هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<December 2018>
SuMoTuWeThFrSa
2526272829301
2345678
9101112131415
16171819202122
23242526272829
303112345


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
پەیڤێک بۆ ئەو سپڵی لاورگانەی کە ئێمەیان دەکردە پیاوی مەلا بەختیار و ئازاد جوندیانی.. ڕۆژتان باش !


img9/23/2012 12:00:00 AM
کوردستانپۆست ئینفۆ:

پەندە فارسییەکەمان هەرگیز لە یادنەکردووە کە دەڵێت : " شاخ بە شاخ ناگات، بەڵام مرۆڤ بە مرۆڤ دەگات".

ئێستا، ئێمە پاش زیاتر لە ٢ ساڵ بە ستافە کۆیلەکەی نەوشیروانپۆست دەگەینەوە، کە بەهەق وەک کۆیلەی نەوشیروان مستەفا ناساندمان و خۆمان لێجوداکردنەوە.

 ئێمە لەو قەڵەمبەدەستە جیکەڵدانە بچووکانە نین کە لەژیر کاریگەری سۆزو هەستەکاندا بنووسین. هەروەها لەو قەڵەمە نەزۆکانەش نین کە لەژێر تەوژمی  جۆش و خرۆشی سیاسیی گەمژانەی گشتیدا بنووسین و ڕەخنە بگرین. ئیمە لەسەر هەر ڕووداو و دیاریدەیەکی سیاسیی و کۆمەڵایەتی ڕادەوەستین، لێکۆڵینەوەی ووردیان لەسەر دەکەین و پاشان ئەنجامگیرییەکانمان دەخەینە ڕوو. ئێمە لە لێکۆڵینەوەی دیاریدە و ڕووداوە  مێژوویی، سیاسیی و کۆمەڵایەتییەکاندا پشت بە میتۆدێک دەبەستین کە بە میتۆدی دیالیکتیکی ناسراوە. ئەو میتۆدە، میتۆدێکی زانستییە لە بواری کۆمەڵناسیدا. هەر شیکردنەوە و لێکۆڵینەوەیەکی سیاسیی، ئابوریی، مێژوویی و کۆمەڵایەتی، ئەگەر پشت بەو میتۆدە نەبەستێت، شیکردنەوەو لێکۆڵینەوەیەکی پووچە و ئەنجامگیری ڕاست و دروست بەدەستەوە نادات.

ئێمە لە هەمان سەرەتاکانی دروستبوونی بزووتنەوەی گۆڕانە ساختەکەی جەلال تاڵەبانی و نەوشیروان مستەفاوە، نووسیمان [دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌! ].  ئەمە قسەیەک نەبوو کە ئێمە لە گیرفانمانەوە فڕێی بدەین، بەڵکو ئەمە ئەنجامی لێکۆڵینەوەیەکی دیالیکتیکی دوورودرێژ بوو کە لەسەر کاراکتەری نەوشیروان مستەفا، کاراکتەری جەلال تاڵەبانی و مێژوویی سیاسیی ئەو دوو کەسە کردبوومان، بەڵام ئێوە بە فیتی نەوشیروان مستەفا و قادری حاجی عەلی، دەستتانکرد بە پلانگێڕان لەدژمان. سەرەتا سانسۆری بیروڕاکانی ئێمەتانکرد، لە ستافی کوردستانپۆستدا کودەتایەکی سیاسیتان لێکردین. بەوەشەوە نەوەستان و دەستتان بە جنێودانی بازاڕیانەکرد. لەوێشدا نەوەستان و جاسوسیتان لەسەرکردین بۆ نەوشیروان. بەمەشەوە نەوەستان و پەناتان بۆ درۆهۆنینەوە برد و زۆر بێشەرمانەو زۆر بێشەرەفانە درۆنامەیەکتان نووسی کە گوایە ئێمە بە فیتی ئازاد جوندیان و مەلا بەختیار لە ئێوە جودا بووینەتەوە و سایتەکەشمان بە پارەی مەلابەختیار دروستکردووە!.. بەڵام هەر ئەو کات پێمان وتن، ئێوە زەرەیەک ئەخلاق و شەرەفی سیاسیتان نییە، چونکە ئێوە خۆتان بە نەوشیروان فرۆشتووە و ئەوەشی کە دەیڵێن و نووسیوتانە، خودی خۆتان باوەڕتان پێی نییە، بەڵام وەک چەکێکی ژەنگاوی و ڕزاو لەدژی ئێمە بەکاری دەهێنن. هەر ئەوکات پێمان وتن " ئێمە پەلەمان نییە.. وەک دەڵێن کەروێشک بە عەرەبانە دەگرین.. ڕۆژێک دێت ئێمە، نەوشیروانی ڕابەرتان، قادری حاجی عەلی و تۆفیق ڕەحیمی ئاغاتان لە بەردەمی جەلال تاڵەبانی، ئازاد جوندیانی و مەلا بەختیاردا دەبینینەوە". ئێمە نەوشیروانمان لەبەردەم مەلابەختیارو هێرۆدا لە ڕۆژە خوێناوییەکانی ١٧ی شوباتدا دییەوە و ئەوەماندایەوە بە چاوتاندا، بەڵام ئێوە کە سروشتی قازتان هەیە، تەڕنەبوون و لە خۆتان نەگرت!.  ئێمە دەنگدانی نەوشیروانمان بە جەلال تاڵەبانی بۆ پۆستی سەرۆک کۆماری دیوە و هوهامان لێکرد، کەچی ئێوەی کۆیلە وەک نەعامە سەرتان بە ژێر پەڕوباڵتانەوەکرد و بەرامبەر بەو خیانەتەی نەوشیروان لە دەنگدەرانی لیستی گۆڕان فزەتان لیوە نەهات!.. سبەینێ.. بەڵێ سبەینێ، ئەو ڕۆژەیە کە ئێمە لە کۆتایی ساڵی ٢٠٠٩ و سەرەتای ٢٠١٠دا بۆ ئێوە و ئاغاکانتان پێشبینیمانکرد بوو!. سبەینێ ٢٤ سپتەمبەری ٢٠١٢ تاڵەبانی و نەوشیروان، ئازاد جوندیانی و مەلابەختیار و نەوشیروان پێڕە جەلالییە ساختەچییەکەی سەرگردەکە بە ئاشکرا دەستلەملان دەبنەوە.ئێوە ئەگەر زەڕەیەک ئەخلاق و شەهامەتتان هەبێت، دەبێت داوای لێبوردنمان لێبکەن.. نەک هەرداوای لێبووردن لە ئێمە، بەڵکو داوای لێبووردن لە خوێنەرانیش بکەن کە " کوردستانپۆستتان کردە نەوشیروانپۆست" و خزمەتێکی کۆیلانەتان بەو مرۆڤە ساختەچییە سیاسییەکرد..  گەر ئەوە ناکەن،کە نایکەن، ئەوە ئێوە جگە لە کۆمەڵێک کۆیلەی بێنرخی جەلال تاڵەبانی و نەوشیروان مستەفاهیچی دیکە نین و بەشێکن لە خیانەتەکانی نەوشیروان و جەلال تاڵەبانی لە خەباتی خەڵکی کوردستان بۆ ڕزگاری و عەدالەتی کۆمەڵایەتی.