هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<December 2018>
SuMoTuWeThFrSa
2526272829301
2345678
9101112131415
16171819202122
23242526272829
303112345


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
پارتى وپرسی ئافرەت و توندو تیژى


img8/20/2012 12:00:00 AM
حەسەن سەید باقی:

هەر حیزب و لایەن وگروپێک، لەهەر جێگەو ڕێگەیەکى ئەم زەمینەدا بن،پرۆژەو پرۆگرامێکى دیاریکراوى هەیە کە هەڵهێنجاوى بارودۆخ و ڕێڕەوى فکریان بێت.

لە کوردستانیشدا بەهەمان شێوە، لێرەدا مەبەستى من لە پارتى دیموکراتە لەسەرەتاى خەباتیەوە پرۆژەو بەرنامەیەکى دیارى هەبووە، پەیڕەویان کردووە، کە لە ئازادى تاکەکەسى و رزگارى ئافرەت لەو کۆت وبەندەى کە هەیانە بە هۆى کۆمەڵگاوە، واتە ڕۆڵى ئافرەت لەو بارودۆخەى کە هەیە، بەو شێوازەى کە وەک حیزپ باوەڕیان پێى هەیە، لەگەلڕ داب و نەریتدا گونجاو بێت. ئەم پارتەش ڕۆڵى دیارى هەبووە وەک هەر پارت و ڕێکخراوێکى تر لە کوردستان وناوچەکەدا.وە بە هەولڕ و خەبات و بەرخۆدانى جەماوەرى ئازادیخوازو خەباتگێریش ئەو بارو دۆخە بەدەست هات کە جەماوەرى بەشمەینەت و ڕاپەڕیووى کوردستان ڕۆڵى سەرەکیان بینى، پەرلەمان و حکومەتى کوردستان هاتە بەر.

بەهۆى بوونى دەسەڵاتى حیزبى و حکومیەوە، گەلێک کەس پۆست وشوینى دیاریان درایە، بەمەبەستى خزمەتکردنى خەڵک و ئاوەدانکردنەوەى کوردستان.مەخابن لەم نێوەندەشدا کەسانى هەلپەرست هاتنە پێشو بەرپرسیاریەتیان وەرگرت. لەهەڵپەى تێرکردنى وورگى زل و پڕکردنى باخەڵى دڕاویانەوە، گەندەڵى سەراپاى کۆمەڵگاى گرتەوە،لە کۆمەڵگایەکى خزمەتگوزارەوە بوویە گەندەلکار.ئەمەش لەناڕۆشنى  بەرنامەو دانانى کەسى نەشیاو لە شوێنى شیاودا.کە هۆکارەکەشى کێبەرکێى حیزبایەتیى و خزم خزمێنەبووە لە بوارەکانى ژیاندا. لەبرى بەرەو پێشچوونى کۆمەڵگا، ئیفلیجى سەراپاى دەزگاکانى گرتەوە.لەم بوارەشدا ئافرەت بەشى سەرەکى پێبرا لە چەوساندنەوەو کوشتندا. لەئەنجامی ناڕەزایى و خەباتى ڕووناکبیران و ئازادیخوازنەوە، پەرلەمان و حکومەت لەهەوڵى ڕووپۆش و چارەسەرى ڕەوشەکەدا بن.گەلێک یاساو ڕێسایان تاوتوآ کرد.  بڕیارى دامەزراندنى بەڕێوەبەرایەتى بەرگرى لەدژى توندو تیژى و گەلێک خانەى ئافرەتان و خانمان درا. بەداخەوە لە ئەنجامى ئەوەى کە ئەو کەسانەى لەوێدا دەستبەکار بوون. زیاتر لە خەڵکانى تر بیریان ژەنگدار بوو، وەبە پلە دوو سەیرى ئافرەتیان دەکرد، بەشێوەیەکى مۆدێرن ئافرەتیان دەچەوساندەوە.

لە پایتەخدا لەسەردەمى کابینەى بەڕێز نێچیرەڤاندا بەڕێوەبەرایەتى بەرگرى لەدژى توندوتیژى ئافرەت دەستبەکاربوو، بەمەبەستى خزمەت و رزگار بوونى ئافرەت لە توندو تیژى. سەیرو سەمەرە لێرەدا ئەوە بوو کەسێک بوویە بەڕێوەبەرى گشتى نەک هەر پیاو بوو، بەڵکە پیاو سالار، عەشایر، بآ ئەزموون ونەشارەزابوو. کە هیچ بنەمایەکى یاسایى نەبوو کەبێتە ب.گ. لەکاتێکدا تەمەنى بوارى ئەوە نادات. پرسیار ئەوەیە چۆن ئەو کەسە لەوێ دانرا؟ ئایا بەهۆى حیزب و خزمایەتى بووە یان  بە تواناى خۆى؟  کە وا نەبوو!!

بەڕێز نێچیرەڤان بارزانی لە بۆنەو  کۆنگرە ڕۆژنامەوانیەکانیدا، هەمیشە جەخت لە نەمانى چەوساندنەوەو ئازادی ئافرەت دەکات لەو کۆت وبەندەى کەهەیە. بەڵام لەنەبوونى بەرنامەى کار، وە بوونى کەسانى گەندەلڕ و دەسەڵاتخواز، پابەست بە کۆنخوازى و خزم خزمێنەوە، ڕەوتى کار پێچەوانە بووەتەوە هەوەک ئەوەى لە هەولێر دەبینین. ئەوەى بەرێوەبەرى پێشووە پیاو، پیاوسالارە تا سەر ئێسقان  عەشایەریانە بیردەکاتەوەو ئافرەت وەک پشیلە مەتبەخ(چیشتخانە) دەبینێت. واتە ئەو بەڕیوەبەرایەتیە بووەتە شوێنى بیرى عەشایرى چەوساندنەوە، لەگەلڕ ڕێزم بۆ ئەو کارمەندو فەرمانبەرانەى لەوێدا کار دەکەن.

  پاش یەکگرتنەوەى دوو ئیدارە بەڕێزێکى تر (کوردۆ)خان  لەوێدا دەستبەکارە، پێموایە ئەو بەڕێزە شایستەى ئەو شوێنەیە،لایەک ئافرەتە، لەئێش و ئازارەکانى ئافرەت شارەزایە، خاوەندى ئەزموون و توانادارە، بەدوور لە پەیوەندى حیزبى.

کێشە لێرەدایە.. ئایا پارتى وەک حیزبێکى باڵا دەست خەڵکى وا لەوشوێنانەدا دادەنێت! پرسیار ئەوەیە !!

ئایا ئەو کەسە(ئا.ڕ) بە چ پرنسیبێک لەوێدا بەو پلەیە دانراوە؟ ئایا تەمەنى ڕێگەى ئەوەى داوە؟ زانست و زانیاریەکەى وە تواناى لە بوارى خزمەتکردنى ئافرەت لەو ئاستەدا بوو؟ چەند لە بیرى عەشایرى ڕزگارى بووە؟ هەر ئەوکەسە فرمێسکى تیمساحاوى لە شاشەى تەلەفزیونەکانەوە دەڕێژێت، بە مەبەستى خۆڵکردنە چاوى خەڵکى، خەڵک بەگێل دەزانێت،  بێ ئاگا لەوەى کە خەڵک زۆر وریاترە لەوەی کە ئەو مەبەستیەتی. 

وەڵامى ئەو پرسیارانە لە ڕەفتارى رۆژانەیدا دەردەکەوێت، هەروەک ئەوەى چۆن پلەى کەسانى نزیکى خۆى دەگۆڕێت،لە فەرمانبەرەوە بۆ سەربازى. لەکاتێکدا پارتی دەڵێت ئێمە گەندەڵى ناهێڵین،ئەدى بەکام یاسا ؟ ئەگەر خزمایەتى نەبێت ئەى بۆ ، بۆخەڵکانى تر ئەوە ناکرێت.

ئەگەر پارتى دیموکرات بەدروستى هاوکارى خەڵکەو بە پرنسیب و یاسا ڕەفتار دەکرێت، چۆن ئەو برادەرە بە قودرەتى قادر دەنێرنە دەرەوەى ووڵات بۆ خوێندن لەسەر بودجەى خەڵک وحکومەت. هەر ئەو شێوە کارانەیە لە داهاتوودا کێشەى لێدەبێتەوەو ناڕەزایى گەنجان دروست دەکات. کە سەدان لاوى بەتوانا هەیە و هیچ کارێکیان نییەو هاوکارى ناکرێن .

سەیرە گوڵم ئەوەى لەناو پارتی دڵسۆزى خەڵک و ڕێبازى کوردایەتى بێت، جێگە نابێتەوە. لەبەر ئەوەى ماستاوچى و ساختەکاران ڕۆڵیان هەیە،و لە پێش ترن.

بۆ بەڕێز نێچیرەڤان بارزانیش، هەروەک چۆن باسى لە ریفۆرم (چاکسازى) کرد، لە نێو حیزبدا، بەو هیواى بتوانێت گەندەڵى و ڕیاکارى لەنێو حیزب و حکومەتدا بنەبڕ بکات، چاوێک بەو بڕیارو کارانەدا بخشێنێتەوە،  ڕێگە نەدات ئەو کەسە نادروستانە لەشوێنى دروست دابنێن و بنەبڕى خزم خزمێنەو گروپ گروپێنە ببێت.

 هەر ئەوانەن کە لە سایتە گومان لێکراوەکاندا باسى بەڕێز نێچیرڤان لەژێر ناوى تردا دەکەن ، هەروەک ئەو کەسایەتیە بوودەڵانە کە تۆمەت بۆ من دروست دەکەن لە بەرژەوندى کەسایەتى خۆیان. وەک ئەوەى لەژێر ناوێکى تردا ماوەیەک لەمەو پێش سایتە گومان لێکراوەکاندا بابەتیان بڵاوکردەوە دژ بە بەڕێز نێچیرەڤان و تۆمەتێک بۆ من.  کاتێک کەسانێک ئەوەندە هەلپەرست بن، چیان لێ چاوەڕوان دەکرێت؟، لێرەوە ئاماژە بەوە دەدەم، کە دەریا بەدەمى سەگ پیس نابێت. ئەوانەى کە تۆمەت بۆ خەڵک دروست دەکەن، مایە پووچ و ریسواى مێژوو ناو خەڵکن.

 دەبێت بارزانیش چاوێک بەو کارو ڕەفتارە نا مەسئولانەى ئەندام و لێپسراوەکانیدا بخشێنێتەوە لەبەر ئەوەى ڕەووڕەوەى مێژوو بەکەس ناشێوێ و ناوەستێت.

هەولێر

ئۆگست2012