرۆ، داڕمانی یەکێتی ئەوروپا


٢١ساڵ بەدوای ڕاپەڕیندا؛ یادێک لە بزووتنەوەی شوراکان


 کارڵ مارکس له‌ نێوان ڕوخانی دیواری به‌رلین و داڕمانی ۆاڵ ستریتدا

ئاوڕێک لە کۆمۆنەی پاریس

loadingمەسعود بارزانی خۆت بناسە: لەسەربازێکی ملکەچی ژێر فەرماندەی هێزەکانی ئەمریکا زیاتر هیچ نیت.. ئاوڕێک لەڕووداوەکان!

لە خۆبایی بوون و غروری سیاسیی، یەکێک لە نەخۆشییە سایکۆ- سیاسییەکانی دیکتاتۆرە نەفامەکانی وڵاتانی جیهانی سێیەمییە کە ئیمپریالیزمی جیهانی[ بەتایبەتی ئیمپریالیزمی ئەمریکی و ئەوروپی] سەرمایەگوزاری سیاسیی و سەربازییان لەسەر دەکەن، بەڵام کێشەکە ئەمەیە کە هێشتا مەسعود بارزانی نەبووەتە ئەو دیکتاتۆرە سەنگینە تا ئیمپریالیزمی  جیهانی سەرمایە گوزاری لەسەر بکات!.

کۆتایی ساڵی  ٢٠١٣ و ساڵی ٢٠١٤ مەسعود بارزانی لە لوتکەی لەخۆبایی بوون و غروری خۆیدا بوو؛ هەڕەشەی یەک بە دوای یەکی لە نوری مالیکی سەرۆک وەزیرانی پێشووی عێراق دەکرد؛ قاچێکی لە ئەنقەرە و ئەوی دیکەی لە ئەوروپا بوو، سەردانی ڕۆمای دەکرد بۆ بینی پاپ و سیاسەتمەدارانی ئیتاڵیا، بانگهێشتی کۆنگرەی ملیاردێرەکان لە شاری داڤۆسی سویسرا کرابوو، لە پەرلەمانی ئەوروپادا بە لوتبەرزییەوە قسەی دەکرد، سەردانی ئەمریکای بە شەرت و مەرج دەکرد و پۆزی بەسەر سیاسەتمەدارانی کۆشکی سپیدا لێدەدا، کەشتییە نەوتی ڕەوانەی بازاڕەکانی جیهانی دەکرد و کوردستانی بە بۆری نەوت دەبەستەوە بە تورکیاوە، خۆی ئامادەکرد بۆ ڕیفراندۆم و ڕاگەیاندنی دەوڵەتی سەربە[خۆی] لە نەورۆزەکاندا و زۆر شتی سەیروسەمەرەتریش.

زۆڵێتی سیاسییەکان و ستراتیژیستەکانی ئیمپریالیزمی ڕۆژئاوا لەوەدایە کە ئەوەندە هاوسەری دیکتاتۆرە جیهانی سێیەمییەکان شل دەکەن تا غاربدات و ملی خۆی بشکێنێت!.. ئەم یارییەیان بە پینۆشە، سەدام، قەزافی و ... هەموو دیکتاتۆرەکانی دیکەکرد تا سەرئەنجام هەموویان خستنە ناو قوڕە خەستەکەوە.

 ئەمریکا دوای کشانەوەی  سوپاکەی لە عێراقدا، هاوساری بۆ مالیکی و بارزانی شلکرد؛ مالیکی بەسەرێک لەگەڵ ئەمریکا و بە دوو سەر لەگەڵ ڕژێمی ئێران و سوریا بوو. مەسعود بارزانی بەسەرێک لەگەڵ  تورکیا و بەسەرێکی دیکە لەگەڵ ئیسرائیلدا بوو. ئۆردوغانیش کە خەونی حوشتری زیندووکردنەوەی ئیمپراتۆرییەتی عوسمانی دەبینی، چاوی لەوە بڕی بوو کە کوردستانی عێراق و سوریا لە قۆناغی یەکەمدا بە تەواوی داگیر بکات و لەهەنگاوەکانی دواتریشیدا گشت سوریا، عێراق و ناوچەکە لەڕێگای داعش و ئیخوانەکانەوە داگیر بکات و ئیمپراتۆرییەتی نیوعوسمانی خۆی ڕابگەیەنێت!. مەسعود بارزانی لە ڕوانگەی ئۆردوغانەوە فەرماندەیەکی سەربازی و والییەکی سوڵتانی نوێی تورکیای نیوعوسمانلی بوو. سەرەتا بازاڕی کوردستانی لەڕێگای مەسعود بارزانییەوە داگیرکرد. پاشان سەرچاوە سروشتییەکانی وەک غاز و نەوتی کوردستانی دەستبەسەردا گرت و بۆرییەکی نەوتیشی بە بێ ئیزنی حکومەتی ناوەندی بەغدا ڕاکێشا. کێشەی بۆری نەوتەکە و شێوەی هەناردەکردن و فرۆشتنی نەوتی کردە بۆمبێک بۆ تەقاندنەوە و هەڵتەکاندنی پەیوەندییەکانی نێوان مەسعود بارزانی و نوری مالیکی. لەسەراسەری کێشەکەدا، ئەمریکا هیچ پشتیوانییەکی نە لە ئۆردوغان و نە لەبارزانی نەکرد و تەنانەت شەخسی ئۆباما ڕایگەیاند کە " نەوت، نەوتی هەموو عێراقییەکانەو حکومەتی بەغدا بڕیار لەسەر فرۆشتنی دەدات". ئەم هەڵوێستەی ئەمریکا، پەیامێک بوو بە  مەسعود بارزانی و ئۆردوغان کە بۆتان نییە عێراق لەڕووی ئابورییەوە کەرت و پەرت بکەن، بەڵام نە ئۆردوغان و نە بارزانی لەم پەیامەی ئۆباما تێنەگەیشتن و گەمژانە ملی ململانێیان لەگەڵ مالیکیدا گرتە بەر.

لەدوای کشانەوەی هێزەکانی ئەمریکا لە عێراقدا، مەسعود بارزانی بە کەسێکی گوت بوو کە:"ئەگەرئەمجارە ئەگەر ئەمریکییەکان کڵاوەکەی سەریان لە عێراقدا بکەوێتە خوارەوە ئامادەنین هەڵیبگرنەوە!". ئەم تێگەیشتن و خوێندنەوەیەی بارزانی ئەو کارەساتەی بەدوادا هات کە ئەمڕۆ تەنانەت کەسێکی وەک جێن ساکی وتەبێژی وەزارەتی دەرەوەش [پەیامە ناڕەزایەتی]ەکەی ئەو نەخوێنێتەوە!.

ئۆردوغان و مەسعود بارزانی پێیان وابوو کە بە چوونە دەرەوەی سوپای ئەمریکا لە عێراقدا و لەسایەی قەیرانی سوریادا، بە ئاسانی دەتوانن ئامانجەکانی خۆیان، کە لەهەنگاوی یەکەمدا بریتی بوو لە جیاکردنەوەی هەرێمی کوردستان لە عێراق و لە هەنگاوی دووەمدا داگیرکردنی کوردستانی سوریا و دەرهێنانی لەدەستی پ ک ک دابوو، بەدیبهێنن!. بۆ ئەم مەبەستەش مالیکی کرایە نیشانە. بە ئاشکرا مەسعود بارزانی داڵدەی تاریق هاشمی تیرۆریستیدا و ڕەوانەیکردە تورکیا. مالیکی لەبەرامبەردا بودجەی هەرێمی کوردستانی بڕی. بارزانی نەوتی خۆی ڕەوانەی بازاڕەکانی جیهانکرد و مالیکیش کێشەکەی کردە کێشەیەکی جیهانی وڕێگای لەفرۆشتنی یاسایی نەوتەکەی بارزانی گرت. هاوکاتیش، بە پیی پلانێکی دەزگای ئاسایشی نەتەوەیی ئۆردوغان، مەسعود بارزانی دەبووایە شەڕ بە پەیەدە بفرۆشێت؛ دەستی بە خەندەق لێدان لەسەر سنوری نێوان کوردستانی عێراق و سوریاکرد. ئۆردوغان لەولایشەوە بەرەی النصرە و ئۆپۆزسیۆنی سوریای بەردایە گیانی خەڵکی کوردستانی سوریا و شەپۆلێک لە ئاوارەبوون بەرەو هەرێمی کوردستان دەستیپێکرد. پاسەوانە سنوورییەکانی بارزانی لەسەرەتادا ڕێگرییان لێکردن و پاشان دەروازەیان بەڕوودا کردنەوە. ئەو دەروازەکردنەوەیە بە ئامانجی ئەوەبوو کە هەرێمێکی خاڵی لە دانیشتوان، شەڕ لێکەوتە و وێرانە بۆ پەیەدە و باڵی سەربازی ئەو[ یەپەگە] بەجێبهێڵن، بەڵام پەیەدە زیرەکانەتر دەروازەی  سنوری موسڵ و کوردستانی سوریا[ ڕەبیعە]ی لە هێزەکانی داعش و بەرەی النصرە پاککردەوە و لەڕێگای موسڵەوە پێداویستییە دەرمانی، خۆراکی  و دیپڵۆماسییەکانی خۆی دابین دەکرد. ئەم دەروازە پاکردنەوەیە لەلایەن مالیکییەوە پێشوازی لێکرا و ئاسانکاری بۆکرا.

ئۆردوغان و بارزانی بۆ بەستنی ئەو ڕێگایە لە پەیەدە لەلایەک و لەلایەکی دیکەوە بۆ نائارامکردنی بارودۆخی سیاسیی و ئەمنی عێراق، لەگەڵ جەنراڵ و ئەفسەرەکانی سوپا و دەزگا ئەمنییەکانی مالیکی لە موسڵدا دەستیان بە مامەڵەیەکی ژێر بەژێرکرد و لە چاوتروکانێکدا موسڵیان خستە ژێر دەستی داعشەوە. لە تەسلیمکردنی موسڵدا، داعش لەپڕێکدا بووە کوڕێک!.. داعش لە هێزێکی بچووکەوە گۆڕا بۆ هێزێکی جیهانی و ڕەقیبی ئەلقاعدە و ئەو هێزە جەماوەرییەی نا ئەکتیڤەی ئەلقاعدە و ئیخوانەکان لە جیهاندا بەرەو داعش هاتن، کە سەرکردایەتی و ڕابەرایەتییەکەی لەدەستی بەعسییەکانی عێراقدایە. داعش بە کۆمەکی لۆجستیکی و دارایی تورکیا و قەتەر و بە دەستبەسەرداگرتنی چەک و تەقەمەنی و پارەی بانکەکانی موسڵ، توانی بە باشی ئیدارەی ئەو هێزە نوێیە بکات کە لەهەموو شوێنێکی جیهانەوە ڕووی لەداعش دەکرد. لە دوای کەوتنی موسڵ، تکریت و دیالەش کەوتنە ژێر دەستی داعشەوە. ئەمریکا و سعودییە لە مەترسی گەمە داعشییەکەی ئۆردوغان، ئەمیری قەتەر، مەسعودبارزانی و بەعسییەکان تێگەیشتن کە داعش تەنها هەڕەشەیەک نییە لە بوونی دەسەڵاتی شیعەکانی عێراق، بەڵکو هەڕەشەیەکە لە خودی سعودییە، ئیمارات و کوێتیش!.

دوای ڕووداوەکانی تەسلیمکردنی موسڵ بە داعش، ئەمریکا بە پەلە هاوپەیمانییەکی سەربازی فشەڵی لەدژی داعش دروستکرد. ڕاوێژکارە سەربازییەکانی خۆی ڕەوانەی عێراقکرد. لەو ساتەوەختەدا پەیوەندی نێوان داعش و بارزانی لە ئاستێکی گەرمدا بوو. بارزانی ویستی لە ڕێگای کەوتنی موسڵەوە، هەم کوردستانە سەربە تورکیاکەی ڕابگەیەنێت و هەم ئۆباڵی کەوتنی موسڵ بخاتە ئەستۆی نوری مالیکی و هەم لەڕێگای بەستنی دەروازەی موسڵەوە پەیەدە بخنکێنێت. لە ڕەوتی ڕووداوەکانی موسڵ و پێشڕەوییەکانی ئەودا بەرەو دیالە و بەغدا، بەرامبەر بە ئەمریکا و ئەوروپاش دەیگوت:" یان لابردنی مالیکی و حکومەتێکی شەراکەتی نیشتمانی، یان ئێمە لە عێراق جیا دەبینەوە"!. ئەم لێدوانەی بارزانی لە میدیاکانی ئەمریکاو ئەوروپادا دەنگیداوە.  بەدوای لێدوانەکەی بارزانیدا، ئۆباماش لە لێدوانێکدا بەرامبەر بارودۆخی عێراقداو وتی:" ئێمە گەرەنتی پاراستنی یەکپارچەیی خاکی عێراق ناکەین!". ئەم لێدوانە زۆڵانەیەی ئۆباما، هێندەی دیکە فویکردە بارزانی. بەدوای ئەوەدا، بارزانی بە پۆزلێدانەوە  لە پەرلەماندا ڕایگەیاند کە " کۆمیتەیەک بۆ ڕاگەیاندنی کوردستانی سەربەخۆ"کەی پێکدەهێنێت!. ئۆباما مەبەستی بوو کە بەپەلە مالیکی لە دەسەڵات دوور بخاتەوە و حکومەتێکی نوێ لە بەغدا پێکبهێنێت. ئەو بەو لێدوانە و بە پەت شلکردن بۆ بارزانی لە مەڕ دابەشکردنی عێراق، مەبەستی بوو شیعەکان و سوننە عێراقیپەرستەکان بە مەترسی "لەبەریەکهەڵوەشانەوەی عێراق و هەڕەشەکەی بارزانی" بترسێنێت و لە چوارچێوەی حکومەتێکدا کۆیان بکاتەوە. ئۆباما ئامانجەکەی خۆی پێکا؛ لایەنە شیعە و سوننەکانی ناو حکومەتی مالیکی دەستیان بە گفتوگۆکرد دەربارەی کابینەی نوێ، یەکێتی و پارتیش ناچارکران کە بەشداری  پرۆسەکە بن، بەڵام لەگەڵ ئەوەشدا بارزانی جاروبارە ئاوازی " کوردستانە سەربەخۆکەی" لێدەدا و چاوەڕێی ئەوەبوو کە ئۆردوغان پشتی بەرنەدات، بەڵام داود ئەحمەد ئۆغڵو لە باتی ئۆردوغان ڕایگەیاند:" تورکیا پشتیوانی لە جیاکردنەوەی کوردستان لە عێراق ناکات!". مەسعود بارزانی تووشی شۆک بوو!.. بەپەلە و  بەشێوەیەکی لەناکاودا شەنگاڵ و ئێزیدییەکانی بە گورگانخواردوودا و بە بێ تەقاندنی یەک فیشەک شەنگاڵ و دواتر گوێر و مەخموری تەسلیمی بە داعشکرد!. ئامانجی بارزانی لەو سیناریۆ خوێناوییە بریتی بوو لە:

یەکەم/ تەشویشی هاوکاریکردن لەگەڵ داعشدا لەسەر خۆی هەڵبگرێت.

دووەم/ سەرنجی ئەمریکاو ئەوروپا بۆ ڕۆڵی خۆی لە هاوکێشەکانی عێراق و ناوچەکەدا ڕابکێشێت.

سێیەم/ چەک و تەقەمەنییەکی بەلاش و زۆروزەوەند لە ئەمریکاو ئەوروپا بەدەستبهێنێت.

چوارەم/ پشتیوانی سەربازی ئەمریکا و ئەوروپا لە هەرێم وەک مەسیجێکی پێچەوانە بگەیەنێتە ئۆردوغان.

پێنجەم/ لەناو تەپوتۆز و دووکەڵی کارەساتی تراژیدی شەنگاڵ و ئێزیدی قڕاندا، هەم بە خشکەیی دەست لە فڕوفیشاڵی کوردستانی سەربەخۆکەی هەڵبگرێت و بگەڕێتەوە بۆ باوەشی حکومەتی شیعەکانی بەغدا و هەم پەیوەندییەکانیشی لەلایەک لەگەڵ ئێران و لەلایەکی دیکەوە لەگەڵ پ ک ک و پەیەدەدا ڕێکبخاتەوە.

مەسعود بارزانی بەشێکی زۆر لەو ئامانجانەی سەرەوەی بەدەستهێنا، بەڵام هەرگیز دەستی بەو ئامانجە نەگەیشت کە ئەمریکاو ئەوروپا وەک کەسایەتییەکی سەنگین و جێپی دیار لەناو ڕووداوەکانی شەنگاڵ و دواتردا حسابی لەسەر بکەن. ئەمریکا زیرەکانە حکومەتی عێراقی نوێی پێکهێنا، مالیکی لە لوتکەی دەسەڵات دوورخستەوە،  کلک و دەنوکی مەسعود بارزانیکرد و کردی بەتەیرە مەعقولەکەی مەلای مەشهورە و کردییە سەربازێکی بەکرێگیراوی خۆی لەشەڕی دژی داعشدا. لە دوای پێکهاتنی حکومەتی عێراقی نوێوە بە سەرکردایەتی حەیدەر العابدی، مەسعود بارزانی لە سیاسەت و ستراتیژی ئەمریکا لە عێراقدا کێشێکی نییە و ئەو دەبێت ملکەچی ئەو فەرمانانە بێت کە بەرپرسی هێزە سەربازییەکانی ئەمریکا لە هەولێردا بۆی دەردەکات.

نامە ناڕەزایەتییەکی بارزانی بەرامبەر بە بانگهێشتنەکردنی بۆ کۆبوونەوەی  نوێنەرانی وڵاتانی هاوپەیمانی دژی داعش لە لەندەن و نەخوێندنەوەی لەلایەن ئەمریکاو هاوپەیمانە دژی داعشەکانییەوە، ئەوەی پیشاندا کە مەسعود بارزانی جگە لە سەربازێکی کرێگرتەی ئەمریکا لە شەڕی دژی داعشدا هیچ شتێکی دیکە نییە!.. تەنها ماوەتەوە بە بارزانی بڵێین :" خۆت بناسە.. بەڕێزتان تەنها سەربازێکی ملکەچی ژێر فەرمانەکانی فەرماندەی هێزەکانی ئەمریکان لە ژووری عەمەلیاتی هەولێر، هەروەک سەردەمی قیادە مەوقەتەکەت کە پاسدارێکی ژێر فەرمانی مستەفا چەمرانەکان و ئایەتوڵا خاڵخاڵییەکان بوویت!".

loadingبەرەی چەپی عەدالەتخوازی یۆنان بردیەوە؛ یەکەم هەنگاوی سەرکەوتنی خەڵکی یۆنان لەجەنگ دژی ترۆیکا

لە دوای قەیرانی ئابوریی ساڵی ٣٠٠٨وە، ترۆیکا[ بانکی ناوەندی ئەروپا، سندوقی دراوی نێودەوڵەتی و یەکێتی ئەروپا] یۆنانیان وەک وڵاتێکی ئەندام لە باشوری ئەوروپادا کردووە بە تاقیگەی سیاسەتە ئابورییە نیولیبراڵییەکان و بە کەڵک وەرگرتن لە مایەپووچی ئابوریی و دارایی ئەو وڵاتە، کە بەرئەنجامی ئیدارەکردنی گەندەڵی حکومەتەکەی حیزبی سۆشیالیست بوو بە سەرۆکایەتی ئەدرێس پاپاندریۆس، دەیانویست خەڵکی یۆنان بۆ دەیان ساڵ بکەن بەژێر قەرزە گەورەکانەوە و باجی قەیرانی ئابوریی یەکێتی ئەوروپا لە یۆنان و وڵاتانی دیکەی باشوری ئەوروپا وەر بگرنەوە.

لەسەرەتای ئاشکرابوونی ئاکامە زیانبارەکانی قەیرانی ئابورییدا ڕۆشنبیران، هونەرمەندان و ئەکادیمیستە چەپەکانی یۆنان دەنگی ناڕەزایەتی خۆیان دژی پلانی قەرزدان بە دەوڵەتی یۆنان لەلایەن ترۆیکاوە بەرزکردەوە و بەتووندی دژی سیاستە ئابورییەکانی ناسراو بە دەستگیرۆیی ئابوریی وەستانەوە. ئەلکسێس تیسپراس، کە گەنجێکی کۆمۆنیستی ئەکتیڤ بوو،  لەساڵی ١٩٩٩دا ببووە سکرتێری " بەرەی سیریزا- بەرەی چەپی پێشکەوتووخوازی یۆنان"، وەک ڕابەرێکی کاریزماتیکی ڕۆڵێکی گەورەی بینی لە هوشیارکردنەوەی خەڵکی یۆنان لەبەرامبەر ئاکامە زیانبارەکانی قەرزدانەکانی ترۆیکا بە دەوڵەتی یۆنان.

 لە هەڵبژاردنەکانی مانگی تەموزی ساڵی ٢٠١٢ ی یۆناندا سیریزا بە چەند دەنگێکی کەم لە دوای حیزبی " دیموکراسی نوێ"ەوە دۆڕاوی هەڵبژاردنەکان بوو، بەڵام بەو حاڵەشەوە کە دووەمین هێزی هەڵبژاردنەکان بوو، ئامادە نەبوو ئیئتلاف لەگەڵ حیزبی دیموکراسی نوێدا بکات بۆ پێکهێنانی کابینەی حکومەت[ بۆ زانیاری زیاتر لەسەر هەڵبژاردنەکانی ٢٠١٢ی یۆنان کلێکی ئێرە بکە] و لە ئۆپۆزسیۆندا مایەوە.

پاش ئەوە کە لە ماوەی دوو ساڵی ڕابردوودا حیزبی دەسەڵاتداری دیموکراسی نوێ نەیتوانی بچووکترین گۆڕانکاری لە بارودۆخی خراپی ئابوریی یۆناندا بکات، بەتووندی ڕووبەڕووی ناڕەزایەتییەکانی خەڵکی یۆنان بوویەوە و ناچاربوو پێشنیاری هەڵبژاردنی پێش وەخت بکات. پێش لەوەی ڕۆژی هەڵبژاردن نزیک بێتەوە، هەموو چاودێرانی سیاسیی سەر یۆنان بەو ئەنجامە گەیشت بوون کە بەرەی چەپ بە سەرکردایەتی ئەلێکسیس تیسپراس براوەی هەڵبژاردنەکان دەبێت. پێشبینییەکان ڕاست بوون و ئاشکرابوونە بەراییەکان هەڵبژاردنەکان پیشاندەدەن کە سیریزا زۆربەی کورسییەکانی پەرلەمان بۆخۆی مسۆگەر دەکات!.

چەند کاتژمێرێک بە دوای دەنگدانەکانی ئەمڕۆدا، ئەلێکسیس تیسپراس لێدوانێکیدا و وتی:" خەڵکی یۆنان لاپەڕەیەکی نوێیان لە مێژووی خۆیان هەڵدایەوە. ئێمە سەنتەری هیواو ئۆمێد وزەی ئەوروپاییەکانین  و ئەو ئەروپایەی کە دەبێت بگۆڕێت بیگۆڕین. سەرکەوتن لەم هەڵبژاردنەدا پاراستنی کەرامەتی یۆنانییەکانە کە دەستیانناوە بەڕووی سیاسەتە ئابورییە دەستگیرۆیی و هەژارانەکانەوە. ئیمە ئەو بەرنامانەمان ناوێت کە ئامانجی لێدانە لەشەرەف و کەرامەتی خەڵکی یۆنان. بەیانی ئێمە دەستبەکار دەکەین و بەدیلی ئابوریی  نوێ و پەیوەندی نوێی خۆمان دەخەینە بەردەمی یەکێتی ئەوروپا".

هەڵبژاردنەکانی ئەمڕۆی یۆنان تایتڵی سەرەکی میدیاکانی جیهانی پێکهێنا و زۆربەی میدیاکانی ڕۆژئاوا  بەجۆرێک ڕووماڵی هەڵبژاردنەکان و سەرکەوتنی بەرەی چەپی یۆنانیانکرد، کە پڕ لە چەواشەکاری بوو، بەڵام زۆربەشیان نەیانتوانی ڕاستییەک بشارنەوە؛ یەکێتی ئەوروپا لە مامەڵەی ئابوریی لەگەڵ یۆناندا زیادەڕەویکردووە!. سەرکەوتنی سیریزا، وەڵامی ددان شکێنی خەڵکی یۆنان بوو بە زیادەڕەوییەکان و سیاسەتە نیولیبراڵییەکانی  یەکێتی ئەوروپا، بانکی ناوەندی ئەوروپا سندوقی دراوی نێودەوڵەتی، بەڵام ئەمە هەنگاوی یەکەمی سەرکەوتنە لەو شەڕە ئابورییەدا کە ترۆیکا دژی یۆنان بەرپایکردووە. هەنگاوی دووەم، پشتیوانی خەڵکی یۆنانە لە پیادەکردنی بەرنامە ئابورییەکانی حکومەتەکەی سیریزا و خەڵکی یۆنان دەتوانن بە پشتیوانی لە حکومەتی بەرەی چەپ، یۆنان لە داڕمان و مایەپووچی زیاتری ئابوریی ڕزگار بکەن، کە دڵنیاین خەڵکی ئەوروپاش پشتیوانیان دەبن!.

loadingخورافات شیعەو سوننە ناناسێت: کفنی دژی ئاگری جەهەنم بە ٣٧٠ دۆلار لە تورکیا فرۆشرا!

ڕۆژنامەی حوریەتی چاپی تورکیا لە ڕاپۆرتێکدا نووسیوێتی:" وێب سایتێک، کە گومان دەکرێت پەیوەست بێت بە " جوبلی ئەحمەد هوجا"ی زانای ئاینی تورکیاوە، کفنە دژی ئاگرەکانی دۆزەخ و ڕزگاربوون لە شەوی یەکەمی قەبر دەفرۆشێت.

نرخی کفنی ئاسایی لە تورکیا نزیکەی ٧٠ لیرەیە و کفنە دژی ئاگرو دژی عەزابەکانیش ٣٧٠ دۆلارە.

جوبلی ئەحمەد هواجەیەکێک لە کەسایەتییە ئاینییە سەلەفییەکانی سوننە و بە تووندی دژی شیعەیە لە تورکیادا. جگە لە خورافاتی کفنی ئاگر نەبڕ و عەزاب نەبڕی جەهەنەم،  هواجە لە یەکێک لە خوتبەکانیدا وتویەتی:" ئەوانەی کە دەڵێن پیاوانێک دەچنە بەهەشت کە تاڵ موی ژنەکانیان نامەحرەمێک نەیبینێبێت، ئەگەر جەهەنم ببینن مو بەسەری ژنەکانیانەوە ناهێڵن!.

تێبینی: هەموو ئەو وێنانەی لەگەڵ ئەم کورتە هەواڵەدا هاتووە، وێنەی جوبلی ئەحمەد خواجەی کفنفرۆشی دژی ئاگری جەهەنەمە و ئێمە وێنەکانمان لە سایتە تورکییەکانەوە وەرگرتووە.

http://www.pyknet.net/1393/02bahman/05/page/kafan.php

loadingسیاسەتی دارایی سەدامیانە: ئاژنکردنی ٤٨٠ ملیار یۆرۆی تەزویر لە ئابوریی نەخۆشی یەکێتی ئەوروپا!

ماریۆ دراکی سەرۆکی بانکی ناوەندی ئەوروپا ڕایگەیاند کە بە مەبەستی کڕینی بۆندەکان[الأوراق المالية] ی دەوڵەت و کەرتی تایبەتی تا مانگی سێپتەمبەر ٤٨٠ ملیار  یۆرۆ چاپ دەکات!. ئامانج لەم پلانە داراییەی بانکی ناوەندی ئەوروپا زاڵبوونە بەسەر قەیرانی ئابوریی بەشێوەیەکی گشتی و بە تایبەتیش هەڵئاوسانی نرخی کاڵاکان و بردنەسەرەوەی توانایی کڕینی هاوڵاتیانی ئەو یەکێتییەیە!.

ئابوریی  وڵاتانی یەکێتی ئەوروپا ئاسۆیەکی بۆ دەرهاتن لە ئەزمەی ئێستای لە بەردەمدا نییە. لە ساڵی ٢٠٠٨وە ئابوریی وڵاتانی ناوچەی یۆرۆ بە ئۆکسجین کار دەکات. هەروەک لە چەندین وتاری دیکەماندا ئاماژەمان پێداوە، قەیرانی ئابوریی ئێستای یەکێتی ئەوروپا، لە  گشتیترین و ئەبستراکترین ئاستی خۆیدا، قەیرانی سیستەم و شێوەی بەرهەمهێنانی سەرمایەدارییە کە لەسەر ناکۆکی نێوان گەشەکردنی هێزەکانی بەرهەمهێنان و پەیوەندییەکانی بەرهەمهێنان ڕاوەستاوە. بەشێوەیەکی دیاریکراوتریش، قەیرانی ئابوریی سەرمایەداری یەکێتی ئەوروپا، دەرئەنجامی سەرهەڵدانی هێزە ئابورییە نوێیەکانە لە ڕۆژهەلاتی ئاسیا و ئەمریکای لاتیندا. بۆیە ئاژنکردنی ٤٨٠ ملیار یۆرۆی چاپکراوی بێ پشتیوانی بەرهەم و داهاتی کاڵایی ناتوانێت ئابوریی نەخۆشی یەکێتی ئەوروپا لە قەیران ڕزگار بکات و خولێکی نوێ لە گەشەکردن و بوژانەوەی ئابوریی  بخاتە بەردەمی ئەو یەکیتییە لە قەیران چەقیوە.

بێگومان ئێمە لە هەلێکی گونجاودا دەچینە سەر شیکردنەوەیەکی ئابوریی کۆنکرێت لەسەر ئەم پلانە داراییە نەزانانەی ئابوریزانانی یەکێتی ئەوروپا، بەڵام لێرەدا بە شێوەیەکی گشتی دەڵێین کە ئاژنکردنی ٤٨٠ ملیار یۆرۆی چاپکراو، لە کۆتایی پرۆسەکەدا قەیرانە ئابورییەکە قوڵتر دەکاتەوە، چونکە  ئەو ٤٨٠ ملیاردۆلارە پارەیەکی ڕاستی نییە کە پێوەری تێچوونی کاتی کاری کۆمەڵایەتی پێویستی کاڵاکان بێت و لەبەرامبەریشدا کاڵایەکی دیکە[ ئاڵتون] نوێنەرایەتی گشت نرخی کاڵاکانی دیکە بکات.

نرخ یان شێوەی پارەیی کاڵاکان، لە دراوە  چاپکراوەکەی یەکێتی ئەوروپادا بوونی نییە، چونکە ئەم  دراوە چاپکراوە نوێنەرایەتی ڕاستەقینەی نرخەکان ناکات و پێوەری ڕێژەی هیچ کاڵایەکی بەرهەمهێنراو نییە لە بازاڕدا!. ئەمە هیچ شتێک  نییە جگە لە تەزویرکردنی نرخی کاڵاکان لەلایەن بانکی ناوەندی ئەوروپاوە کە بەشێوەیەکی واقعی ئەو کاڵایانەی کە  دەبێت نوێنەرایەتیان  لەلایەن ئەو ٤٨٠ ملیار یۆریەوە لە بازاڕدا بکرێت، بەهیچ شێوەیەک بوونیان نییە.

ئەو ٤٨٠ ملیار یۆرۆیە کە بڕیارە بانکی ناوەندی ئەوروپا لە ٨ مانگی داهاتوودا چاپی بکات، ڕەنگە بتوانێت بۆ ماوەیەکی دیاریکراو  و کورت کاریگەری لەسەر دابەزینی نرخی یۆرۆ هەبێت و دابەزینی نرخی یۆرۆش کۆمەک بە پرۆسەی هەناردەکردن بکات و تەنانەت بەر بەهەڵئاوسانی نرخی واقعی کاڵاکان بگرێت، بەڵام دوای ئەوە ماوە دیاریکراوە، پارە و کاڵای ئەوروپی دەچنەوە پرۆسەی واقعی خۆیان و دراوە  چاپکراوەکە وەک کاغەزێکی بێنرخ لە هاوکێشەو پرۆسەی چەرخانی پارە - کاڵا و قازانج دەکەنە دەرەوە و ئابوریی یەکێتی ئەوروپا لەگەڵ شڵەژان و شۆکێکی ترسناکتردا بەرەو ڕوو دەکەنەوە!.

شایانی ئاماژە پێکردنە کە ئەم سیاسەتە داراییەی بانکی ناوەندی ئەوروپا، هەمان ئەو سیاسەتە ئابورییەیە کە  ڕژێمی سەدام لە دوای جەنگی یەکەمی کەنداو گرتییە بەر و بە ملیارها دیناری بە بێ پشتیوانی کاڵایی[ یان ئاڵتونی] لە ناوخۆی عێراقدا چاپکرد و خستییە بازاڕەوە.

تێبینی و ڕاستکردنەوەی هەڵەیەک:

لەکاتی نووسینی ئەم وتارەدا ئەوە بۆ ئێمە ڕوون نەبوو کە بۆ ماوەی ٨ مانگ یان ٩ مانگ بانکی ناوەندی ئەوروپا دەستدەکات بە چاپکردنی مانگی ٦٠ ملیار یۆرۆ. لەبەرئەوە، ئێمە ٨ مانگمان لەبەرچاوگرت بۆ بابەتەکەی خۆمان کە ٨ x ٦٠ = ٤٨٠ ملیار یۆرۆ، بەڵام دواتر دڵنیابووین کە بڕیارەکەی بانکی ناوەندی ئەوروپا ئەوەیە کە لە مانگی جەنیوەریەوە تا مانگی سێپتەمبەر هەر مانگەی ٦٠ ملیار یۆرۆ چاپ بکات و لە کۆتایی سێپتەمبەردا بڕیاری وەستاندن یان درێژکردنەوەی بدات، کە ئەوەش دەکاتە: ٩ ٦٠x= ٥٤٠ ملیار دۆلار.

loadingڕۆشنبیره‌ حیزبییه‌کانی کورد، به‌ ئاشکرا کار له‌سه‌ر ده‌مه‌زه‌ردکردنه‌وه‌ی شه‌ڕی نێوانی هه‌رێم و په‌که‌که‌ دەکەن -عارف قوربانی وەک نموونە!

له‌و  ڕۆژه‌وه‌ی که‌ ئێزیدییه‌کان له‌ شه‌نگال  بڕیانداوه‌ که‌ خۆیان کاره‌کانی خۆیان به‌ڕیوه‌به‌رن ، گه‌لێك له‌ڕۆشنبیره‌ حیزبییه‌کان به‌ڕاست و چه‌پدا  له‌ بڵاوکردنه‌وه‌ی وتار و  پۆستی سه‌ر فه‌یسبووکن  و به‌ گوێره‌ی سه‌لیقه‌ و بۆچونی خۆیان ئه‌و  ڕوداوه‌ی ئێستا و ئاینده‌شی شیده‌که‌نه‌وه‌ و قسه‌ی له‌سه‌رده‌که‌ن، گوایه‌ ئه‌مه‌ له‌ به‌رژه‌وندی نه‌ته‌وه‌ی کورد نییه‌ و ئێستا کاتی یه‌کگرتنه‌ و  په‌که‌که‌ فرسه‌تبازه‌ و ده‌ست له‌ باشوری کوردستان وه‌رده‌دات و گه‌لێکی دیکه‌ له‌مانه‌. که‌ زیاتر بۆنی خوێنی لێدێت تاکو بۆنی شیکرنده‌وه‌یه‌کی واقیعیانه‌ ی به‌ ویژدانه‌وه‌.  

ئه‌وه‌ی له‌ناو هه‌موو ئه‌م نوسه‌ره‌ حیزبییانه‌دا ‌ دیاره‌ که‌ به‌و چه‌شنه‌  قسان ده‌کات عارف قوربانی-یه‌ که‌ که‌سێکی ڕۆشنبیری دیاره‌ له‌ نێوه‌ندی ڕۆشنیران و  سیاسییه‌کانی کورددا.  قوربانی به‌ وتارێکی ئه‌م دوایه‌ی که‌  له‌ هاوڵاتیدا بڵاوکراوه‌ته‌وه‌ ، ئه‌ویش دڵی خۆی له‌م ڕوداوه‌ کردووه‌‌ ته‌رزه‌ و هه‌ندێك قسه‌ی بێسه‌روبه‌ره‌ ده‌کات،  بییه‌وێت و نه‌یه‌وێت وتاره‌که‌ی له‌ خزمه‌تی هه‌ڵگیرسانه‌وه‌ی شه‌ڕی نێوانی هه‌رێم و په‌که‌که‌دایه‌ .  ئه‌مه‌ به‌ده‌ر  له‌و ناکۆکییانه‌شی که‌  ده‌یبینین له‌م نوسینه‌یدا،  ئه‌و ده‌ڵێت " هێشتا شه‌نگال له‌ژێر حوکمى دڕندانه‌ى داعشدایه‌، هێشتا شه‌نگال له‌چوارچێوه‌ى ماده‌ى 140ى ده‌ستورى عێراق به‌شێکه‌ له‌و ناوچانه‌ى سه‌ر به‌به‌غدان و نه‌توانراوه‌ به‌ڕێوشوێنى ده‌ستوریی و یاسایى بخرێته‌ ناو نه‌خشه‌ى ئیداره‌ى هه‌رێمه‌وه‌، که‌چى په‌که‌که‌ کانتۆنى ئیدارى بۆ دروستده‌کا" .  باشه‌ گه‌ر خه‌ڵکی له‌ شه‌نگال دا بیانه‌وێت خۆیان خۆیان به‌ڕێوه‌به‌رن، خراپییه‌که‌ی له‌ چیدایه‌؟ که ‌له‌ کاتێکدا ‌ ئێوه (یه‌کێتی و پارتی )‌ هه‌ردوولاتان وا بۆ 12 ساڵی ڕه‌به‌ق ده‌چێت نه‌ك هه‌ر نه‌تانتوانیوه‌ شه‌نگاڵ و ناوچه‌کانی دیکه‌ بگێڕنه‌وه‌ سه‌ر کوردستان ، ته‌نانه‌ت نه‌شتانتوانیوه‌ که‌ وتووێژێکی به‌رگرتووشیان له‌سه‌ر بکه‌ن .  که‌ کاتێك به‌ وتووێژ و ساز ش و  کاره‌کانی دیکه‌تان نه‌تانتوانی هیچ بکه‌ن ده‌بوایه‌ خۆتان هانی خه‌ڵکانی شه‌نگالتان بدایه‌ که‌ خۆیان، خۆیان له‌ " قوڕگی شێر ڕزگار بکه‌ن"  .   که‌ ئه‌م بێ ده‌نگییه‌شتان کرد و هیچتان نه‌کرد ، ده‌ لێره‌شدا هه‌ر  هیچ نه‌بیت ، هه‌ر  بێده‌نگ بن. !!! هیچ نه‌بێت پێشه‌کی بچن قسه‌ له‌گه‌ڵ خه‌ڵکی ئه‌و ده‌ڤه‌ره‌ و په‌که‌که‌دا بکه‌ن و بزانن ئه‌وان ده‌یانه‌وێت له‌م بواره‌دا چی بکه‌ن و  به‌ره‌و چ ئاقارێك پرۆژه‌که‌یان ده‌به‌ن.  دوای ئه‌وه‌ به‌چ ڕویه‌که‌وه‌ ئێستا ئه‌م هه‌ڕه‌شه‌ و گوڕه‌شانه‌ ده‌که‌ن !! ئێوه‌یه‌ك که له‌ ماوه‌ی فه‌رمانڕه‌ویی 22 ساڵه‌تاندا که‌ گوایه‌ سوپاو هێزی پێشمه‌رگه و ئاسایشتان هه‌یه‌ ‌و شانازیتان پێوه‌ ده‌کردن، به‌ڵام نه‌تانتوانی  بۆ ماوه‌ی 22 چرکه‌ به‌رگری له‌و خه‌ڵکه‌ داماوه‌ بکه‌ن ، ئێستا به‌ چ ڕوویه‌که‌وه‌ ده‌تانه‌وێت حوکمیان بکه‌ن؟!!!

هه‌ر به‌ دوای ئه‌و بڕگه‌یه‌دا کاک عارف ده‌ڵێت " ده‌مێکه‌ هه‌ست به‌مه‌ترسى پیلان‌و پلانى هێزگه‌لێک ده‌کرێت، که‌ ده‌خوازن رێگه‌ له‌ به‌ره‌وپێشچونى ئه‌زمونى ئه‌م به‌شه‌ى کوردستان بگرن، به‌تایبه‌تیش له‌دواى ئه‌وه‌ى هه‌رێم بۆ یه‌که‌مجارو به‌ده‌نگێکى دلێره‌وه‌ وتى ده‌وڵه‌تى کوردیم ده‌وێت."  من له‌ کاك عارف ده‌پرسم  کام ئه‌زموون؟ ئه‌زموونی گه‌نده‌ڵی ، کوشتنی ژنان و ڕۆژنامه‌وانان و چالاکوانی سیاسی و دروستکردنی به‌ندی مافیا و دزینی سامانی وڵات و قووتی خه‌ڵکی و سازشکردن له‌گه‌ڵ حکومه‌تی ناوه‌ندی و ده‌رو دراوسێ و جیهانی و ئاڵانی کوردستان له‌ شه‌ڕێکی نه‌بڕاوه‌یی و به‌رده‌وامیدا به‌ هێنانی داعش ، پیسکردنی ژینگه‌ و کارکردن له‌سه‌ر هه‌ڵوه‌شاندنه‌وه‌ی کۆمه‌ڵ و به‌هاکانی و وێرانکردنی له‌ هه‌موو بواره‌کانیدا: ئابوری کوڵتوری سیاسی ڕۆشنبیری کۆمه‌ڵایه‌تی...هتد کام ئه‌زموون ئه‌و ئه‌زموونه‌ بێزراوه‌ خراپه‌ی که‌ هه‌مووان به‌چاوی خۆمان ڕ ۆژانه‌  ده‌یبینین؟!!.   ئه‌ی دیسانه‌وه‌ کامه‌یه‌ پێشکه‌وتن و به‌ره‌و  پێشکه‌وتن که‌ کاك عارف باسی لێوه‌ ده‌کات؟!! خۆشی زۆر باش ده‌زانێت که‌ بانگه‌شه‌ی ده‌وڵه‌تی کوردی شتێك نه‌بوو جگه‌ له‌ گه‌مه‌ی سیاسی و خۆڵکردنه‌ چاوی خه‌ڵکییه‌وه‌!!! ئه‌مه‌ له‌ لای زۆربه‌مان ئاشکرا و ڕونه‌.

کاك عارف درێژه‌ به‌ نوسینه‌که‌ی ده‌دات و ده‌ڵێت " گۆڕینى ئاراسته‌ى شه‌ڕى داعش له‌به‌غداوه‌ بۆ هه‌رێمى کوردستان، په‌لکێشکردنى هێزى په‌که‌که‌ بۆ قوڵایى خاکى باشور له‌جه‌له‌ولاو که‌رکوک‌و تا نزیک حه‌مرین، بێ‌ ئاگادارى پێشوه‌خته‌ى دامه‌زراوه‌ شه‌رعى‌و ده‌وڵه‌تیه‌کانى هه‌رێم‌و ئیمراڵى، کردنى ئه‌م نیشتمانه‌ به‌ته‌راتێنى سوپاى ده‌ره‌کى. سه‌ره‌تاى هه‌ڕه‌شه‌و مه‌ترسیه‌کى ئێجگار گه‌وره‌تره‌ له‌وه‌ى تائێستا هه‌ستى پێده‌کر.کورد ده‌مێکه‌ وتویانه‌ " خۆت بده‌ به‌ کوشت بۆ بۆره‌ پیاو هێشتا به‌ دووژمنت ده‌زانێت"  به‌ڕاستی ئاوایه‌.  له‌ بری پیاهه‌ڵدان و نرخاندنی چالاکییه‌کانی په‌که‌که‌و هێزه‌کانی یه‌په‌گه‌ و یه‌په‌ژه و‌ ده‌ستخۆشی لێکردنیان و ستایشکردنی گیانبه‌ختکراوانیان، بۆ ئه‌وه‌ی  کاك عارف و هاوڵاتییه‌کانی دیکه‌ی وه‌ك کاك عارف ئاوا به‌ سه‌لامه‌تی و بێباکی له‌ناو ماڵ و منداڵانی خۆیاندا دانیشن ، که‌چی تانه‌یان لێده‌دا،  وه‌کو سوپایه‌کی داگیرکه‌ر به‌خه‌ڵکیان ده‌ناسێنێت.!! هاوکات چاوی له‌ ئاستی ئه‌و ڕاستییه‌دا ده‌نوقێنی  و هه‌رگیز زوقره‌ی ئه‌وه‌ ناکات که‌ ئه‌و پرسیاره‌ ڕووبه‌ڕوی بارزانی پارتی بکاته‌وه‌ که‌ بۆچی داعش و  شه‌ڕی  داعشیان ئاڵانه‌ کوردستانه‌وه‌؟!!

له‌ بڕگه‌یه‌کی دیکه‌ی نوسینه‌که‌یدا ده‌ڵێت " ه‌وه‌ى په‌که‌که‌ له‌ شه‌نگال کردى، ته‌نها هه‌ڕه‌شه‌ نیه‌ بۆ دروستکردنى مه‌یلى خۆبه‌ڕێوه‌به‌رێتى لاى ئێزدیه‌کان که‌پێشتریش زۆر لایه‌ن کاریان له‌سه‌ر ئه‌وه‌ ده‌کرد هانى ئێزدى بده‌ن که‌نکوڵى له‌کوردبونى خۆیان بکه‌ن، به‌ڵکو سه‌ره‌تایه‌که‌ بۆ له‌به‌ریه‌ک هه‌ڵوه‌شانه‌وه‌ى یه‌کێتیى نه‌ته‌وه‌یى له‌باشورو له‌ت‌و په‌تکردنى ئیداره‌ى هه‌رێم و تێکدانى ئه‌زمونى حوکمڕانى کوردى. که‌ ره‌نگه‌ له‌داهاتوى نزیکدا لێکه‌وته‌ى ترو ده‌رهاویشته‌ى رونتر وه‌ک ئاماژه‌ى ئه‌و مه‌ترسیه‌ هه‌ستپێبکه‌ین."  له‌م بڕگه‌یه‌دا کاك عارف باس له‌‌ شتێك ده‌کات که‌ به‌لانی که‌مه‌وه‌ له‌ ماوه‌ی ئه‌م 60 ساڵه‌ی دواییه‌دا ، ئێمه‌ نه‌مان بینیوه‌ که‌ ئه‌ویش :  یه‌کێتی نه‌ته‌وه‌ییه‌!!! کام یه‌کێتی نه‌ته‌وه‌یی ؟ ئه‌و یه‌کێتی نه‌ته‌وه‌ییه‌ی که‌ تا ئێشتاش دوو ئه‌ماره‌ت له‌ کوردستاندا هه‌یه‌؟!! ئه‌و یه‌‌کێتییه‌ی  که‌ به‌ هه‌زاره‌ها که‌سیان له‌ یه‌کدی کوشت ؟ ئه‌و یه‌کێتییه‌ لاوا‌زه‌ی که‌ گه‌ر ئێستا کاك عارف دوو وتاری  شه‌ڕه‌نگێزانه‌ی  ئاواش ‌ له‌سه‌ر نێوانی ئه‌وانیش بنوسێت، زۆر نزیکه‌  که‌ جه‌نگێکی دیکه‌ له‌ نێوانیاندا به‌رپابکات!!   ته‌نانه‌ت یه‌کێتی له‌ناو حیزبه‌کانشدا نییه‌ چ له‌ناو پارتی و چ له‌ناو یه‌کێتی  و چ له‌ناو گۆڕانیش-دا .  لام سه‌یره‌ که‌ کاك عارف ده‌نوسێت و  باس له‌ له‌ت و په‌تکردنی ئیداره‌ی هه‌رێم ده‌کات وه‌کو  هه‌رێم خۆی هه‌ر له‌ سه‌ره‌تادا به‌ له‌ت و په‌تی نه‌خولقابێت!!!  هه‌ر له‌ خوار ئه‌و بڕگه‌وه‌ خۆی ده‌که‌وێته‌ ناکۆکییه‌وه‌ و پێ له‌وه‌ ده‌نێت که‌ کوردستان یه‌کگرتوو نییه‌ و ده‌ڵێت " هاندانى جیاکردنه‌وه‌ى شه‌نگال له‌کوردستان زۆر مه‌ترسیدارتره‌ له‌و ساتانه‌ى کوردستان بۆ دوو هه‌رێم دابه‌شکرابوو، مه‌ترسیدارتره‌ له‌وه‌ى ئێستاش هه‌رێم بکاته‌وه‌ به‌دوو له‌ت..."..

کاک عارف بۆ ئه‌وه‌ی  به‌ خوێنه‌ر بڵێت  گوایه‌ ئه‌و ڕۆشنبیرێکی دیمۆکراتیخوازه‌ و ڕێز  له‌ ماف و ئازادییه‌کانی خه‌ڵکی ده‌گرێت، ده‌نوسێت " چونکه‌ مه‌سه‌له‌که‌ ته‌نها خۆبه‌ڕێوه‌بردنى کاروبارى ژیانى رۆژانه‌ى ئێزدیه‌کان نیه‌، که‌ئه‌وه‌ مافێکى سه‌ره‌تایى خۆیانه‌، پلانه‌که‌ بۆ دابڕینى خاک‌و کوشتنى رۆح‌و مه‌یلى پێکه‌وه‌ژیان‌و گه‌ڕانه‌وه‌ی ناوچه‌که‌یانه‌ بۆ سه‌ر هه‌رێمى کوردستان. وه‌ک پێشتر چه‌ند جارێک ئه‌م ئاماژه‌یه‌ له‌زارى به‌رپرسه‌کانیانه‌وه‌ هه‌ستى پێده‌کرا. به‌ڵام هه‌ر که‌س به‌ وردی ئه‌م وتاره‌ کورته‌، به‌ڵام پر له‌ غه‌زه‌ب و ڕكوکینه‌ به‌رامبه‌ر به‌ په‌که‌که‌ ، بخوێنێته‌وه‌ ده‌زانێت که‌ به‌خشینه‌وه‌ی تۆمه‌ت و شه‌ڕه‌نگێزێتی وتاره‌که‌ی و  په‌رۆشی له‌ده‌ستدانی ئیمتیازاته‌کانی ده‌سه‌ڵاتداران و مشه‌خۆری و چه‌پاوڵی ڕۆشنبیرانی حیزبی ، له‌ پاڵ ئه‌و سێ و چوار وشه‌یه‌یه‌ی که‌ ده‌ریبڕیون، ‌ ناشارێته‌وه‌ و ئه‌وانه‌ش ته‌نها وه‌کو دێوجامه‌یه‌ك به‌کاری هێناوه‌ بۆ شاردنه‌وه‌ی وتنی قسه‌ی ناڕاست  و تاوانبارکردنی په‌که‌که‌و خۆڵکردنه‌ چاوی ئێمه‌شه‌وه‌ ، ‌ ده‌نا چۆن مرۆڤ ده‌توانێت ئاوا بێباکانه‌ و بێ به‌ڵگه‌ و له‌ گیرفانی خۆیه‌وه‌ بێته‌ قسه‌ و بوختان ببه‌خشێته‌وه‌‌ .

ئه‌و وتاره‌ی كاك عارف نوسێنێکی زۆر هه‌ڵده‌گرێت که‌ له‌سه‌ری بنوسرێت چونکه‌ هێچ بڕگه‌یه‌کی نییه‌ شیاوی لێدوان و ڕه‌تکردنه‌وه‌ نه‌بێت.  ئه‌و کۆتایی وتاره‌که‌ی به‌وه‌ ده‌هێنێت گوایه‌ په‌که‌که‌ به‌ بێ ڕاوێژ  و پرس هاتۆته‌ که‌رکوك و‌ ئه‌مه‌ به‌ پلان و پیلان ده‌زانێت و داوا له‌ هه‌موو که‌سێك له‌ کوردستاندا ده‌کات، که‌ به‌ری پێبگرن . به‌ڵام کاك عارف هه‌موو ئه‌و پلان و پیلانگێڕییه‌ی که‌ لانی که‌م له‌ ماوه‌ی 12 ساڵی ڕابووردوودا هه‌رێـم وه‌کو حکومه‌ت و پارته‌ سیاسییه‌کانیش دژی خه‌ڵکی هه‌ژار و ئاسایی کووردستان له‌ هه‌موو بواره‌کانی ژیاندا به‌ تایبه‌تی له‌ بواری سیاسی و ئابوریدا،ده‌یگێڕن نایبینێت، ئه‌وه‌ باله‌وه‌شیان بگه‌ڕێین که‌ ئه‌و  هانی خه‌ڵکی نادات و به‌رپرسیاریان ناکات تاکو بۆ مافه‌کانی خۆیان ڕاوه‌ستنه‌ ‌ سه‌ر پێ!!!.  فرۆشتنی نه‌وت له‌لایه‌ن حکومه‌تی هه‌رێمه‌وه‌ بی ئه‌وه‌ی فلسێکی بگه‌ڕێته‌وه‌ باخه‌ڵی خه‌ڵکی کوردستان ، ئه‌مه‌ پیلانگێڕی نییه‌؟ کردنی گه‌مه‌ی سیاسی و دروستکردنی  کرژی له‌گه‌ڵ حکومه‌تی ناوه‌ندیدا به‌ هه‌ر بیانویه‌ك بێت، ئه‌مه‌ پیلانگێڕی نییه‌ ؟!! هێنانی داعش و ئاڵانی کوردستان له‌ جه‌نگه‌وه‌، پیلانگێڕی نییه‌؟!! هه‌ڵکه‌ندنی خه‌نده‌ق و دانانی گه‌مارۆی ئابوری و ڕۆشنبیری و کۆمه‌ڵایه‌تی و داووده‌رمان و چاره‌سه‌ر،  دژی کوردانی ڕۆژاوا ، پیلانگێڕی نییه‌ ؟!! بێده‌نگی گۆڕان له‌سه‌ر ئه‌وانه‌ی که‌ باسمکردن، هیچیان پیلانگێڕی نییه‌؟!! ڕێکه‌وتنی پارتی  له‌گه‌ڵ تورکیا و  بۆ لێدان له‌ په‌که‌که‌ و هه‌بوونی بنکه‌ی سه‌ربازی تورکیا له‌ کوردستاندا و ڕێکه‌وتنی یه‌کێتی له‌گه‌ڵ ئێراندا و ده‌ستتێکه‌ڵاوکردن له‌گه‌ڵ سوپای پاسدارانی ڕژێمی ئه‌وێدا ، پیلانگێڕی نییه‌؟!! باشه‌ بۆچی کاك عارف له‌ ئاستی ئه‌مانه‌دا بێده‌نگه‌ ، به‌ڵام له‌ کاتێکدا که‌ ‌ خه‌ڵکی شه‌نگال خۆیان بیانه‌وێت کاروباری خۆیان ، خۆیان به‌ڕێوه‌ی به‌رن و په‌که‌که‌ش به‌ده‌میانه‌وه‌ بچێت، بۆچی ئه‌مه‌ ده‌بێت پیلانگێڕی بێت و به‌ دژه‌ نه‌ته‌وه‌یی پارچه‌کردنی خاکی کوردستان، بدرێته‌ قه‌ڵه‌م؟!! که‌له‌ کاتێکدا شه‌نگال ئێستاش هه‌ر سه‌ر به‌ عێراقه‌ .  ئه‌ی ئه‌گه‌ر شه‌نگال پارچه‌یه‌که‌ له‌ کوردستان و ئێزیدییه‌کانیش به‌شێکن له‌ گه‌لی کورد بۆچی سوپاکه‌ی کاك عارف ، بۆ چرکه‌یه‌ك به‌رگرییان لێنه‌کردن؟!!بۆچی ئه‌و کاره‌ساته‌ مێژووییه‌یان به‌سه‌رهێنان؟!!

ئه‌وه‌ی که‌ ماوه‌ته‌وه‌ بیڵێم ئه‌وه‌یه‌ که‌ ‌ ئه‌م وتاره‌ی کاك عارف یه‌ك وشه‌ی ڕاستی تیادا نییه‌ و زۆریش بێویژدانی له‌ حه‌قی په‌که‌که‌ کردووه‌.

زاهیر باهیر-له‌نده‌ن

21/01/2015        

loadingشەنگاڵ ئازادنەکراوە!

هێزێک کە کارەساتی مرۆیی بخوڵقێنێت، ناتوانێت هێزێکی ڕزگارکەر و ئازادیبەخش بێت!..

 هێزێک کە بە هەزاران پیاو بە سەربڕین بدات، بە هەزاران ژن بکاتە کۆیلەی سێ

loadingسەرۆکی پەرلەمانەکەی گۆڕان: لێدان لە ژن کێشەی نێوان ژن و پیاو چارەسەر دەکات!

قاپ دەگەڕێت سەرقاپی خۆی دەدۆزێتەوە!. نەوشیروان مستەفا چونکە خۆی دژی ژن، ژنکوژ وکۆنە هاوڕێی بەعسییەکانی وەک عەلی حەسەن مەجیدە، هەرچی کۆنە بەعسی و دژی ژنی ئیسلامیشە لەخۆی کۆیکردوونەتەوە و بە

loadingمانیڤێستی پێگەی ڕۆحی سەردەم!

1- پێگەی ڕۆحی سەردەم،پێگەو مانیڤێستێکی ڕەخنەیی _تێوریی گشتگیری ڕەخنەگرانەیە لەکۆی کایە سیاسیی و کۆمەڵایەتیی و فەرهەنگیی و نەرێتییەکانی کۆمەڵگە.

 2 - لە

loadingحیزب؛ پەتایە هەرە پیسەکەی نێو کۆمەڵ!

 حیزب تەنێ یەک خێڵی مۆدێرنە و هیچی دیکە!

ئێستا وازهینان لە حیزب و حیز

loadingباپیرم لەسەر ئەم خاکە لەدایک بووە.. کەچی من لەسەری بوومەتە بێگانە!

"من باپیره‌م له‌سه‌ر ئه‌م خاکه‌ له‌ دایکبووه‌ ، پێمده‌ڵێن پاره‌ت ده‌ده‌ینێ له‌ هه‌قیدا ، به‌ڵام من هه‌گیز زه‌وییه‌که‌م بۆ فرۆشتن ڕێکلامه‌ نه‌کردووه‌"

ئه

loadingبارزانی لەپێناو نیشتماندا مەمرە، لەپێناو خەڵکدا دەست لەچەتەیی و تیرۆر هەڵبگرە !

بارزانی بابتان تا لەژیاندا بو، مێژوی ڕەشی خۆی بەجۆرێك تۆمارکرد کە بەسەدان هەزار دۆلار نەك  بەتانیا بۆتان سپی بەڵکو کاڵیش نابێتەوە.  هەرچەندە هەوڵتاندا کە بارزانی پیرۆزبکەن و ( خۆتان وتەنی

loadingبروسکی نوری شاوەیس لە ساڵی ٢٠٠٥ وە حوکمی دەستگیرکردنی دراوەتە ئەنتەرپۆڵ، تازە دادگای ڕەصافە خەبەری دەبێتەوە!

بروسکی نوری شاوەیس، ئەندامی ناوەندی پارتی دیموکراتی کوردستان، لە ساڵی ٢٠٠٣ بۆ ساڵی ٢٠٠٥  ئەمینداری وەزارەتی بەرگری عێراق بوو. لە ماوەی ئەو ٢ ساڵەدا لەگەڵ وەزیری بەرگری عێراقی ئەو کاتەدا[ ح

loadingله‌ بریتانیادا ده‌سه‌ڵاتی پۆلیس ته‌نانه‌ت له‌ سه‌روی ده‌سه‌ڵاتی دادگاشه‌وه‌یه‌!

ئه‌مڕۆ له‌ بریتانیادا شتێکی زۆر که‌م ماوه‌ته‌وه‌ که‌ پێیبوترێت مافی هاووڵاتیان له‌ کردنی خۆپیشاندان و ده‌ربڕێنی ناڕه‌زایی و ئه‌نجامدانی چالاکییه‌کی کاریگه‌ر، مه‌گه‌ر به‌ هیچ شێوه‌یه‌ك ئه‌و

img

بەرەی چەپی عەدالەتخوازی یۆنان بردیەوە؛ یەکەم هەنگاوی سەرکەوتنی خەڵکی یۆنان لەجەنگ دژی ترۆیکا

 بانکی ناوەندی  و پلانی ئاژنکردنی  ٤٨٠ ملیار یۆرۆی تەزویر بۆ ئابوریی نەخۆشی یەکێتی ئەوروپا

ئەم نووسەر و ڕۆژنامەنووسە ئەڵمانییە چۆن چووە لای داعش و چیمان پێدەڵێت؟

کوشتاری بە کۆمەڵی "شارڵی ئەبدو" چەند دێوێکی دیکەشی هەیە!



 لە پەراوێزی سەردانە چاوەڕوانکراوەکەی ئۆردوغاندا بۆ تاران؛ سوڵتان بەدوای چ گەمەیەکی دیکەوەیە؟!


 بەرەو ڕیسواکردن و ڕوخاندنی سیستەمی ئەرستۆکراسی سیاسیی لە کوردستاندا!


پارێزگاری سلێمانی بەسوڕ: مەهزەلەی پۆستی پارێزگارە "فیفتی فیفتی"یەکەی یەکێتی و گۆڕان!


لە بڕینی بودجەوە تا هێنانی داعش؛ گەمەی مارو پەیژەی دوو دەبەنگ


 دابەزینی نرخی نەوت قەیرانی ئابوریی سەرمایەداری قوڵتر دەکاتەوە و کارەساتی گەورەی لێدەکەوێتەوە


 وتەبێژی باڵای داعش دەربارەی دڕاندن وخستنە ژێرپێی وێنەکانی مەسعود بارزانی لەلایەن داعشە کوردەکانەوە  بۆ کاناڵی ڕووداو دەدوێت/ ڤیدیۆ


پلانی میتی تورکیا، بارزانی و نەوشیروان بۆ تێکشکاندنی سەربازییانەی یەکێتی ئاشکرابوو!


 نەوشیروان مستەفا لە دوو توێی نهێنییەکاندا

بەشەکانی ١  ٢  ٣  ٤



arrowبزووتنەوەی گۆڕان لە دەروازەی میتدۆلۆژییەکی دیکەوە

  کۆمۆنیسته‌کانی دوو سه‌ده‌؛ له‌ قوربانییه‌وه‌ بۆ جه‌للاد

دەوڵەت؛ بابەتێک بۆ گفتوگۆ لەنێوان مارکسییەکان و ئانارکیستەکانی کوردستاندا

 ئیخوان المسلمین خەنجەری ژەهراوی دەستی ئیمپریالیزم بۆ لێدان لە دڵی شۆڕشی عەرەبی

ئایا جیاکردنه‌وه‌ی ئایین له‌ ده‌وڵه‌ت بەسه‌ بۆ ئه‌وه‌ی که‌ کۆمه‌ڵگه‌یه‌کی سێكیولار بداته‌ده‌ست؟

بۆچی ئازادیخوازه‌کان دژی پیرۆزکردنی شته‌کان ده‌جه‌نگن؟


arrowشۆڕش دەستی پێکردووە،چی بکرێت؟!

arrowشۆڕش له‌باربرا؛ ده‌بێت چی بکرێت ؟

نهێنییەکانی پشت پەردەی تیرۆرکردنی کوڕی ساڵح موسلیم و ئەندامی سەرکردایەتی پەیەدەو پ ک ک بە فەرمانی بارزانی ئاشکرابوو!


هێنری کیسنجێر : جەنگی جیهانی سێیەم نەخشەی بۆداڕێژراوە و کەسانێک دەنگی تەپڵی جەنگ نابیستن، ئەوانە کەڕن !