هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
کاکە نەوە بڵقەکە تەقی .. کار شما هم تمام شد!


img9/27/2012 12:00:00 AM
کوردستانپۆست ئینفۆ:

ڕوونکردنەوەیەک: ئەم نووسراوەیە درێژەی هەمان نووسراوی " یەکێتی و گۆڕان یەکناگرنەوە؛ ڕیزبەندی تازەی مافیاکانی دەسەڵات و ئۆپۆزسیۆن"ە کە لەم بەشەدا بە هۆی  کۆبوونەوەکەی نەوشیروان مستەفاو جەلال تاڵەبانییەوە ناونیشانەکەیمان گۆڕیوە.

***

کورد دەڵێت پەتی درۆ کورتە.. درۆی گۆڕان و دەیگۆڕینەکەی  مامەو کاکە نەوە زۆر لەوە کورتر بوو کە ئێمە پێشبینیمانکرد بوو!.

ئێمە لەڕیزی وورد بینترین بینەرەکانی ئەو شانۆگەرییە کۆمیدییەدا بووین کە ناویان لێنا بوو " بزووتنەوەی گۆڕان ". ئێمە لەوە دڵنیا بووین کە ڕەوتی گۆڕانکارییەکانی جیهان و ناوچەکە زۆر لەوە خێراترو گەورەترن کە بتوانرێت بە فرت و فێڵ ئاڕاستەکانیان بگۆڕدرێت. ئێمە دەمانزانی کە کۆمەڵگەی کوردستان بە تووندی لەژێر کاریگەری تەوژمی گۆڕانکارییە ناوچەیی و جیهانییەکاندایە ئەو گۆڕانکاریانە دەمامکەکان لە ڕوخسارەکان هەڵدەماڵن. نەوشیروان و پێڕە گردنشینە جەلالییە هاوڕێکەی، کەسانێک بوون کە جەلال تاڵانی مامیان دەمامکی " ئۆپۆزسیۆن " و " گۆڕان "ی لەسەر کردن، بەڵام گەردەلولی گۆڕانکارییە سیاسیی، ئابوریی، کۆمەڵایەتی و ئایدیۆڵۆژییەکانی ناوچەکە و جیهان بەزوویی ماسکەکانی ڕوخساریانی دڕندا و سیمای " نەگۆڕبوون " و " جەلالی " بوونی ئەوانی دووبارە خستەوە پێش چاوی خەڵک.

ئەوە کێشەیەکی بنەڕەتی هەموو " سەردەمە شۆڕشگێڕانەکان " ، یان قۆناغەکانی " قەیرانی شۆڕشگێڕانە"یە کە تیاندا  نوخبە و دەستەو تاقمێکی سیاسیی دەسەڵاتخواز، پەیدا دەبن و بە  دروشمی فێڵبازانەیان، بە ئاسانی جەماوەر  فریو دەدەن و توڕەیی و ناڕەزایەتییەکانی خەڵک  لە دەسەڵات و دەوڵەت دەقۆزنەوە بۆ گەیشتن بە بە دەسەڵات و ئامانجە ئابوریی و سیاسییەکانیان. ئەم تراژیدیا ساسییە چەندین جار لە کۆمەڵگەی کوردستاندا دووبارە بۆتەوە، بەڵام کۆمەڵگەی کوردی ئەزمون و دەرسی لێوەرناگرێت.

 جەلالییەکان وەک  کۆمەڵێکی دەسەڵاتخواز و ئیدمان بوو بەدەسەڵات، زۆر باش لەو ڕاستییە تێگەیشتوون کە کۆمەڵگە لە ساتەوەختی ئەزمە شۆڕشگێڕانەکان و سەردەمەکانی شۆڕشدا، ئەقڵی وەلا دەنێت و توڕەیی دەخاتە جێگای ئەو. ئەوان لە ئیحتواکردنی هەست و نەستی شۆڕشگێڕانەی خەڵکدا ئەزمونێکی دەوڵەمەندیان هەیە. لە ساڵی ١٩٧٥ دا کاتێک کە بنەماڵەی بارزانی ئاش بەتاڵیان بە بزووتنەوەی ڕزگاریخوازنەی گەلی کورد کرد، جەلالییەکان هەلە مێژووییەکەیان قۆستەوە و خۆیان خستە بەرگی مارکسیزمەوە کە مۆدێ فیکری ئەو ڕۆژگارە بوو. لەو سەردەمەدا، ئاش بەتاڵ لەلایەک و گرتنەبەری سیاسەتی شۆڤێنیستانەی ڕژێمی بەعس  دژ بە خەڵکی کوردستان لەلایەکی دیکەوە، دوو فاکتەر بوون کە زەمینەی ناڕەزایەتییەکان و هەلومەرجی شۆڕشگێڕانەیان لە کۆمەڵگەی کوردستاندا لەبار دەکرد. جەلالییەکان تووڕە بوونی خەڵکی کوردستان لە ئاشبەتاڵی بنەماڵەی بارزانی و سیاسەتە داگیرکار و شۆڤێنیستەکانی بەعس قۆزتەوە بۆ ئەوەی کە لەسەرەتادا ببنە هێزی بێ مونافیس لە کوردستاندا و لە هەنگاوی دووەمیشدا بەدەسەڵات بگەن. لە ڕاپەڕینی ئازاری ١٩٩١یشدا، هەمان تاکتیکی ئیحتواکردنی هەستی شۆڕشگێڕانەی جەماوەریان بۆ گەیشتن بە دەسەڵات گرتەوە بەر و دواتر لە ئەنجامی پشتیوانی ئیمپریالیزمی ئەمریکاو ڕۆژئاواوە ئەوان بەدەسەڵات گەیشتن. بەدەسەڵاتگەیشتنی جەلالییەکان، هاوڕا بوو لەگەڵ تاڵانی سەروەت و سەرمایەی گشتی خەڵکی کوردستان و چەسپاندنی دەسەڵاتێکی بەعسیانە و دیکتاتۆرانەدا. بنەماڵەی بارزانیش، کە سەرێکی هاوکێشەی دەسەڵاتی بەعسیانە بوو لە کوردستاندا، لە جەلالییەکان دزتر و دیکتاتۆرتر  مامەڵەیان لەگەڵ خەڵکی کوردستانداکرد.

لە ساڵی ٢٠٠٥وە توڕەیی خەڵکی کوردستان ڕووی لەسەرەوەکرد، بەڵام ئەمجارە تووڕەییەکە نەک لە دەسەڵاتێکی دەرەکی و داگیرکەر، بەڵکو لە دەسەڵاتێک کە ساڵەهای ساڵ  بە قسە قۆڕەکانی " کوردایەتی"، " ڕزگاری کورد و کوردستان"، " یەکڕیزی گەل و نەتەوە"وە فریویدا بوون و قوربانی پێدابوون. تووڕەیی خەڵک لە دەسەڵاتی بەعسیانەی جەلالی و مەلاییەکان، ئەو مەترسییە بوو کە لەلایەن فێڵبازێکی وەک جەلال تاڵەبانی و نەوشیروان مستەفاوە بە باشی هەستی پێکرا بوو. جەلال تاڵەبانی دەبوو شانۆگەرییەک بەڕێ بخات تا بتوانێت بەر بە تووڕەیی خەڵکی کوردستان بگرێت و نەیەڵێت کار بگاتە ئەوەی کە دەسەڵاتی جەلالی و مەلایی لە بناغەوە هەڵتەکێنرێت. نەوشیروان مستەفا دەکاتە پاڵەوانی شانۆگەرییەکە!.

نەوشیروان مستەفا لە ساڵی ٢٠٠٦دا پەردەی یەکەمی شانۆکە بە نامەیەکی ناڕەزایەتی بەرامبەر سەرکردایەتی و بنکردایەتی یەکێتی دەستپێدەکات و کەسانێکی وەک عومەری سەید عەلی، حەمە تۆفیق ڕەحیم، سالار عەزیز و چەند جەلالییەکی خوێن سەوزی دیکەش، ئیمزای خۆیانی لێدەدەن. ئیمزاکەرانی نامەکە لەدایک بووی شاری سلێمانی و دەوروبەری ئەو بوون. بۆچی جەلال تاڵەبانی و نەوشیروان مستەفا، لە پەردەی یەکەمی شانۆگەرییەکەدا ئەو ئەکتەرانەیەن هەڵبژارد کە ڕەچەڵەکیان سلێمانی، یان دەوروبەری ئەو بوو؟ وەڵامەکە زۆر ڕوون و ئاشکرا بوو، چونکە:

 یەکەم / سلێمانی جەرگەی گەشەکردن و سەرهەڵدانی جەلالیزم بووە.

دووەم / جەلالیزم لە ساڵی ٢٠٠٥ پرۆسەی داڕوخانی خۆی لە سلێمانیدا دەستپێدەکات.

سێیەم/ ئەقڵی تەسکی سلێمانیپەرستی خەڵکی ئەو ناوچەیە ئەوەیە کە لە سیاسەتدا گوێ بۆ [ غەریبەکان و غەیرە خۆییەکان ] ناگرێت.

لەبەرئەو، سێ هۆکارە، دەبێت جەلالییەکان، هەمان ئەو جەلالییانە بکەنە ئەکتەری شانۆگەرییەکەیان کە ڕەچەڵکیان لە سلێمانیدایە. نەوشیروان مستەفا و پێڕەکەی، لەبەرگێکی نوێدا خۆیان تێكەڵ بە ناڕازیەتییەکانی خەڵکی سلێمانی بەرامبەر بە یەکێتی دەکەن. لێرەوە پەردەی دووەمی شانۆگەری " جەلالی بگۆڕە بۆ جەلالی ناڕازی لە دەسەڵاتی جەلالی " دەست پێدەکات. لە ساڵی ٢٠٠٧دا، نەوشیروان مستەفا، ئەم بەرگ گۆڕینە، لە ژێر خێمەی کاری ڕۆژنامەگەری و ڕۆشنگەریدا دەستپێدەکات. کۆمپانیای ووشە بە دەیان ملیۆن دۆلاری جەلال تاڵەبانی دادەمەزرێنێت. دەیان و سەدان نووسەر و زڕ نووسەری شڕەخۆر  لە خۆی کۆدەکاتەوە. کاری ئەمانە دەبێتە ڕەخنەی پەشمەکی لە دەسەڵاتی تاڵەبانی و بارزانی. لە پەردەی دووەمی ئەم شانۆیەدا هیچ قسەیەک لە " حیزب " و ڕێکخراوەی سیاسیی"، یان  ئۆپۆزسیۆن " بوون نییە. لە٢٨ی نیسانی ساڵی ٢٠٠٨دا، لەوەڵامی پرسیارێکی ڕۆژنامەی ڕۆژنامەدا، نەوشیروان مستەفا دەڵێت "ئێمه‌ نه‌ باڵین و نه‌ ئۆپۆزیسیۆنین، نه‌ حیزبین، ئه‌توانرێت پێمان بوترێ گروپێكی‌ ڕه‌خنه‌ گرن". نەوشیروان مستەفا لە ساڵی ٢٠٠٨دا تەنها جەلالییەکی ڕەخنەگری ساختەیە لە جەلالی!.. ئەو  نە ئۆپۆزسیۆنە، نە حیزبە و نە باڵێکی سیاسییە!. لە هاوینی  ساڵی ٢٠٠٨دا پەردەی دووەمی شانۆگەری " جەلالی بگۆڕە بۆ جەلالی ناڕازی لە دەسەڵاتی جەلالی " کۆتایی پێدێت و پەردەی سێهەم دەست پێدەکات. لەم بەشەدا،  نەوشیروان دەبێتە باڵێکی سیاسیی!. پاش لە بەڕێخستنی چەلەحانەیەکی کۆمیدی لەگەڵ مەلا بەختیار و ئەرسەلان بایزدا، نەوشیروان خۆی ئامادە دەکات بۆ هەڵبژاردنە پەرلەمانییەکانی ٢٠٠٩ و خەریکی دروستکردنی لیستێکی سیاسیی دەبێت!. پێش لەوەی پەردەی چوارەمی شانۆگەرییەکە دەستپێبکات، نەوشیروان بەو چەلەحانێییە لەگەڵ دوو جەلالی غەیرە خۆیی [ غەیرە سلێمانی ] لە تەلی هەستیاری خەڵکی [ شارە حەیاتەکە ] دەدات و هەموو گەندەڵی و دیکتاتۆری دەسەڵاتی یەکێتی بەسەر سلێمانی و ناوچەکانی دەوروبەریدا لە کەسانێکی وەک مەلا بەختیار و ئەرسەلان بایزدا بەرجەستە دەکاتەوە. نەوشیروان مستەفا بەو کارە فێڵبازانەیەی، ئەوە لە بیر خەڵکی سلێمانی دەباتەوە کە دەسەڵاتی جەلالی، تەنها بریتی نییە لە دەسەڵاتی دوو کەسی جەلالی غەیر خۆیی!... بەمحاڵەوە، پەردەی چوارەمی شانۆگەرییەکەی جەلال تاڵەبانی و نەوشیروان دەستپێدەکات و شانۆکەش فروانتر لە سلێمانی دەبێتەوە. کۆسرەت ڕەسوڵ، بەرهەم ساڵح، هێرۆ ئیبراهیم ئەحمەد، قادری حەمەجان، عیماد ئەحمەد و عومەر فەتاح و دواتریش خودی جەلال تاڵەبانی دێنە سەر شانۆکەوە. ئەو میدیا زەبەلاحە ئاشکرا و نهێنییە، کە بە دەیان ملیۆن دۆلاری خودی تاڵەبانی، لەلایەن نەوشیروانەوە بنیاتنرابوو، دەخرێتە گەڕ بۆ دژایەتییەکی کۆمیدی لەگەڵ یەکتریدا. میدیا زەبەلاحەکەی نەوشیروان بە جۆرێک ڕووماڵی بە حساب ناکۆکییەکانی جەلالییەکانی سەرگردەکە و جەلالییەکانی قەڵاچوالانیان دەکرد، کە لە ڕوانگەی گەمژەکانەوە وا دەبینرا ناکۆکی گەلێکی ڕاستی بن !..بەڵام لە دیدگای کەسانی هوشیارەوە ئاشکرا بوو کە ئەوە ئاڵۆزترین بەشی شانۆگەرییەکە بوو. ئەگەر جەلالییەکانی سەر گردەکەو قەڵاچوالان ئەو بگرەو بەردە و هاشو هوشە ئیعلامیە ناوەرۆک بۆشەیان لەدژی یەکتر بەڕێنەخستبایە، بەشەکانی دواتری شانۆگەرییەکە ئیمکانی نمایشکردنیان نەبوو. لەبەرئەوە، دەبوو هەرایەکی ئیعلامی ئەوتۆ ساز بکەن کە لە سایەیدا چەند ئامانجی  گەورەتر بەدیبهێنن :

١. هێرشی ڕاگەیاندنی جەلالییەکانی سەرگردەکەو قەڵاچوالان بۆ سەر یەکتری لە پێش هەڵبژاردنەکاندا، زەمینەی ئەوەی ڕەخساند کە سەرنجی گشتی خەڵک بەرەو ململانێ خێزانییە جەلالییەکان ڕابکێشرێت.

٢. سەرنجڕاکێشانی خەڵک بۆ ناکۆکییە دەستکرد و ساختەکانی ناو خێزانی جەلالییەکان، بووە هۆی ئەوە کە کەش و هەوایەکی سیاسیی ئەوتۆ بخوڵقێنن تا لە سایەی ئەودا خەڵک سەرنجی بچێتەوە سەر سیاسەت و حیزبایەتی. ئامانجی جەلالییەکان لەم سەرنجڕاکێشانەوەیەی خەڵکی کوردستان بۆسەر مەسەلەی حیزبایەتی و سیاسەت، کە لە ساڵی ٢٠٠٥وە خۆی لێبەدوور دەگرت و نەفرەتی لێدەکرد، بە ئاسانی ئامانجێکی گەورەتری بەدیدەهێنا کە بریتی بوو لە ئەکتیڤکردنەوە پرۆسەی کیسەڵی هەڵبژاردنەکان و لە دوایشدا کۆکردنەوەی دەنگە ناڕازییەکانی جەماوەر وخنکاندنی  لە سندوقەکانی دەنگداندا.

٣- کۆکردنەوەی دەنگە ناڕازییەکانی سلێمانی، هەولێر، کەرکوک و دهۆک لە دەسەڵاتی جەلالی لەلایەن نەوشیروان و باندە جەلالییەکەیەوە و ڕێگاگرتن لەوەی کە ئەو دەنگانە بچنە گیرفانی پارتی، یەکگرتووی ئیسلامی و کۆمەڵی ئیسلامییەوە.

ماویەتی ....

بۆ خوێندنەوەی بەشی یەکەم کڵیکی ئێرە بکە