هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
یەکێتی و گۆڕان یەکناگرنەوە؛ ڕیزبەندی تازەی مافیاکانی دەسەڵات و ئۆپۆزسیۆن


img8/16/2012 12:00:00 AM
کوردستانپۆست ئینفۆ:

ئەوکەسانەی کە پێیان وایە گۆڕان و یەکێتی یەکگدەگرنەوە، زۆر بە هەڵەداچوون، چونکە بزووتنەوەی گۆڕان بۆ ئەوە دروست بووە کە وەک باڵێک لە یەکێتی بە سەربەخۆ کاری خۆی بکات!.

 بزووتنەوەی گۆڕان دەرهاویشتەی قەیرانێکی سیاسیی و ڕێکخراوەیی یەکێتی نیشتمانییە کە لە ٣١ی ئابی ١٩٩٦وە سەرەتاکانی خۆی دەستپێکردووە و لە ساڵی ٢٠٠٨دا بە قوڵترین ئاستی خۆی گەیشتووە. یەکێتی نەیدەتوانی لە هەمان کڵێشە و فۆرمی کلاسیکی خۆیدا درێژە بە بوون و مانەوەی خۆی بدات. لەبەرئەو هۆیە دەبوو کە لە بەرگێکی دیکەدا خۆی نوێ بکاتەوە و دەستیش بە پێکهاتەی ڕێکخراوەیی کۆنی خۆیەوە بگرێت. بزووتنەوەی گۆڕان ئەو بەرگە نوێیەیە کە " یەکێتی نیشتمانی " خۆی تێدا نوێ دەکاتەوە.  هەموو فەلسەفەی بوونی گۆڕان ئەمەیە و تەنها گەمژەکان لە فەلسەفەی بوونی بزووتنەوەی گۆڕان تێناگەن.

لە ٣١ی ئابی ساڵی ١٩٩٦ بەدواوە، یەکێتی لە هێزێکی سەرەکی بزووتنەوەی کوردایەتییەوە پرۆسەی داڕمان و پوکانەوەی خۆی دەستپێدەکات و پارتەکەی بنەماڵەی بارزانیش ڕۆژ بەڕۆژ شاڕەگە ئابوریی و سیاسییەکانی کۆمەڵگەی کوردستان لەدەست دەگرێت و هەنگاو بە هەنگاو یەکێتی دەکاتە هێزێکی بە پەراوێزکراو و حیزێکی پلە دوو لە بەڕێوەبردنی ئابوریی و سیاسیی کۆمەڵگەی کوردستاندا. شکستی سیاسیی و سەربازی یەکێتی لە ٣١ ئابدا و ڕووداوەکانی دواتری عێراق لەسەرەتای ساڵی ٢٠٠٠ و بە دیاریکراوتریش ڕووداوی ڕوخانی ڕژێمی بەعس، مەودای ئەوەی بە یەکێتی نەدا تا هەمان شکستە سەربازی و سیاسییەکانی ٣١ ئاب قەرەبۆ بکاتەوە. پاش ڕوخانی ڕژێمی بەعس و سەرەوژێر بوونی لافاوی دۆلار بۆ بازاڕەکانی عێراق و کوردستان، لەلایەک و هەڵپەی سکرتێری گشتی یەکێتی بۆ بوونە سەرۆک کۆماری عێراق لەلایەکی دیکەوە، وەک کرم لەجەستەی ڕزیوی یەکێتیدا. بەرپرسانی باڵای یەکێتی هێندەی کە خەریکی دۆلاربازی، ژنبازی و عەیش و نۆشی خۆیان بوون، یەک لەسەر سەدی ئەوە ئاگایان لە کار و ژیانی حیزبایەتی و ژیان و گوزەرانی خەڵک نەمابوو، بەڵام لەو دیوەوە بنەماڵەی بارزانی بەشێنەیی پەیوەندییە ئابوریی و سیاسییە نێودەوڵەتییەکانی خۆیان بەهێز دەکرد، پرۆژە ئابورییە گەورەکانیان جێبەجێ دەکرد و هەموو ئەوانەش لە ژێر ئیدارەو کۆنترۆڵی ئەندامانی گەورەو بچووکی بنەماڵەی بارزانیدا بوو. ڕێکەوتننامەی ستراتیژی نهێنیان بە سەر یەکێتیدا سەپاند و نەشیانهێشت تەنانەت ناوەرۆک و بەندەکانی ئەو ڕێکەوتنە بۆ هیچ ئەندامێکی یەکێتی ئاشکرا بێت و ئەم ڕێکەوتنە لە شهرالعسلێکی بارزانی و تاڵەبانی لە هاوینە هەواری دوکان و سەری ڕەشدا ئیمزاکرا.

بنەماڵەی بارزانی بە دابینکردنی ئاسایش و ئارامی سیاسیی لە  دهۆک و هەولێردا، توانیان دەست بکەن بە هێنان و ڕاکێشانی کۆمپانیا بیانییەکان بۆ بازاڕەکانی کوردستان ( بە تایبەتی بازاڕەکانی هەولێر و دهۆک ). بە داڕشتن و جێبەجێکردنی  ئەم پلانە ئابوریی و ئەمنییە، بنەماڵەنەک هەر توانیان سەرنجی کۆمپانیاکان، بەڵکو سەرنجی حکومەت و دەوڵەتەکانی نوێنەری سیاسیی کۆمپانیا بیانییەکان بۆ شێوەی دەسەڵاتداری و حوکمڕانی خۆیان ڕابکێشن و دەوڵەتانی عەرەبی، ئەوروپی و ئاسیایی دەستیان بەکردنەوەی ئۆفیس و کونسوڵگەرییەکانی خۆیانکرد لە هەولێردا.  بنەماڵەی بارزانی هاوکاتی ئەوەش، بەشێنەیی دەستیانکرد بە گۆڕینی دیمۆگرافیای هەولێر و بە لەدەستگرتنی پرۆژە گەورە ئابورییەکان لەلایەن " بارزانییە بنەماڵە پەرستەکان "ەوە، شاری هەولێر بەشێوەیەکی ئۆتۆماتیکی کەوتە دەست بارزانییەکان. لە دۆخێکی لەوجۆرەدا بوو کە سەرانی یەکێتی لە بەر دۆلاربازی و عەیش و نۆشی خۆیان ئاگایان لەوە نەمابوو کە چی گوزەراوە و بنەماڵەی بارزانی چۆن ژێرپێیانی بۆشکردووە. سلێمانیش کە ناوەندی دەسەڵات و نفوزی یەکێتی بوو، بە تووندی ناڕازی بوو لە بەرپرسان و سەرانی یەکێتی. لەدوای ساڵی ٢٠٠٥وە سلێمانی کەوتبووە سەر دووڕێیانی تەقینەوە بەڕووی یەکێتیدا یان وەرچەرخانی سیاسیی بەرەو حیزب و لایەنی سیاسیی دیکە!. کەسێک کە لەناو یەکێتیدا، ئەو بارودۆخە ئەزمەگرتووەی " یەکێتی نیشتمانی " دەرکک کرد بوو، کەسێک کە هەستی بەوەکرد بوو کە یەکێتی لە لێواری داڕمان و مردندایە، نەوشیروان مستەفا ئەمین بوو. نەوشیروان کە ئەزمونێکی دوورودرێژی لەگەڵ قەیرانەکانی یەکێتیدا هەیە، لە دوای تاڵەبانی، هوشیارترین و زیرەکترین مێشکەکانی ناو ئەو حیزبەیە لە دۆزینەوەی ڕێگاکانی ڕزگارکردنی یەکێتی لە قەیران و داڕوخان.

 نەوشیروان لە ساڵی ٢٠٠٦وە، بە لێبڕاوانە و بە ئاگاداری جەلال تاڵەبانی دەستیکرد بە پلاندانان بۆ ڕزگارکردنی یەکێتی لە داڕمان و قەیران. نەوشیروان چیکرد و چی دەکات؟ وەڵامەکەی بە بەشەکانی دواتری ئەم زنجیرە نووسینە دەسپێرین.   

ماویەتی...........