هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
خیانه‌تی 31 ئاب له‌ نێوان ترس و کڵتوری خێڵه‌کی مه‌سعود بارزانیدا


img8/30/2012 12:00:00 AM
تاهیر ساڵح شەریف:

خوێندنه‌وه‌یه‌ک بۆ که‌سایه‌تی و سایکۆڵۆجییه‌تی سیاسی مه‌سعود بارزانی وه‌ک دیکتاتۆر و سیخوڕێک

٣١ی ئابی 1996، ئه‌و ڕۆژه‌ مێژووییه‌یه‌ که‌ تاجی پاشایه‌تی له‌ سه‌ر سه‌ری مه‌سعود بارزانی دانا !.. ئه‌گه‌ر 31 ئاب نه‌بووایه‌، ئه‌مڕۆ گێله‌ پیاوێکی وه‌ک مه‌سعود بارزانی نه‌ده‌بووه‌ سه‌رۆکی میلله‌تێکی فریودراو . زیاتر له‌2 ملیۆن کوردی باشوور، به‌ حه‌ماسه‌ته‌وه‌ چوونه‌ به‌رده‌می سندوقه‌کانی ده‌نگدان تا سه‌رۆکێک بۆ خۆیان هه‌ڵبژێرن، به‌ڵام ئه‌وان بیریان چوو بوو که‌ ئه‌و سه‌رۆکه‌ی ئه‌وان ده‌نگی پێده‌ده‌ن، هه‌ر ئه‌و که‌سه‌ ده‌روون نه‌خۆشه‌یه‌ که‌ به‌ ڕشتنی خوێنی ڕۆڵه‌کانی ئه‌وان، به‌ دزینی سه‌روه‌ت و سامانی ئه‌وان، به‌ ده‌ست تێکه‌ڵکردن له‌گه‌ڵ جینۆسایدکه‌رانی ئه‌واندا، گرێ ده‌رونییه‌کانی خۆی ده‌کاته‌وه‌!.
ڕه‌نگه‌ یه‌کێک له‌ فاکته‌ره‌کانی ژێرده‌سته‌یی کورد، نه‌خۆشی له‌ یادچوون و ئه‌زموون وه‌رنه‌گرتن بێت له‌و‌ هه‌ڵه‌ کوشه‌ندانه‌ی که‌ له‌ ڕێگای ڕزگارییدا کردوویه‌تی و ده‌یکات.  له‌ یاد چوون به‌ واتای کینه‌ له‌دڵان دروستکردن نا، به‌ڵکو به‌ واتای هه‌ستانه‌وه‌ سه‌رپێ و دیاریکردنی ئاینده‌یه‌کی ڕۆشن له‌ سه‌ر دووباره‌نه‌کردنه‌وه‌ی هه‌ڵه‌ تاڵ و سوێره‌کانی ڕابوردوویه‌کی تاریک . لێنین ده‌ڵێت : " گه‌ر چاره‌سه‌ری هه‌ڵه‌ نه‌کرێت، وه‌ک برینێکی كێماوی لێدێت". کورد هه‌ڵه‌کانی چاره‌سه‌ر ناکات و ئه‌مه‌ش ده‌بێته‌ هۆی ئه‌وه‌ که‌ هه‌رجاره‌ خراپتر له‌ جاری پێشوو، برینه‌ کێماوییه‌کانی بته‌قێت!.. ته‌قانی برینه‌کان، به‌ واتای ساڕێژ بوون و چاکبوونه‌وه‌یان نییه‌، به‌ڵکو به‌ واتای قوڵتربوونه‌وه‌ و درێژبوونه‌وه‌یانه‌.

له‌ ساڵی 1975دا، به‌ده‌ستی مه‌لا مسته‌فا، ئیدریس و مه‌سعودی کوڕی، نه‌ک زامێکی بچووک، به‌ڵکو زامێکی هێنده‌ قووڵ و فراوان کرایه‌ جه‌سته‌ی میلله‌تی کورد که‌ تا ساڵه‌های ساڵ ساڕێژ نه‌بوو، که‌چی ئه‌و میلله‌ته‌ به‌ دوای چاره‌سه‌رێکی ئاقڵانه‌ و زانستیدا نه‌گه‌ڕا تا ئه‌و زامه‌ قوڵه‌‌ی پێساڕێژ بکاته‌وه‌.  پاش17 ساڵ قوربانیدان و کاره‌ساتی تراژیدی یه‌ک له‌ دوای یه‌ک، هه‌مان جه‌للاده‌ چه‌قۆبه‌ده‌سته‌کانی، به‌ده‌ستی خوێناوییانه‌وه‌ له‌ سه‌ر شانۆی به‌ ناو سیاسه‌تی کوردیدا ده‌رکه‌وتنه‌وه‌و جه‌للادانه‌تر و بێبه‌زه‌ییانه‌تر له‌ ڕابردوو خۆیان  بۆ پارچه‌ پارچه‌کردنی جه‌سته‌ی میلله‌تی کورد و ڕاپه‌ڕینه‌ ساواکه‌ی ئاماده‌کرده‌وه‌ .. که‌چی میلله‌تی کورد له‌بری لێپرسینه‌وه‌، نه‌فره‌ت لێکردن و سه‌پاندنی سزای تاوان به‌سه‌ر تاوانبارانی ساڵی 1975 دا، گوڵبارانی جه‌للاده‌کانی دوێنی خۆی کرده‌وه‌ و له‌ ساڵی 1992دا تێکرا به‌ " به‌ڵێ " ده‌نگیان پێدانه‌وه‌!.

 به‌دبه‌ختی و کاره‌ساتی سه‌رمیلله‌تێک به‌ ته‌نها ئه‌وه‌ نییه‌ که‌ دوژمنێکی ده‌ره‌کی داگیری ده‌کات و ده‌یچه‌وسێنێته‌وه‌، به‌ڵکو کاره‌ساتی گه‌وه‌ره‌تر ئه‌وه‌یه‌ که‌ دوژمنێکی خۆماڵی، له‌ به‌رگی نیشتمانی و نه‌ته‌وه‌ییدا ببێته‌ ده‌سه‌ڵاتدار و جه‌للاد به‌ سه‌رییه‌وه‌ و له‌ دوژمنی ده‌ره‌کی خراپتر مامه‌ڵه‌ی له‌گه‌ڵدا بکات. ئیسماعیل بێشکچی، له‌م تێزه‌دا که‌ ده‌ڵێت : " ده‌سه‌ڵاتێکی دیکتاتۆری خۆماڵیم له‌ ده‌سه‌ڵاتێکی دیموکراتی داگیرکه‌ر پێباشتره‌ !" ، زۆر به‌ هه‌ڵه‌دا چووه‌، چونکه‌ له‌لایه‌ک ده‌سه‌ڵاتێکی داگیرکه‌ر ناتوانێت دیموکراتی بێت و له‌لایه‌کی تریشه‌وه‌ وه‌رگرتنی مافی هاوڵاتییان له‌ ده‌سه‌ڵاتێکی دیکتاتۆری خۆماڵی، پرۆسه‌یه‌کی زۆر سه‌ختر و ئاڵۆزتره‌ له‌ وه‌رگرتنی مافی هاوڵاتیانت له‌ ده‌سه‌ڵاتێکی داگیرکه‌ر.

به‌ ناو ڕۆشنبیرانی کورد، به‌ په‌یڕه‌وکردن له‌هه‌مان تێزی بێشکیچی، پایه‌کانی ده‌سه‌ڵاتی دیکتاتۆرێکی وه‌ک بارزانی و تاڵه‌بانییان‌ به‌سه‌ر کورددا داڕشته‌وه‌. ڕۆشنبیرانی کورد ئه‌وه‌یان بیری میلله‌ته‌که‌یان برده‌وه که‌ ئه‌م ده‌سه‌ڵاته‌ خۆماڵیه‌ی‌ ئێستا، هه‌مان جه‌لادی جوڵانه‌وه‌ ڕزگاریخوازانه‌که‌ی ده‌یه‌ی حه‌فتای سه‌ده‌ی ڕابردووییه‌تی.  ‌ڕۆشنبیرانی کورد به وه‌ستانیان له‌پاڵ ده‌سه‌ڵاتێکی دیکتاتۆری گه‌نده‌ڵدا و به‌ به‌شداریکردنیان له‌ هه‌ڵبژاردنی مه‌سعود بارزانیدا، یان به‌ مه‌کیاجکردنی سیمای دزێوی ئه‌و ده‌سه‌ڵاته‌ به‌ربه‌رییه‌دا، له‌ هه‌موو تاوان و خیانه‌ته‌کانی ئه‌و جه‌للا‌دا، به‌ تایبه‌تی له‌ تاوانی 31 ئابدا به‌شدارییانکرد.

٣١ ئاب، به‌ ته‌نها هێنانی چه‌ند سه‌د هه‌زارێک له‌ گاردی کۆماری و جاشه‌کانی به‌عس نه‌بوو بۆ سه‌ر شاری هه‌ولێرو شکستپێهێنانی هێزه‌کانی یه‌کێتی، به‌ڵکو پێناسه‌کردنه‌وه‌ی کۆنکرێتی کاراکته‌ر و سایکۆڵۆجیه‌تی مه‌سعود بارزانیش بوو وه‌ک ده‌سه‌ڵاتدارێکی خۆماڵی. 31 ی ئاب ئاوێنه‌یه‌که‌ که‌ کاراکته‌ر و سایکۆڵۆجییه‌تی بارزانی وه‌ک خۆی ده‌خاته‌ پێش چاوی کورد، به‌ڵام ڕۆشنبیرانی کورد ئه‌و ئاوێنه‌یه‌ ده‌شکێنن و میلله‌تیش به‌ پارچه‌ پارچه‌یی و به‌ شێواوی وێنه‌ی ئه‌و دیکتاتۆره‌ بسته‌ باڵایه‌ ده‌بینێت!. له‌ ڕووداوه‌که‌ی 31 ئابدا، ڕۆشنبیری کوردیش، هه‌روه‌ک مه‌سعود بارزانی، خه‌نجه‌ری ژه‌هراوی له‌ پشتی میلله‌ت ده‌دات ؛ ئه‌ویان به‌ په‌لکێشکردنی هێزه‌ سه‌ربازییه‌کانی دوژمنی میلله‌ت، ئه‌میشیان به‌‌ بێده‌نگه‌کردن، یان ڕه‌واییدان به‌و فێڵه‌ مێژووییه‌ی مه‌سعود‌ له‌ میلله‌ت . ڕۆشنبیری کورد، به‌ گه‌ورکردنه‌وه‌ی مه‌سعود بارزانی له‌ 31 ئابدا، بچووکبوونه‌وه‌ی ئه‌و له‌ به‌رده‌می سه‌دام و به‌عسی داگیرکه‌ردا ده‌شارێته‌وه و بچووکبوونه‌وه‌ی خۆیشی له‌ به‌رده‌می مه‌سعود بارزانیدا کاڵ ده‌کاته‌وه‌ و به‌م هۆیه‌شه‌وه،‌ هه‌م مه‌سعود و هه‌م ڕۆشنبیری کورد له‌ به‌رده‌می سه‌دامی دیکتاتۆردا بچووک و بچووکتر ده‌بنه‌وه‌.

مه‌سعود بارزانی بۆ مانه‌وه‌ی ده‌سه‌ڵاتی خۆی و بۆ به‌ چۆکداهێنانی ڕه‌قیبی له‌مێژینه‌ی خۆی (جه‌لال تاڵه‌بانی )، په‌نا بۆ (سه‌دام) ده‌بات، یان کورد واته‌نی " له‌ترسی مار پاڵ به‌ ئاگره‌وه‌ ده‌دات ".. ئیتر بۆ ئه‌و گرنگ نییه‌ که‌ سه‌دام دوژمنی خوێنخۆری میلله‌ته‌که‌یه‌تی، به‌ڵکو گرنگ ئه‌وه‌یه‌ که‌ له‌ ڕوانگه‌ی بارزانییه‌وه‌، که‌سایه‌تی سه‌دام، وه‌ک دیکتاتۆرێک، به‌هێزتره‌ له که‌سایه‌تی خودی مه‌سعود و ده‌توانێت له‌ پاڵ ئه‌ودا ترسی تاڵه‌بانی به‌رامبه‌ر به‌ خۆی بڕه‌وێنێته‌وه‌. ئه‌و له‌ به‌رده‌می (سه‌دام)دا بچووک ده‌بێته‌وه‌ تا خۆی له‌ به‌رده‌م جه‌لال تاڵه‌بانی و میلله‌تی کورددا پێ گه‌وره‌ بکاته‌وه‌، به‌ڵام به‌و حاڵه‌شه‌وه‌ ترس، وه‌ک نه‌خۆشییه‌کی زگماکی له‌ ئه‌قڵی بارزنی جودا نابێته‌وه‌! . ئه‌م ئاسته‌ له‌ باسه‌که،‌ پرسیارێکی زۆر ساده‌ ده‌هێنێته‌ کایه‌وه‌؛ ترس له‌ چی ؟ وه‌ڵامه‌که‌ ساده‌تر‌ له‌ خودی پرسیاره‌که‌یه‌‌؛ ‌ترس له‌ مانه‌وه‌ و ترس له‌ له‌ده‌ستدانی ده‌سه‌ڵات. فاکته‌ر و هێزی بزوێنه‌ری هه‌موو خیانه‌ته‌کانی مه‌سعود بارزانی و بنه‌ماڵه‌که‌ی له‌ گه‌لی کورد، له‌و ترسه‌وه‌ سه‌رچاوه‌ ده‌گرن که‌ ئاماژه‌م بۆ کرد.

به‌ پێچه‌وانه‌ی ده‌سه‌ڵاتداره‌ ئازادیخواز و دیموکراتخوازه‌کانه‌وه‌، ده‌سه‌ڵاتداره‌ دیکتاتۆره‌کان چه‌ند به‌هێزتربن، به‌ڵام له‌ ناخدا هه‌زار ئه‌وه‌نده‌ لاوازتر ده‌بن، چونکه‌ هه‌میشه‌ له‌ ترس و دڵه‌ ڕاوکێدا ده‌ژین . ده‌سه‌ڵاته‌ دیکتاتۆره‌کان بڕوایان وایه‌ که‌ ده‌سه‌ڵاتی ئه‌وان ده‌سه‌ڵاتێکی ئه‌زه‌لی و ئه‌به‌دییه‌ به‌ سه‌ر میلله‌ته‌که‌یانداو نابێت هیچ که‌س و گروپێکی سیاسیی و کۆمه‌ڵایه‌تی دیکه‌ جێگایان بگرێته‌وه‌. له‌م تێڕوانیینه‌وه،‌ ترس ده‌بێته‌ نه‌خۆشییه‌کی به‌رده‌وام و له‌ جه‌سته‌ و ئه‌قڵی دیکتاتۆره‌کان جودا نابێته‌وه‌ . مه‌سعود بارزانی و بنه‌ماڵه‌که‌ی تووشی هه‌مان نه‌خۆشی بوون . مه‌لا مسته‌فای باوکی مه‌سعود، خودی مه‌سعود و ئیدریس، بۆ پاراستنی گیانی خۆیان له‌ ده‌ستی به‌عس و بۆ ئه‌وه‌ی له‌ باوه‌شی ساردی شاهنشای دیکتاتۆردا جێگایان بێته‌وه‌، له‌ ساڵی 1975دا ئاشبه‌تاڵیانکرد و ئاماده‌ نه‌بوون تا دوا هه‌ناسه‌ درێژه‌ به‌ جووڵانه‌وه‌ چه‌کدارییه‌که‌یان بده‌ن دژ به‌و ڕژێمه‌ .
له‌ ٣١ی ئابیشدا که‌سایه‌تییه‌کان و ڕووداوه‌ مێژووییه‌کان دووباره‌ ده‌بنه‌وه‌؛ مارکس ووته‌نی " ئه‌مجاره‌یان به‌ شێوه‌ کۆمیدییه‌که‌ی " .. جه‌لال تاڵه‌بانی جاشی به‌ ئاشکرای 1966 ده‌بێته‌ ئۆپۆزیسیۆن و مه‌سعود بارزانی ده‌بێته جاشی به‌ ئاشکرای 1996 ی ڕژێمی به‌عس !.. ‌جه‌لال تاڵه‌بانی و برایم ئه‌حمه‌د، له‌ ژێر گوشار و له‌ ترسی مه‌لامسته‌فای باوکی مه‌سعود بوونه‌ جاش و نۆکه‌ری ڕژێمی عارفییه‌کان، مه‌سعودیش له‌ترسی هێزه‌ شه‌ڕکه‌ره‌که‌ی تاڵه‌بانی بووه‌ جاشی ڕژێمی به‌عس. ئه‌م دووباره‌ بوونه‌وه‌ کۆمیدییه‌ له‌مێژووی هاوچه‌رخی کورددا، له‌ سه‌ر ده‌ستی که‌سایه‌تییه‌ دیکتاتۆره‌ ترسه‌نۆکه‌کانی کورد بووه. ترس، دینامیزم و فاکته‌ری سه‌ره‌کی به‌ چۆکدا هاتنی ئه‌وان بووه‌ له‌ به‌رده‌م خوێنخۆرترین داگیرکه‌رانی کوردستاندا. ئه‌وه‌ی که‌ به‌ سه‌رکرده‌ و سه‌رۆکه‌کانی کورد ناسراون، جگه‌ له‌ کۆمه‌ڵێک مرۆڤی ترسه‌نۆک هیچی دیکه‌ نین . ترس تایبه‌تمه‌ندی سه‌ره‌کی و نه‌خۆشی سایکۆڵۆجی هاوبه‌شی هه‌موو به‌ ناو سه‌رکرده‌کانی کورده‌. ئه‌گه‌ر ترس وه‌ک نه‌خۆشییه‌کی ده‌رونی، خاڵی هاوبه‌شی به‌ ناوسه‌رکرده‌کانی کورد بێت و هێزی بزوێنه‌ری هه‌موو خیانه‌ته‌کانیان بێت، ئه‌وا ئه‌م کێشه‌یه‌ لایه‌نێکی دیکه‌ی لێده‌که‌وێته‌وه‌ که‌ ئاڵۆزترو ترسناکتره‌ له‌ دیوی دووه‌می؛ مرۆڤی دیکتاتۆر و خیانه‌تکار له‌ به‌رژه‌وه‌ندییه‌کانی میلله‌ت، که‌ مه‌سعود نموونه‌ باسه‌که‌ی منه‌، به‌ جیا له‌وه‌ که‌ ترسه‌که‌ی وه‌ک پراکتیکێکی کوێرانه‌ و کاردانه‌وه‌یه‌کی تووندو تیژ له‌ به‌رامبه‌ر میلله‌تدا به‌رجه‌سته‌ ده‌کاته‌وه‌، له‌ هه‌مانکاتیشدا، به‌ به‌رده‌وامی هه‌م خۆی و هه‌م میلله‌تیش ئازار ده‌دات. مرۆڤێک که‌ خه‌ڵک و خۆی ئازار بدات، ئه‌وه‌ مرۆڤێکی کامڵ نییه‌، ئه‌قڵ و کاراکته‌رێکی لاوازی هه‌یه‌ . به‌م پێودانگه‌، مه‌سعود بارزانی (وه‌ک هه‌ر دیکتاتۆرێکی خۆ ئازارده‌ر و خه‌ڵک ئازار ده‌ری دیکه‌) ئه‌قڵ و کاراکته‌رێکی لاوازی هه‌یه‌ و بۆ شاردنه‌وه‌ی ئه‌و خاڵا لاوازه‌ش،‌ په‌نا بۆ هه‌ر ڕێگایه‌کی نامرۆییی و شێتانه‌ ده‌بات که‌ به‌ خه‌یاڵیدا بێت، بۆ نموونه‌ له‌ کاتی ئاشبه‌تاڵی 1975دا په‌نا بۆ خۆ کوشتن ده‌بات، چونکه‌ ده‌سه‌ڵاته‌ له‌رزۆکه‌که‌ی ئه‌و سه‌رده‌می له‌ده‌ستداوه‌!.

لایه‌نێکیتر له‌ خیانه‌ت و به‌ چۆکدا هاتنی ئه‌و له‌ به‌رده‌می داگیرکه‌رانی کوردستاندا (ڕژێمی به‌عس، ڕژێمی که‌مالیسته‌کان و جمهوری ئیسلامی ئێران)، به‌ تایبه‌تیش به‌چۆکداهاتنی ئه‌و له‌ 31 ئابدا، ده‌رئه‌نجامی هه‌مان ئه‌قڵی خۆ به‌ لاواز زانینیه‌تی . ئه‌و بۆ ئه‌وه‌ی به‌ ڕه‌قیبه‌که‌ی (تاڵه‌بانی) بڵێت من به‌هێزترم له‌ تۆ، بۆ ئه‌وه‌ی که‌ به‌ میلله‌ته‌که‌شی بڵێت من ئه‌و که‌سه‌ به‌ توانا و به‌هێزه‌م که‌ ده‌توانم فه‌رمانڕاو و حاکم بم به‌ سه‌رتدا، له‌ ڕێگای کڕنوش بردنه‌وه‌ بۆ سه‌دام، ده‌یه‌وێت خاڵه‌ لاوازه‌کان له‌ ئه‌قڵ و کاراکته‌ری خۆیدا په‌رده‌ پۆش بکات، به‌ڵام به‌ پاڵپشتی ڕژێمێکی دیکتاتۆر و دڕنده‌، بوونه‌ دیکتاتۆر به‌ سه‌ر میلله‌ت و ڕه‌قیبدا، چاره‌سه‌ری خاڵه‌ لاوازه‌ ده‌رونییه‌کانی دیکتاتۆرێکی خێڵه‌کی و خۆ به‌که‌مزانی وه‌ک مه‌سعود ناکات، به‌ڵکو گرێ ده‌رونییه‌کان و خاڵه‌ لاوازه‌کان له‌ کاراکته‌ریدا چه‌ند قات زیادتر ده‌کاته‌وه‌. ئه‌وه‌‌ش ده‌یگه‌یه‌نێت به ئاستێک که‌ له‌ هه‌موو شتێک سڵ بکاته‌وه‌ و به‌ تووندی دژی هه‌موو ده‌نگێکی نه‌یاری بێت، ئیتر ئه‌و نه‌یاره‌ گرنگ نییه‌ که‌ تاڵه‌بانییه‌، یان هه‌ر که‌س و گروپێکی سیاسیی دیکه‌ بێت . لێره‌وه‌، سادیزم (ئازاردانی مرۆڤ و چێژ وه‌رگرتن له‌و ئازاردانه‌) ده‌بێته‌ ڕووی دووه‌می نه‌خۆشی ده‌رونی مه‌سعود بارزانی . کردنه‌وه‌ی ئه‌شکه‌نجه‌خانه‌کان و په‌یڕه‌وکردن له‌ دڕندانه‌ترین شێوه‌کانی ئازاردانی زیندانییه‌کانی له‌ زیندانه‌کانی بارزانیدا(به‌ تایبه‌تی له‌ زیندانه‌کانی ئاکرێدا که‌ ڕاسته‌وخۆ له‌ ژێر چاوه‌دێری مه‌سعود و کوڕه‌که‌یدایه‌)، ئاماژه‌یه‌کی ڕاسته‌وخۆن بۆ نه‌خۆشی سادیزمی مه‌سعود . دووچار بوونی مه‌سعود به‌ سادیزم، له‌ هه‌مان ترسه‌وه‌ سه‌رچاوه‌ ده‌گرێت که‌ پێشتر ئاماژه‌م بۆکرد . ئه‌و بۆ شاردنه‌وه‌ی ترسی خۆی و بۆ نیشاندانی خۆی وه‌ک مرۆڤێکی به‌هێز، په‌نا بۆ ئازاردانی خه‌ڵکانی بێده‌سه‌ڵات ده‌بات، به‌ڵام که‌سانی سادیستی وه‌ک بارزانی، بۆخۆیان لاوازترین مرۆڤن و سادیزمی ئه‌وان له‌ هه‌مان لاوازییه‌وه‌ سه‌رچاوه‌ ده‌گرێت.

 کاتێک سه‌رنج به‌ وێنه‌کانی بارزانی ده‌ده‌یت، له‌گه‌ڵ سه‌دام یان له‌گه‌ڵ جۆرج بوش و هه‌ر سه‌رۆکێکی بیانیدا، ڕاسته‌وخۆ له‌وێنه‌کانییه‌وه‌ تێده‌گه‌یت که‌ ئه‌و مرۆڤه‌ چه‌ند شه‌رم دایگرتووه‌ !. زۆربه‌ی ئه‌ومرۆڤانه‌ی که‌ شه‌رم ده‌که‌ن، یان مرۆڤی ترسه‌نۆکن، یان هه‌ست به‌ خاڵێکی لاواز ده‌که‌ن له‌ ئه‌قڵ و که‌سایه‌تیاندا . مرۆڤی شه‌رمن، هه‌میشه‌ خۆی به‌ بچووکتر و به‌ که‌متر ده‌زانێت له‌ که‌سانی دیکه‌ . مه‌سعود بارزانی، هه‌م ترسه‌نۆکه‌ و هه‌م هه‌ست به‌خاڵی لاواز ده‌کات له‌ ئه‌قڵ و کاراکته‌ریدا. هه‌ر له‌به‌رئه‌وه‌شه که‌‌ مه‌سعود له‌ به‌رده‌می سه‌رۆکه‌ به‌هێزتره‌کاندا، وه‌ک مرۆڤێکی شه‌رمن و بچووکتر له‌وان خۆی نیشانده‌دات.

هه‌ڵبه‌ت نابێت ئه‌وه‌شمان بیر بچێت که‌ خاڵی لاواز له‌ ئه‌قڵ و کاراکته‌ری بارزانیدا، به‌ ته‌نها په‌یوه‌ست نابێته‌وه‌ به‌ کێشه‌ی مه‌یلی ئه‌وه‌وه‌ بۆ‌ ده‌سه‌ڵات‌‌، یان به‌ترسی ئه‌وه‌وه‌ به‌رامبه‌ر به‌ له‌ده‌ستدانی ده‌سه‌ڵات‌، ئه‌گه‌رچی ئه‌وانه‌ فاکته‌ری سه‌ره‌کی خاڵه‌ لاوازه‌کانن له‌ که‌سایه‌تی و ئه‌قڵی بارزانیداو هێزی بزوێنه‌ری خیانه‌ته‌کان و سادیزمی ئه‌ون، به‌ڵام چه‌ند فاکته‌رێکی دیکه‌ش کاریگه‌رییان له‌سه‌ر که‌سایه‌تی و ئه‌قڵی لاوازی بارزانی هه‌یه‌، که‌ یه‌کێک له‌و فاکته‌رانه‌، هه‌مان پێگه‌و ژینگه‌ی کۆمه‌ڵایه‌تییه‌ که‌ مه‌سعودبارزانی تێداگه‌وره‌ بووه‌ . ژینگه‌و پێگه‌یه‌کی کۆمه‌ڵایه‌تی که‌ مه‌سعود بارزانی تێدا په‌روه‌رده‌ و گه‌وره‌ ده‌بێت، پێگه‌و ژینگه‌یه‌کی ته‌واو خێڵه‌کی و باوکسالارییه‌.

له‌ ناو خێڵه‌ کوردییه‌کاندا، سه‌رۆکێک هه‌یه‌ که‌ ئه‌م سه‌رۆک خێڵه‌ هه‌موو بڕیاره‌کانی له سه‌ر چاره‌نووسی خێڵ له‌‌ ده‌ستدایه‌ . سه‌رۆک خێڵ ڕۆڵی باوک ده‌بینێ له‌ ناو خێڵدا . له‌ ڕوانگه‌ی سه‌رۆک خێڵه‌وه‌، هه‌موو پیاوانی خێڵ، کوڕی ئه‌ون و ئه‌میش باوکه‌ بۆیان . ده‌بێت هه‌موو پیاوانی خێڵ، ملکه‌چ و موتیعی ئه‌م باوکه‌ بن . خێزانیش بچووکراوه‌یه‌که‌ له‌خێڵ‌ . له‌ چوارچێوه‌ی خێزاندا، ده‌بێت کوڕ گوێڕایه‌ڵ و ملکه‌چی بڕیارو فه‌رمانه‌کانی باوک بێت . ئه‌و په‌یوه‌ندییه‌ شێوه‌ کۆیلایه‌تییه‌ی کوڕو باوک، کاریگه‌رییه‌کی ڕاسته‌وخۆی له‌سه‌ر سایکۆڵۆجییه‌تی مه‌سعود بارزانی و نه‌خۆشی خۆبه‌که‌مزانی و شه‌رمنی ئه‌و هه‌یه‌، چونکه‌ له‌ ناوخێزانی خێڵه‌کاندا، هه‌روه‌ک ئه‌وه‌ی که‌ پیاوانی خێڵ شه‌رم له‌ سه‌رۆک خێڵ ده‌که‌ن، کوڕیش شه‌رم له‌ باوک ده‌کات و کوڕ له‌ به‌رده‌می هێزی باوکدا بوونه‌وه‌رێکی لاواز، شه‌رمن و بچووکتره‌ . مه‌سعود بارزانی په‌روه‌رده‌ی ژینگه‌یه‌کی له‌وجۆره‌یه‌ . هه‌ربۆیه‌ کاتێک له‌و ژینگه‌یه‌ دێته‌ ده‌ره‌وه‌و ڕووبه‌ڕووی که‌سانێکی به‌هێزتر له‌ خۆی ده‌بێته‌وه‌ ، شه‌رم سه‌رتاپای داده‌گرێت، هه‌روه‌ک ئه‌وه‌ی که‌ له‌ وێنه‌کانی له‌گه‌ڵ سه‌دام و بوشدا ده‌رده‌که‌وێت . شه‌رمی مه‌سعود له‌ بوش و سه‌دام، هه‌مان شه‌رمه‌ که‌ له‌ مه‌لامسته‌فای باوکی کردوویه‌تی .

له‌ خاڵی شه‌رمنی و خۆ به‌که‌مزانی سه‌رنجڕاکێشتر له‌ که‌سایه‌تی مه‌سعوددا، دژایه‌تیکردنی ئه‌وه‌ له‌گه‌ڵ ماف و ژناندا، که‌ ئه‌م گرێ ده‌رونییه‌ی دیکه‌ی مه‌سعود‌ له‌ژێر کاریگه‌ری كڵتوری خێڵدا دروست بووه . مه‌سعود له‌ بنه‌ماڵه‌یه‌کی خێڵه‌کی ناوچه‌ی بارزانه‌ . هه‌ڵبه‌ت لێره‌دا نابێت ئه‌وه‌ش له‌ بیر بکه‌ین که‌ بارزانییه‌کان دابه‌شبوون به‌ سه‌ر چه‌ند خێڵێکدا، که‌ ماڵی مه‌لامسه‌فا یه‌کێکن له‌و خێڵانه‌، به‌ڵام دواکه‌وتووترین و مشه‌خۆرترین خێڵی ناو خێڵه‌ بارزانییه‌کانن . وه‌ک له‌ شه‌جه‌ره‌نامه‌که‌شیاندا ده‌رده‌که‌وێت، بنه‌ماڵه‌یه‌کی شێخ و ئاینین . ئاشکراشه‌ که‌ بنه‌ماڵه‌ شێخه‌کان و پیاوانی ئاینی ناوخێڵه‌کان، زۆربه‌یان مشه‌خۆر بوون و له‌ ڕێگای فێڵی دینییه‌وه‌ ده‌رامه‌ت و بژێوی خۆیان دابینکردووه‌ . به‌هۆی مه‌سه‌له‌ ئاینیه‌کانه‌وه‌، مرید و ده‌روێشه‌کانیان له‌ ڕووی مه‌عنه‌وییه‌وه‌ کردبووه‌ کۆیله‌ و له‌ ڕووی ئابووریشه‌وه‌ به‌ شێکی به‌رچاو له‌ داهاتی ئه‌وانیان له‌ ژێر ناوی کۆمه‌ک به‌ ته‌کییه‌ و خانه‌قا، سه‌رفتره‌ و زه‌کات و شتی له‌و بابه‌ته‌دا، لێوه‌رده‌گرتن . باوک و باپیرانی مه‌لامسته‌فا هه‌مان فێڵی دینیان له‌ خه‌ڵک و خێڵه‌کانیتری بارزان کردووه‌ و وه‌ک بنه‌ماڵه‌یه‌کی مشه‌خۆر ژیاون به‌سه‌ر بارزانییه‌کانه‌وه‌ . بنه‌ماڵه‌ی بارزانی به‌ پێچه‌وانه‌ی زۆربه‌ی بنه‌ماڵه‌ شێخه‌کانی کوردستانه‌وه‌، داهات و ده‌رامه‌تی خۆیان له‌ ڕێگای خاوه‌ندارێتی به‌سه‌ر زه‌ویدا دابین نه‌کردبوو (بۆ نموونه‌، بنه‌ماڵه‌ی شیخ مه‌حمودی حه‌فید داهاتی و ده‌رامه‌دی خۆیان له‌سه‌ر خاوه‌ندارێتی زه‌وییه‌وه‌ دابینکردبوو)، چونکه‌ ناوچه‌ی بارزان ناوچه‌یه‌کی بچووک و شاخاوییه‌و ناوچه‌یه‌کی کشتوکاڵی نییه‌ . له‌ ژینگه‌ و هه‌ڵکه‌وته‌یه‌کی سروشتی ئه‌وهادا، که‌ کاردابه‌شکردن له‌ سه‌ر بنه‌مای خاوه‌ندارێتی زه‌وی نییه‌، خه‌به‌رێکیش له‌ ماف و ئه‌رک نییه‌ . مه‌سعود بارزانی له‌ ناو خێڵ و خێزانێکی بێ ماف و بێ ئه‌رکی مشه‌خۆردا په‌روه‌رده‌ بووه‌ . کڵتوری خێڵه‌کی و مشه‌خۆری، کڵتورێکه‌ تا به‌ده‌سته‌وه‌گرتنی ڕۆڵی سه‌رۆک خێڵی مه‌لامسته‌فای باوک ده‌ستیپێوه‌ ده‌گیرێت، به‌ڵام له‌ سه‌رده‌می سه‌رۆک خێڵی و باوکایه‌تی مه‌لامسته‌فادا، شێوه‌ی نان دابینکردنی خێزان له‌ ڕێگای ته‌کییه‌ و خانه‌قاوه‌ ده‌گۆڕێت بۆ کاری چه‌کداری و یاخیبوونی چه‌کداری . ئه‌م ڕێگایه‌ی دووه‌میان، دواکه‌وتووتر له‌ ڕێگای ته‌کییه‌و خانه‌قایه‌ و به‌هیچ شیوه‌یه‌ک ناکرێت پێناسه‌کانی ماف و ئه‌رکی تیا بدۆزرێته‌وه‌ . مه‌لا مسته‌فا به‌ عونف و ملهوڕی ده‌بێته‌ سه‌رۆکی هه‌موو خێڵه‌کانیتری بارزان . هه‌موو ده‌بنه‌ چه‌کداری ملکه‌چی ئه‌و .. که‌س مافی نییه‌ و که‌س ئه‌رکێکی کۆمه‌ڵایه‌تی دیاریکراوی نییه، چونکه‌ کار دابه‌شکردنێکی کۆمه‌ڵایه‌تی له‌ ناو خێڵه‌کانی بارزاندا بوونی نییه‌و چه‌کداری و یاخبوونی چه‌کداری ده‌بێته‌ ته‌نها سه‌رچاوه‌ی نان په‌یداکردنی خێڵ و بنه‌ماڵه‌‌‌ . مه‌سعود بارزانی به‌و کڵتوره‌ په‌روه‌رده‌کراوه‌ و به‌م هۆیه‌شه‌وه‌ کاتێک ڕووبه‌ڕووی کۆمه‌ڵگه‌ی گۆڕاوی کوردی ده‌بێته‌وه‌، تووشی شۆک و سه‌رسوڕمان دێت، چونکه‌ کۆمه‌ڵگه‌ی نوێی کوردی، به‌ پێچه‌وانه‌ی کۆمه‌ڵگه‌ی ته‌قلیدی بارزانه‌وه‌، کۆمه‌ڵگه‌یه‌که‌ که‌ کاردابه‌شکردنی کۆمه‌ڵایه‌تی تێدایه‌ و به‌مهۆیه‌شه‌وه‌ ئه‌رک و ماف تیادا دیاریکراوه‌ . نامۆ بوونی مه‌سعود به‌ژینگه‌ی کۆمه‌ڵایه‌تی تازه‌ی کوردی‌، ئه‌و ده‌خاته‌ دژایه‌تیکردنی مافه‌کانی هاوڵاتیانی کورده‌وه‌ . کاتێک که‌ مه‌سعود ده‌بێته‌ فه‌رمانڕه‌وا و ده‌سه‌ڵاتداری کوردستان، به‌ هه‌مان ئه‌قڵ و کڵتوری خێڵه‌کییه‌وه‌ مامه‌ڵه‌ له‌گه‌ڵ ماف و ئه‌رکه‌کانی تاک و کۆی کۆمه‌ڵگه‌ ده‌کات و ده‌یه‌وێت کۆمه‌ڵگه‌ی کوردستان بکاته‌ نموزجی خێڵه‌کی حه‌فتا ساڵ له‌وه‌ پێشی بارزان !. له‌تێڕوانینی خێڵه‌کی مه‌سعوده‌وه‌، میلله‌تی کورد ده‌بێت، هه‌موو چه‌کدار و ملکه‌چی ئه‌و بن!. له‌م تێڕوانین و فه‌رهه‌نگه‌ خێڵه‌کییه‌ ئیستبدادییه‌دا، شتێک به‌ ناوی ماف ئه‌رک بوونی نییه‌.. سه‌روه‌ت و سامانی میلله‌تی کوردیش، موڵکی ئه‌و سه‌رۆک خێڵه‌ چه‌کداره‌یه‌ . هه‌رکه‌س و گروپێکی کۆمه‌ڵایه‌تی میلله‌تیش داوای ماف بکات، به‌کرده‌وه‌ ده‌ستده‌بات بۆ شکاندنی گه‌وره‌یی و موقه‌ده‌ساتی سه‌رۆک خێڵ و بنه‌ماڵه‌که‌ی . له‌م تێڕوانیینه‌ خێڵه‌کییه‌وه‌، خاوه‌ن ماف ده‌بێته‌ دوژمنی بنه‌ماڵه‌ و هه‌موو ڕێگایه‌کیش ڕه‌وایه‌ بۆ سه‌رکوتکردنی خاوه‌ن ماف . ته‌نانه‌ت له‌وه‌ش خراپتر ئه‌وه‌یه‌ که‌ له‌ کڵتوری خێڵه‌کی بارزانیدا، هیچ که‌س و لایه‌نێک بۆی نییه‌ ببێته‌ شه‌ریک و هاوبه‌شی ده‌سه‌ڵاتی ڕه‌های ئه‌و بنه‌ماڵه‌یه‌، کێشه‌ و شه‌ڕی له‌مێژینه‌ی تاڵه‌بانی و بارزانی له‌ هه‌مان کڵتوری خێڵه‌کی بارزانییه‌وه‌ سه‌رچاوه‌ی گرتووه‌ و ڕووداوی 31 ئابیش، لایه‌نێکی پراکتیزه‌کردنی هه‌مان کڵتوری خێڵه‌کی " هه‌موو ده‌سه‌ڵاتێک بۆ بنه‌ماڵه‌ی بارزانی "یه‌ . دژایه‌تی مه‌سعود و بنه‌ماڵه‌که‌ی له‌گه‌ڵ مافی ئازادی بیروڕا و ڕه‌خنه‌گرتندا، درێژه‌ی هه‌مان ئه‌قڵی خێڵه‌کی کوڕو باوکایه‌تییه‌ که‌ له‌ پێشه‌وه‌‌ ئاماژه‌م پێکرد.. واته‌ پیاونی کورد ده‌بێت، ملکه‌چ و موتیعی ئه‌م باوکه‌ ببن و به‌ حه‌یاو شه‌رمه‌وه‌ بێنه‌ حزوری، یان ناوی بهێنن . ئه‌م ڕاستییه‌ له‌ ڕۆژنامه‌ی خه‌باتی زمان حاڵی پارتی و گشت ئه‌ده‌بیاتی خێڵه‌کی بارزانیدا به‌ ته‌واوی به‌دی ده‌که‌ین . کاتێک که‌ مه‌سعود بارزانی لێدوانێک ده‌دات، یان باشتره‌ که‌بڵێم شه‌کرێک ده‌شکێنێت، ڕۆژنامه‌ی خه‌بات ده‌نووسێت :" سه‌رۆک بارزانی فه‌رمووی " . ووشه‌ی "سه‌رۆک وتی " له‌و ئه‌ده‌بیاته‌ خێڵه‌کییه‌دا نییه‌ و ڕه‌نگه‌ "ووشه‌ی سه‌رۆک وتی " به‌ زمانی بێڕێزی و کوفر حسابی له‌سه‌ر بکرێت له‌ هه‌مان کڵتوری خێڵه‌کیدا . له‌م کڵتوره‌ خێڵه‌کی و باوکسالارییه‌دا، بۆشاییه‌ک نییه‌ که‌ شوێنی ڕه‌خنه‌ی تێدا ببێته‌وه‌. ڕه‌خنه‌ یه‌کسانه‌ به‌ سوکایه‌تیکردن به‌ موقه‌ده‌ساتی سه‌رۆک و باوکی خێڵ . له‌م ڕوانگه‌ خێڵه‌کییه‌وه‌، به‌توندی ڕه‌خنه‌گران سه‌رکوت ده‌کرێن و خه‌به‌رێک له‌ مافی ئازادی ڕه‌خنه‌گرتن و ڕا ده‌ربڕین نییه‌ . له‌وه‌ش خراپتر ئه‌وه‌یه‌ که‌ له‌ هه‌مان کڵتووری خێڵه‌کی دژی ماف و دژی ئازادی بارزانیدا، هه‌مو به‌دڕه‌وشتییه‌ک بۆ سه‌رۆک و باوکی خێڵ به‌ ڕه‌وا ده‌بینرێت . هه‌رکه‌سێکیش بڵێت سه‌رۆک ئه‌و‌ کاره‌ نابه‌جێ و به‌دڕه‌وشتانه‌یه‌ی کردووه‌، به‌ ده‌ستی خۆی گۆر بۆخۆی هه‌ڵده‌که‌نێت . که‌م نین ئه‌و که‌سانه‌ی که‌ به‌هۆی سه‌رزه‌نشتکردنی مه‌سعود بارزانی و ڕه‌خنه‌گرتن له‌ داڕمانی ئه‌خلاقی ئه‌و له‌ 31 ئابدا، خراونه‌ته‌ زیندانه‌کانی بنه‌ماڵه‌وه‌ و به‌ دڕندانه‌ترین شێوه‌ ئه‌شکه‌نجه‌دراون یان له‌ ناو براون .

لایه‌نێکی دیکه‌ له‌ ئه‌قڵ و کڵتووری مشه‌خۆری مه‌سعود و بنه‌ماڵه‌که‌ی، خۆ ژیاندنیانه‌ له‌سه‌ر ده‌سه‌ڵات و بزووتنه‌وه‌ی چه‌کداری . له‌ پێشه‌وه‌ ئاماژه‌م به‌وه‌دا که‌ بنه‌ماڵه‌ی بارزانی و به‌ تایبه‌تی له‌ سه‌رده‌می باڵاده‌ستی مه‌لامسته‌فاوه‌ به‌ سه‌ر بنه‌ماڵه‌ و خێڵه‌که‌یدا، له‌ مشه‌خۆری ته‌کییه‌و خانه‌قا و شێخایه‌تییه‌وه‌، ده‌گوازنه‌وه‌ بۆ نان په‌یداکردن له ڕێگای‌ کاری چه‌کدارییه‌وه‌ . هه‌ڵبه‌ت به‌ڕێخستنی بزووتننه‌وه‌یه‌کی چه‌کداری، به‌بێ ده‌ستتێکه‌ڵ کردن و بوونه‌ کرێگرته‌ و جاشی مخابراتێکی ده‌ره‌کی له‌ شێوێنێکی بێده‌رامه‌د و دواکه‌وتووی وه‌ک ناوچه‌ی بارزاندا کارێکی مه‌حاڵه‌ . ئێستا هه‌ندێک سه‌رچاوه‌ ئاماژه‌ به‌وه‌ ده‌ده‌ن که‌ ئه‌م بنه‌ماڵه‌یه‌ له‌لایه‌ن مخابراتی سۆڤییه‌ت ( که‌ی. جی . بی )ه‌وه‌ کۆمه‌کیان پێکراوه‌ . هه‌ڵبه‌ت ئه‌و ئاماژانه‌ ڕاستن و هه‌ڵبه‌ستراو نین، ئه‌ویش له‌ به‌ر سێ هۆی مه‌نتقی:

١- ئیداره‌کردنی هێزێکی چه‌کداری هه‌زاران که‌سی، پێویستی به‌ سه‌رچاوه‌ی دارایی و ئابوری هه‌یه‌و خێڵه‌کانی ناوچه‌ی بارزانیش هه‌رگیز له‌ڕووی ئابوورییه‌وه‌ توانای دابینکردنی بودجه‌ی پیاوه‌ چه‌کداره‌کانی شوێنکه‌وتووی مه‌لا مسته‌فایان نه‌بووه‌ . که‌واته‌ باوکی مه‌لا مسته‌فاو خودی ئه‌و، به‌ ناچاری په‌نایان بۆ سیخوڕیکردن بۆ مخابراتی سۆڤییه‌تی، ڕه‌نگه‌ هه‌ندێک مخابراتی ناوچه‌یی دیکه‌ش بردبێت تا له‌ ڕووی ئابوورییه‌وه‌ ئیداره‌ی هێزه‌ چه‌کداره‌که‌ی پێکردبێت .
٢- ڕوسه‌کان، چ حکومه‌تی قه‌یسه‌ری و چ حکومه‌تی به‌ڵشه‌فییه‌کانی دوای ئه‌و، چاویان له‌ عێراق بڕی بوو، ئه‌ویش به‌هۆی جێگاو شوێنی ستراتیژی، ئابووری و سیاسی عێراق له‌ ململانێی نێوان هێزه‌ ئیمپریالیستی و کۆڵۆنیالیسته‌کانی ئه‌و سه‌رده‌مه‌دا. بۆیه‌ ڕوسه‌کان هه‌میشه‌ بۆ دۆزینه‌وه‌ی شوێنپێی خۆیان گه‌ڕاون له‌ عێراقدا. بۆ ئه‌و شوێنپیکردنه‌وه‌یه‌ش، هه‌وڵیانداوه‌ تا ده‌ستبخه‌نه‌ ناو کێشه‌ ئاینی و نه‌ته‌وه‌ییه‌کانه‌وه‌ . کێشه‌ی کورد، که‌ کێشه‌یه‌کی له‌ مێژینه‌یه‌ له‌عێراقدا، هه‌میشه‌ ڕوسه‌کان ده‌ستیان تێوه‌رداوه‌ . په‌ره‌دان به‌ بزووتنه‌وه‌یه‌کی چه‌کداری به‌ ڕابه‌رایه‌تی بنه‌ماڵه‌ی بارزانی و شه‌خسی مه‌لا مسته‌فا، له‌ ڕوانگه‌ی ڕوسه‌کانه‌وه، ده‌یتوانی کێشه‌ بۆ حکومه‌تی پاشایه‌تی ئه‌وسه‌رده‌مه‌، که‌ دروستکراوی ئیمپریالیزمی ئینگلز بوو، دروست بکات . به‌ تایبه‌تی له‌کاتێکدا، ئه‌م مه‌سه‌له‌یه‌ گرنگی بۆ ڕوسه‌کان هه‌یه‌، که‌ مه‌ترسی ئه‌ڵمانیای نازی له‌ گۆڕێدا نه‌ماوه‌ و ڕوسه‌کان خۆیان بۆ شه‌ڕی سارد له‌گه‌ڵ ئیمپریالیزمی به‌ریتانیا و گشت خۆرئاوا ئاماده‌ ده‌کرد.

٣- له‌و دوو خاڵه‌ی پێشه‌وه‌ش گرنگتر، هه‌ڵهاتنی بارزانی و هێزه‌ چه‌کداره‌که‌یه‌تی بۆ کوردستانی رۆژهه‌ڵات و تێکه‌ڵ بوونی له‌گه‌ڵ جوڵانه‌وه‌که‌ی ژێر ڕابه‌رایه‌تی قازی محه‌مه‌د و کۆماری مه‌هاباددا . هه‌ڵاهاتنی مه‌لا مسته‌فا بۆ کوردستانی ڕۆژهه‌ڵات، پیده‌چێت به‌ ته‌وجیهی ڕوسه‌کان بووبێت نه‌ک هه‌ڵهاتن له‌ترسی حکومه‌تی پاشایه‌تی عێراق، چونکه‌ ڕوسه‌کان له‌وکاته‌دا پێویستییان به‌ بنیاتنانی کۆمارێک کوردی و ئازه‌ری هه‌بوو له ‌ئێراندا تا ئێران دابه‌شبکه‌ن و به‌م هۆیه‌شه‌وه‌ له‌ده‌سه‌ڵات و نفوزی ئیستعماری ئینگلیز که‌م بکه‌نه‌وه‌ له‌ ناوچه‌که‌دا ... به‌هه‌رحاڵ، کاتێک که‌ ڕوسه‌کان پێویستیان به‌ کۆماری مه‌هاباد، نامێنێت، ئه‌و کۆماره‌ هه‌ره‌س پێده‌هێنن و مه‌لامسته‌فاش به‌ره‌و سۆڤییه‌ت به‌کێش ده‌که‌ن.  

ئه‌وانه‌ چه‌ند ئاماژه‌یه‌کن که‌ سیخوڕی مه‌لامسته‌فا بۆ ڕوسه‌کان ده‌رده‌خه‌ن . مه‌سعود له‌ بنه‌ماڵه‌یه‌کی ئه‌وها په‌روه‌رده‌ بووه‌ که‌ له‌ڕێگای چه‌کداری و سیخوڕییه‌وه‌ بژێوی و ده‌رامه‌دی خۆیان دابینکردووه‌ . له‌وه‌ش گرنگتر، اتێک مه‌لا مسته‌فا هه‌ڵدێت بۆ روسیا، مه‌سعود ته‌مه‌نی 1ساڵان ده‌بێت و لای ماڵی باپیر‌ی ( مه‌حمود ئاغای سورچی )، که‌ ئه‌ویش جاش و نۆکه‌ری ئه‌وکاتی ڕژێمی پاشایه‌تی ده‌بێت و بۆ ماوه‌ی ده‌ دوانزه‌ ساڵێکی گرنگ له‌ ته‌مه‌نی له‌ ناو خێزانێکی جاش و به‌کرێگیراودا ده‌باته‌ سه‌ر . کڵتوری جاشه‌یه‌تی و سیخوڕی به‌شیره‌وه‌ ده‌رخواردی مه‌سعود ده‌درێت و ئه‌م کڵتوره‌ تا سه‌ر ئێسقانی مه‌سعود ده‌چێته‌ خواره‌وه ، یان کورد وته‌نی :" خویه‌ک گرتت به‌شیری ته‌رکی ناکه‌یت به‌ پیری‌ !" . هه‌ربۆیه‌ سیخوڕیکردنی به‌ ئاشکراو به‌نهێنی ئه‌و، یان ده‌ستتێکه‌ڵکردنی له‌گه‌ڵ ڕژێمه‌ داگیرکه‌ر و فاشیستییه‌کانی عێراق، ئێران و تورکیادا، وه‌ک کارێکی ڕۆتین و ئاسایی چاوی لێده‌کات . 31 ئاب به‌ده‌ر نییه‌ له‌ کاریگه‌رییه‌کانی ئه‌و کڵتوره‌ سیخوڕیه‌ش‌ له‌ سه‌ر سه‌رۆکی کوردستان .

٣١ی ئابی ٢٠٠٧