هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<June 2018>
SuMoTuWeThFrSa
272829303112
3456789
10111213141516
17181920212223
24252627282930
1234567


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
لەیادی 24122 ڕۆژەی 31 ی ئابدا


img8/31/2012 12:00:00 AM
وەحید ئەمین:

سەرەتا پێویستە ئاماژەیەك بەوە بدەم کە 24122 ڕۆژ بریتیە لە تەمەنی دروست بوونی پارتە نادیموکراتە خێڵەکیەکەی بارزانی تا 31 ی ئابی ئەمساڵ. تەمەنی باندە مافیاکەی بارزانی 66 ساڵ و 15 ڕۆژە. لەو 66 ساڵە، 17 ساڵی پڕە ( واتە 17 ساڵی 366 ڕۆژە ) و 49 سالیشی ئاساییەو هەرساڵەی 365 ڕۆژە. گەر کۆبکرێنەوەو 15 ڕۆژیشی بخرێتەسەر ( واتە لە 16 ئابەوە تا 31 ئاب )، ئەوا تەمەنی چەتەکانی بنەماڵەی بارزانی 24122 ڕۆژە.

لەڕاستیدا من پێموایە کە بەلایەنی کەمەوە هەر تاکە ڕوژێك لەتەمەنی حزبەکەی بارزانی و بنەماڵەکەی، 31 ی ئابێکیان تۆمارکردووە گەربۆیان لوابێت! ئەگەر بەڕێکەوت لە هەر ڕوژێکدا 31 ی ئابێکیان تۆمار نەکردبێت، ئەوە لە هزرو مۆراڵی ئەوانەوە سەرچاوەی نەگرتووە، بەڵکو بۆیان نەلواوە ئەگەرنا مێتۆدی ئەوان تۆمارکردنی ژمارەی پێوانەییە لە 31 ی ئابەکاندا. بۆیە ئەوە گەوجیەتیەکی بێوینەیە گەر تەنیا 31 ی ئابی 1996 بە ڕۆژی گەورەترین خیانەتی نەتەوەیی بارزانی هەژماردبکرێت!!!

کێ دەتوانێت ئاماژە بەڕۆژێکی پرشنگداری تەمەن و مێژوی بارزانی و بنەماڵەکەی بکات؟! کێ دەتوانێت ئاماژە بە ڕۆژێك لەتەمەن و مێژوی بنەماڵە بدات گەر بەئاشکرا خیانەتێکیان بۆنەچوبێتە سەر، دوانیان بەنهێنی نەکردبێت؟! کێ دەتوانێت ئاماژە بە تەنیا یەك ڕۆژ لەتەمەن و مێژوی بارزانی و بنەماڵەکەی بدات کە گەر پلانێكی لەدژی بەرژەوەندی گشتی گەلەکەی جێبەجێنەکردبێت، پلانی بۆ دوان دانەڕشتبێت؟! کێ دەتوانێت نکوڵی لەوە بکات کە بارزانی بەواتای خیانەت دێت و بەپێچەوانەشەوە؟ لەڕاستیدا وشەی خیانەت وشەیەکی عەرەبیەو تا هەنوکە لە فەرهەنگی کوردیدا وشەی هاوتای نیە، بۆیە من پێشنیاری ئەوە دەکەم کە ئیدی لەفەرهەنگی کوردیدا، وشەی بارزانی بکریتە هاوتای وشەی خیانەتی عەرەبی.

یادی 31 ی ئاب و هەڵوێستی بەناو ڕاگەیاندنی ئازاد

ئەوە بڕیارو بۆچونی خەڵکە کە پۆلێنی ڕۆژنامەیەك یان ماڵپەڕێك لە ڕیزبەندی ڕاگەیاندنی ئازاد یان وابەستەی لایەنێك دەکات، نەك جۆری بیرکردنەوەو لێدوانی خاوەن ئیمتیاز، سەرنوسەر یان هەر نوسەرێکیتری. هەرچەندە دەکرێت و دەشگونجێت کە بەنوسین و نوسەران چەواشەکاربن و وا نیشانبدرێت کەلەبەرەی گەلن( واتە ڕاگەیاندنی ئازادن )، بەڵام لەراستیشدا لەبەرژەوەندی لایەنێكدا بن. خاڵی گرنگ ئەوەیە کە هێڵی درۆو چەواشەکاری کورتەو پۆشینی دەمامك ( ماسك ) تاسەر دادی کەس نادات. چاوی هەموومان ڕەش بەڕەش دەبینێ و سپیش بە سپی. ئەوە بەرژەوەندیەکانن فرمان بەچاوی ئێمەدەکەن کە ڕەنگەکان بەهەڵە ببینین ئەگەر نا ڕەنگەکان وەك خۆیانن و هەرگیز ناگۆڕرێن.

یادی ئەم 31 ی ئابە، نەك تەنیا نەبوونی ڕاگەیاندنی ئازاد ئاشکرا دەکات، بەڵکو گەواهی و سەلمێنەری وابەستەیی تەواوی ڕاگەیاندنەکان یەکلایی دەکاتەوە. کاتێك لەڕێگەی هەواڵێك، وتارێکی ڕاگەیاندنەکان یان لێپرسراوێکی گردەکەوە باس لە هەڕاجکردن و قچاخفرۆشتنی نەوت دەکرێت لەلایەن بارزانی و بنەماڵەکەیەوە، ڕاستەوخۆ ئاوێنە، هاوڵاتی و لڤین پرێس هەمان نووسین یان ڕاگەیاندن بڵاودەکەنەوە. کاتێك لێپرسراوێکی ژوری ڕۆژنامەوانی گردەکە لێدوانێك دەدات، کاتێك نەوشیروان مستەفا پەیامێكی دەبێ یان سەردانی شارێك یان وڵاتێکیدی دەکات، ئاوێنە، هاوڵاتی و لڤین پرێس ڕووماڵی دەکەن و بەهامان لێدوان و پەیامی گردەکە ماڵپەڕەکانیان دەڕازێننەوە!! کاتێکیش 31 ی بارزانیە، نەك تەواوی لێپرسراوانی سیاسی و ژوری ڕۆژنامەوانی گردەکە بە خودی نەوشیروان مستەفاشەوە بێدەنگیان هەڵبژاردوە لەبەرانبەر بنەماڵەی بارزانیدا، بەهەمان شێوە ئاوێنە، هاوڵاتی و لڤین پرێس وابەستەیی خۆیان بۆ گردەکە دەسەلمێنن و نقەیان لێوەنایەت. ئەوەش بەشێکیترە لەمۆراڵ و هەڵوێستی شاراوەی بەناو ڕاگەیاندنە ئازادەکانی باشوری کوردستان.

ئەی هەڵوێست و قسەی تۆی خاوە ڕاگەیاندن چیە؟

لەبەرچاوگرتنی بەرژەوەندی گشتی و هەڵوێستی ئازادانەی ماڵپەڕەکان بریتی نیە لە ڕوماڵکردنی بێسانسۆری نووسینەکان، بریتی نیە لەڕوانگە و ناوەرۆکی وتارو نوسینی نوسەرانی ئازادیش( هەرچەندە زۆر کەمن ئەوانەی نوسەری ئازادن )، بەڵکو بریتیە لە هەڵوێستی تۆی خاوەن ماڵپەڕ، بریتیە لە ئاستی مەعریفەو کەسایەتی تۆ، بریتیە لەوەی کە تۆی خاوەن ماڵپەڕ چیت پێیەو قسەو پەیامی تۆ لەکاتی پێویستدا چیە؟ بۆیە گرنگ نیە کە تەواوی ماڵپەڕەکەت بە وتارو نوسینی خەڵك لەسەر 31 ی ئاب ڕوماڵ بکەیت یان نا، چونکە ئەوە بۆچونی خەڵكە، بەڵکو ئەوە گرنکە کە تۆ وەکو خاوەن ماڵپەڕ، وەکو خاوەن ئیمتیازو ڕاگەیاندن پەیامت چیە و بۆ کێیە!! ئاسۆس هەردی، کەمال ڕەوف، ئەحمەد میرە، کەمالی جەمال موختار نەبەناوی خۆیانەوە و نە بە ناوی ماڵپەڕەکانیشیانەوە پەیامێکیان بۆ یادی 31ی بارزانی نەبوو! ڕەنگە بە کۆمەڵ بڕیاریان دابێت کە هەڵوێستی ئەمیادەی 31 ی بارزانی، بەبێدەنگی مانبگرن !!

31 - 08 - 2012