هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<December 2018>
SuMoTuWeThFrSa
2526272829301
2345678
9101112131415
16171819202122
23242526272829
303112345


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
مێتۆدی شۆڕشی نوێ لەنێوان نامەکانی مەرگ و پلانی تاڵەبانی بۆ کوشتنی کۆسرەت ڕەسوڵدا


img9/16/2012 12:00:00 AM
وەحید ئەمین:

سیاسەت و دەسەڵات دووڕووی تەواو لەیەك جیاوازیان هەیە، ڕووە باوەکەی، کەڕووی دەرەوەیەو لێرەوە کەسایەتیە سیاسیەکان چ خاوەن دەسەڵاتبن یان لەدەرەوەی دەسەڵاتبن، بەرژەوەندی گشتی یان زۆرینە، ئازادی و دیموکراسی، یەکسانی و سەروەری یاسا، ئازادی ژنان و مافەکانیان، خۆشگوزەرانی و بایەخدان بە بواری تەندروستی و دەیان شتیتری لەو جۆڕە دەکەنە ئاپۆڕەی گەوجکردنی کۆمەڵ بۆ گەیشتن بەهیواو ئامانجەکانی خۆیان،بەڵام ڕووە شاراوەکەی ئەوەیە کە جگە لەخۆیان کەس نایبینێت، جگە لەخۆیان کەس بە پلان، بەرنامە، نیەت و توخمەکانی ئاشنا نییە، ئەوە ڕوو خراپ و ترسناکە شاراوەکەی کەسایەتیە سیاسیەکانە .

تاکی سیاسی کاتێك بوویە کۆیلەی حەزو ئارەزووەکانی خۆی، کاتێك ڕێگەیداکە هەست و دەرونی کۆنترولی بکات، ئیتر لێرەوە کەسایەتی سیاسی لەدەست دەدات و ڕووە خراپ و ترسناکەکەی بەیان دەکات و دەبێتە مافیا و دڕندە، بۆیە بەهەر نرخێك بێت، بەرژەوەندی گشتی دەکاتە پەیژەو هەوڵدەدات تا دوا پلە لێیەوە سەرکەوێت.

تەواوی بنەماڵەی بارزانی( تەنانەت خودی مەلا مستەفاش ) و جەلالیەکان ( بە نەوشیروان مستەفا و شوێنکەوتوەکانیشیەوە چونکە لەڕەگ و ڕیشەوە پێکەوە پەروەردەبوون و هەمان مۆراڵ ومێتۆد لەیەکتری کۆیکردوونەتەوە )، جێکەوتەیان لەگەڵ ڕووە خراپ و ترسناکەکەیە ( واتە مافیان ). لەبەرئەوەیە هەمیشە ئاماژە بەو ڕاستیە دەدەین کە لەسەرەتای دروست بوونی دەوڵەتی عێراقەوە ( 1921 ) تا هەنوکە گەلی ئێمە نەك هەرشۆڕشی نەکردووە، بەڵکو ئەگەر شتێکیش ببوایە بۆنی شۆڕشی لێبهاتایە، بێگومان ئەوان لەناویان دەبرد، چونکە کۆمەڵێك چەتە هەرگیز ناتوانن شۆڕش بکەن و ببنە نوێنەری خەڵك تا داکۆکی لەبەرژەوەندیەکانیان بکەن.

چۆن لڤین نامەکانی مەرگی دەست کەوت؟!

پێش دەرچوونی ژمارە 207 ی گۆڤاری لڤین، ماڵپەڕی لڤین پرێس، ریکلامی ئەوەی کرد کە لەو ژمارەیەدا بەڵگەنامەکانی کوشتنی وریا بڵاو دەکەنەوە. دوای بڵاوکردنەوەی نامەکانی مەرگ لە گۆڤاری لڤیندا، کوردستانپۆستی کەمالی جەمال موختار بەوتارێك لەژێر تایتڵی (( نامه‌کانی مه‌رگ ))، وەڵامی نامە بڵاوکراوەکانی گۆڤاری لیڤینیدایەوە . ئەوەش لینکی وەڵامەکەیانە (http://www.kurdistanpost.com/view.asp?id=179ea19c ) .پاشان لێپرسراوانی لڤین نکوڵیان لەوە کرد کە نامەکانی مەرگیان لە لایەن مەلا بەختیارەوە پێگەیشتبێت. بۆ ئەو مەبەستەش خودی ماڵپەڕی لڤین پرێس، لێدوانێکی کەسی دووەمی لڤین کە جێگری ئەحمەد میرە بوو، بڵاو کردەوە( بەداخەوە لینکی ئەو لێدوانەم لێوونبووە ) کە وتی پاش 6 مانگ لە بەدواداچوون بۆ ڕاستی و دروستی نامەکان و نەبوونی مەبەستی تایبەت لەبڵاوکردنەوە یان بەکارنەبردنی لڤین پرێس بۆ گەیشتن بە ئامانجێك و پاش ئەوەی کە مەلا بەختیاریش لە چاوپێکەوتنێکی تەلەفزیۆنی کەناڵی نالیادا ئاماژەی پێدا، ئێمە هەستاین بەبڵاوکردنەوەی ئەو نامانە. پاشان لە ڕۆژی 14 - 9 - 2012 دا هەواڵێك هەر لەکوردستانپۆستەوە لەژێر تایتڵی (( جه‌لال تاڵەبانی پلانی بۆ کوشتنی کۆسرەت ڕەسوڵ علی دانابوو (http://www.kurdistanpost.com/view.asp?id=7df4d4da )بڵاو کرایەوە!.

خوێنەری هوشیار دەبێت بیر لەوە بکاتەوە کە بۆچی لەدوای نزیکەی 30 ساڵ بەسەر ئەو ڕووداوانەدا لە ساتەوەختێکی وەكو ئێستادا ئەو بەڵگانە بەڕووناکی و بێ سانسۆر بە خەڵك ئاشنا دەبن؟! ئەبێ بیر لەوە بکاتەوە کە کێ ئەو بەڵگەنامانەی پاراستووەو کێش لەپشت بڵاوکردنەوەیەتی؟! پاشان مەبەست لەبڵاوکردنەوەیان چیە؟ ئەی ئایا بڵاوکردنەوەی هەواڵی پلانی کوشتنی کۆسرەت ڕەسوڵ لەلایەن تاڵەبانیەوە، وەڵامە بۆ ئەو دەستەی کە نامەکانی مەرگی ئاشکرا کردووە؟

لەڕاستیدا ئەوە پلانی مافیاکانی پاراستنی بارزانیە کە لەلایەك کڵاوی کردووەتە سەر لڤین و کوردستانپۆست، لەلایەکیتریشەوە کڵاوی لەسەر گردەکە داناوە!! ڕاستە سەرچاوەی ئەو نامانەوە و ئەو کەسەشی کە تا هەنوکە پاراستوونی، خودی مەلا بەختیارە، بەڵام ئەی مەلا لەڕۆژە ڕەشەکانیدا بۆ ئاشکرای نەکردن؟ لەتۆڵەی زیندانیکردن و لە ( ئاش )خستنەکەی بۆ بڵاوی نەکردەوە؟! لەگەرمەی ململانێی نێوان مامی گەورەو نەوشیروان مستەفادا بۆ بڵاوی نەکردنەوە؟!

بێگومان لای هەموان ئاشکرایە کە مەلا بەختیار چەند کەسێکی زمان درێژو چەواشەکارە، دەهێندەش ترسنۆکە، بۆیە خودی بەختیار لەترسی نەوشیروان ناوێرێت کارێکی لەوجۆرە ئەنجام بدات. بەهەر نرخێك بێت، پاراستن نامەکانی لە مەلا بەختیار وەرگرتووەو لە بەرانبەر ئەو هێرشانەی ئەم دواییەی خودی نەوشیروان مستەفاو هەڵسوڕاوانی گردەکە چ بۆ سەر بنەماڵەی بارزانی و چ دەربارەی کێشەی نەوت و بەقاچاخفرۆشتنی، پەیامێکیان بە نەوشیرواندا کە مێژووی ئەو هیچ باشتر نەبووە لە مێژووی ڕەشی بنەماڵەی بارزانی، بۆیە باشتروایە ملبدات و بێدەنگ بێت، ئەگەر نا لەڕووی یاساییەوە نەوشیروان مستەفا بکوژی ئەو کەسانەیە کەناویان هاتووەو بارزانی و بنەماڵەش دەتوانن بەئاسانی کاکە نەوە ڕووبەڕووی دادگا بکەنەوە!!.

پاراستن پەردەی لەسەر کۆنە قین و ململانێی دەرون ڕەشی نێوان مەلا بەختیارو نەوشیروان مستەفا هەڵدایەوەو بەرگێکی نوێی بەباڵادا بڕی. پاراستن پەیامی جەرگبڕی خۆی لەڕێگەی لڤینەوە بۆ نەوشیروان مستەفاو هەڵسوڕاوانی نارد. نەوشیروان مستەفاو لێپرسراوانی گردەکە کڵاویان چوویە سەرو هەستیان بەوە نەکرد کە دەستی پاراستن لەپشت زیندوکردنەوەی مێژووی ڕەشی لێپرسراویەتی سەردەمی شاخیانەوەیە. بۆیە گردەکە بۆپەردەپۆش کردن، فشارخستنە سەر مەلا بەختیارو بێدەنگکردنی لەلایەن تاڵەبانیەوە ( بەبۆچونی گردەکە )، هەواڵی پلانی تاڵەبانی بۆ کوشتنی کۆسرەت ڕەسوڵ دەدەنە کوردستانپۆست و بڵاویدەکەنەوە!.

نهێنیە شاراوە گرنگەکانی نامەکانی مەرگ و پلانی کوشتنی کۆسرەت لەلایەن تاڵەبانیەوە

ئەوەی ئەو نامانەو هەواڵی پلانی کوشتنی کۆسرەت لەلایەن تاڵەبانیەوە، پێمان دەڵێن، ئەوڕاستیە کە لێپرسراوانی بەناو بزوتنەوەی شۆڕشگێرانەی گەلی ئێمە لە شاخ، جگە لە کۆمەڵێك کەسایەتی نەخۆش، ڕکوکینە لەدڵ، جگە لە کۆمەڵێك کەسی بێمۆراڵ، جگە لە کۆمەڵێك پیاو کوژو مافیا، جگە لەکۆمەڵێ بازرگانی خوێن، هیچیتر نەبوون. هۆکاری یەکەمی یاخی بوون و دانە شاخیشیان بۆ ئاشکرانەبوونی پلان و بەرنامەی ڕەشی تەسفیە حسابی شەخسی خۆیان بووە، نەك شۆڕش و بەرژەوەندی گەل. ئەوان ئێستا لەشارن و شەڕی دەسەڵات و سەروەت و سامان دەکەن، ئەوان ئێستا لە شارن و کۆتاییان بەشەڕی کۆنە قین نەهانیوە، ئەوان ئێستا لەشارن و دژی بەرژەوەندی گشتین، ئەوان ئێستا لە شارن و بیر لە خەڵك و چارەنووسی ناکەنەوە، بیر لە کەرکوك و ناوچە دابڕاوەکانیتر ناکەنەوە، ئەوان و ئەوان و ئەوان.... ئەی لەسەردەمی شاخدا، جگە لە مرۆڤکوشتن چ پیشەیەکیتریان هەبووە؟

15 - 9 - 2012