هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<October 2018>
SuMoTuWeThFrSa
30123456
78910111213
14151617181920
21222324252627
28293031123
45678910


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ململانێی نەبینراوی تورکیا و ڕوسیا لە سەر کوردستانی سوریا


img8/8/2012 12:00:00 AM
کوردستانپۆست ئینفۆ:

داود ئەحمەد ئۆغڵوی وەزیری دەرەوەی تورکیا بێ ڤیزە و لەسەر داوای مەسعود بارزانی سنووری هەرێمی کوردستانی بەزاند و خۆیکرد بە شاری کەرکوکیشدا. سەردانەکەی ئۆغڵو چەند ئامانجێکی سیاسیی لەپشتەوە بوو کە ئێمە لە شوێنی خۆیدا ئاماژەمان پێکردوون. یەکێک لە ئامانجە سەرەکییەکانی سنوربەزاندنەکەی ئۆغڵو، ڕێکەوتن و گفتوگۆ بوو لەگەڵ چەند ووردە گروپی کوردستانی ڕؤژئاوادا کە موچەخۆری مەسعود بارزانی و تورکیان. لایەنی سەرەکی و هێزی یەکەمی کوردستانی ڕۆژئاوا کە لە پارتی یەکێتی دیموکراتی کوردستان (PYD )دا بەرجەستە بۆتەوە، لە سەردانەکەی ئۆغڵودا محەلێکی لە ئیعرابدا نەبوو!.

سەفەرە بێ فیزاکەی ئۆغڵو، سەفەرێکی شکستخوارد و بێ ئەنجام بوو. بارزانی و ئۆغڵ بۆ داپۆشینی ئەم شکستە سیاسیی و مخابراتییە، کە ئامانجەکەی پلانێکی دژ بە گەلی کورد بوو لەڕۆژئاوای کوردستان، سیناریۆیەکی کۆمیدیان بەڕێخست تا سەرنجە سیاسیی و میدیاییەکان لەسەر ئەم پلانە شکستخواردووەوە وەربگەڕێنە سەر ئامانجێکی لاوەکیتر. سیناریۆ کۆمیدییەکە بریتی بوو لە سەفەرکردنی ئۆغڵو بۆ شاری کەرکوک. چوونی ئۆغڵو بۆ کەرکوک، سەرنجە سیاسیی و میدیاییەکانی لەسەر شکستی کۆبوونەوەی بارزانی – ئۆغڵو لە کۆبوونەوە لەگەڵ گروپە دەستەمۆکانی کوردی کوردستانی سوریادا بەرەو کەرکوک ڕاکێشا. حکومەتی مالیکی و میدیاکانی وابەستە بەو، هەڵەیەکی گەورەیان لەسەر سەردانەکەی ئۆغڵو بۆ کەرکوک نایەوە. هەڵبەت ئەوان وەک عێراقی و بارزانیش وەک کەسێک کە هەمیشە قاوانی پابەندبوون بەدەستوری عێراقی لێدەداتەوە، هەقیان بوو ئەو هەراو گۆڵمەزە لەدژی بارزانی و ئۆغڵو ساز بکەن، بەڵام ئەو هەڵاو بگرەو بەردە ئیعلامییەی میدیاکانی وابەستە بە حکومەتی بەغدا، ئەو خێرو بێرەشی بۆ بارزانی و ئۆغڵو هەبوو کە شکست لە ئامانجی سەرەکی سەفەرەکە، کە پلانی دژی کورد بوو لەسوریا، پەردەپۆش بکەن. وونبوونی شکستی کۆبوونەوەکەی بارزانی و ئۆغڵو لەگەڵ گروپە وابەستەکانی کوردی سوریا لەناو تەپوتۆزی ڕاگەیەندنە عێراقیپەرستەکاندا، نەیتوانی لایەنێکی دیکە لە سکانداڵی سیاسیی سەفەرەکەی ئۆغڵو بۆ کەرکوک بشارێتەوە؛ لایەنێک کە مەسعود بارزانی وەک گەمەکەرێکی دۆڕاو لەسەر کەرکوک هێنایە سەر شانۆکە.  سەفەرەکەی ئۆغڵو بۆ کەرکوک دووبارە ئەو ڕاستییەی بردە مێشکمانەوە کە  مەسعود بارزانی لە پێناوی مانەوەی دەسەڵاتی بنەماڵەکەیدا، ئامادەیە ئەو کەرکوکەی کە بارزانی باوک پێی گوتووە " دڵ و قودسی کوردستان!" بخاتە سەر مێزی قوماری دەوڵەتە ناکۆکە داگیرکەرەکانی ناوچەکەوە. کەرکوکی دڵ و قودسی کوردستانەکەی بارزانی باوک، بۆ بارزانی کوڕنە قودسیەتی هەیە و نە نرخ. ئەو شتەی کە بە لای بارزانی کوڕو کوڕەزاوە نرخی هەیەو پیرۆزە، دڵڕازیکردنی دوژمنانی سەرسەختی کورد و پاراستنی بەرژەوەندییە ئابوریی و سیاسییە بنەماڵەییەکەیەتی....بەهەرحاڵ، مەسعود بارزانی بۆ داپۆشینی شکستێکی سیاسیی خۆی، ئامادەیە هەموو خیانەتێک لە میللەتەکەی خۆی بکات. بردنی ئۆغڵو بۆ کەرکوک، بەشێکی جیانەکراوەیە لەو ڕاستییە کە بارزانی ئامادەیە لەبەرامبەر هەرشکستێکی سیاسییدا، خیانەتێکی گەورەتر ئەنجام بدات.

ئەوەی جێگای سەرنجە و تا ئێستاش میدیاکانی کوردستان لەسەفەرەکەی ئۆغڵودا سەرنجیان نەداوەتە سەری، ئیگنۆرکردنەکەی PYD بوو لەلایەن ئۆغڵو و بارزانییەوە، بەڵام ئەوە بەسەرکەوتنێکی  سیاسیی گەورە بۆ PYD تۆمار دەکرێت کە بەشداری لە کۆبوونەوەکەی ئۆغڵو و بارزانیدا نەکرد. لەکاتێکدا کە گروپە وابەستەکانی کوردی سوریا خەریکی گفتوگۆ بوون لەگەڵ بارزانی و ئۆغڵودا، لەهەمانکاتدا نوێنەرانی PYD لەگەڵ نوێنەری تایبەتی فلادمیر پوتینی سەرۆکی ڕوسیا بۆ کاروباری ڕۆژهەڵاتی ناوەڕاست و جێگری وەزیری دەرەوەی ڕوسیادا کۆبوونەوە. ئامانجی کۆبوونەوەکە بیروڕا گۆڕینەوە و پلانێکی هاوبەش بووە بۆ پاراستن و بەڕێوەبردنی سیاسیی، ئابوریی و سەربازی کوردستانی ڕۆژئاوا. هەندێک سەرچاوە ئاماژە بەوە دەکەن کە لایەنی ڕوسی بەڵێنی هاوکاری جدی و هەمەلایەنەی بە نوێنەرانی کوردی کوردستانی سوریاداوە. ئەم نزیکبوونەوەیەی کوردەکانی کوردستانی ڕۆژئاوا و ڕوسیا، هەنگاوێکە بۆ دانانی هەموو بەربەستێک لەڕێگای نفوزو هەیمەنەی تورکیاو بارزانیدا بەسەر ڕەوشی کوردستانی سوریاداو خولێکی نوێیە لە ململانێی نەبینراوی ڕوسیا و تورکیا لەسەر جێ پێ قایمکردن لە کوردستانی ڕۆژئاوادا.