هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
کۆمەکە "مرۆییەکان " هەنگاوی یەکەمی ناتۆ بۆ پەلاماردانی سوریا


img8/25/2012 12:00:00 AM
کوردستانپۆست ئینفۆ:

لە مانگی فێبریوەری ئەمساڵدا، پرۆفیسۆر مایکڵ چۆسیودۆڤسکی لە وتارێکی *شیکاریدا،کە سایتی گڵۆباڵ ڕیسێرچی کەنەدی بڵاویکردەوە، یەکەمین کەس بوو کە نەخشەی پەلاماردانی سوریای لەلایەن ناتۆوە بە بیانوی کۆمەکە مرۆییەکان ئاشکراکرد. وتارەکەی بەڕێز چۆسیودۆڤسکی بۆ لێکۆڵینەوەکەی  پشت بە بەڵگەیەکی مێژوویی ساڵی ١٩٥٧ دەزگای هەواڵگری ئینگلیز لەدژی ڕژێمی سوریا دەبەستێت و لە بەر ڕۆشنایی هەمان بەڵگەدا ئەوەی ئاشکراکرد کە ناتۆ، لەسەروی ئەویشەوە ئەمریکاو بەریتانیا، بە بیانوی " کۆمەکە مرۆییەکان "ەوە دەستدەخەنە ڕووداوەکانی سوریاوە و خۆپیشاندانە هێمنانەکان دەگۆڕن بۆ شەڕی ناوخۆ، تازەمینەی پەلاماردانی سوریا بڕەخسێنن. پاش ئەویش، گینادی زیگانۆفی سکرتێری حیزبی کۆمۆنیستی ڕوسیا لە وتارێکدا ئاماژە بەوە دەکات کە بەبیانوی کۆمەکە مرۆییەکان، سوریا دەکەوێتە بەر پەلاماری ناتۆوە. لەسەرەتای دەستپێکردنی قەیرانی سوریاشدا سکرتێری ناتۆ لەسەردانێکیدا بۆ تورکیا ئاماژەی بەوەکرد کە ناتۆ دەستناخاتە ڕووداوەکانی ناوخۆی سوریاوە پەلاماری سوریا نادات!.

 ڕۆژنامەی  هیومانیتەی فەرنسی و سایتی حیزبی کۆمۆنیستی کوبایش کە بەووردی بەدوای ڕووداوەکانی سوریادا دەچن، ئاماژە بەوە دەکەن کە بە بیانوی کۆمەکە مرۆییەکان، بە زوویی نەخشەی ناوچەی دژە فڕین لەسەر سنووری تورکیاوە بە درێژایی ٢٠ کیلۆمەتر بۆ قوڵایی خاکی سوریا جێبەجێدەکەن. وەزیری بەرگری فەڕەنسا لە بەرنامەیەکی تەلەفزیۆنی کاناڵی ٢٤ی فەڕەنسیدا لەو بارەیەوە وتی " پێشناری کڵینتۆن لەبارەی ناوچەی دژە فڕینەوە لەبەرامبەر قەیرانی سوریادا، جێگای سەرنج و لێکۆڵینەوەیە. تەنانەت دەبێت فڕین لە سەرتاسەری خاکی سوریاشەوە بخرێتە ژێر لێکۆلینەوە تا سوپای سوریا نەتوانێت درێژە بە ئۆپراسیۆنی ئاسمانی دژی نەیارانی ئەسەد بدات ".  ئەو لێدوانەی وەزیری بەرگری فەڕەنسا، هیچ تەفسیرێکی دیکە هەڵناگرێت، جگە لە ڕاگەیاندنی سەرەتاکانی جەنگی ناتۆ دژی  ڕژێمەکەی ئەسەد، بەڵام وەک لە چەند شوێنی دیکەدا وتومانە سوریا لیبیا و عێراقی سەردەمی قەزافی و سەدام نییە. بۆیە پەلاماردانی سوریا لەلایەن ناتۆوە، کارەساتی پێشبینی نەکراوی ناوچەیی و تەنانەت جیهانی لێدەکەوێتەوە. ئایا وڵاتانی ئەندام لە ناتۆداپێویستیان بە خوڵقاندنی جەنگ و کارەساتێکی ناوچەیی و جیهانی دیکە هەیە؟ وەڵامی پرسیارەکە لە ڕوانگەی ئابوریی نەخۆش و ئەزمەگرتووی یەکێتی ئەوروپاو ئەمریکاوە " بەڵێ "یە!. وەڵامە تووندەکەی چین و ڕوسیا بە لێدوانەکەی باراک ئۆبامای سەرۆکی ئەمریکا کە وتی " بە کاربردنی چەکی کیمیایی لەلایەن ئەسەدەوە هێڵی سوورە"، ئاماژەیەکی ڕوونە بەوە کە  پەلاماردانی سوریا،جەنگ و کارەساتێکی جیهانی و ناوچەیی لێدەکەوێتەوە!.

http://www.globalresearch.ca/index.php?context=va&aid=29234*