هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
خەڵك شەرعیەتی بەتۆ نەداوەو لە سەدا هیچی میللەت لەگەڵ تۆدایە - وەڵامێك بۆ مەسعود بارزانی


img9/30/2012 12:00:00 AM
وەحید ئەمین:

مێتۆدی بێشەرمی و بێئابڕویی خودی مەسعودو بنەماڵەکەی لەوەشدا ڕەنگی داوەتەوە کە لەڕێگەی پلان، ڕێکەوتن، دەستێوەردان و لەهەڵبژاردنەکان و پشتبەستن بە داگیرکەران و دوژمنانی گەل و نیشتمان، دەستیان بگاتە کورسی دەسەڵات لە کوردستان و لەدەریشەوە ڕێگەی خیانەتی گەیشتنە دەسەڵاتیان بە هەڵبژاردنیان لەڕێگەی دەنگی ڕاستەوخۆی خەڵکەوە پەردەپۆش بکەن. بێباکی و کوێربوونی تاڵەبانی لەبەرانبەر لەدەستدانی بەرژەوندی گشتی و دەستکەوتەی پێگەو پایەی تەشریفاتی بێهونەری خودی خۆی لە بەغدا، لەلایەك پلانی ڕێکەوتن و دەستێوەردانی هەڵبژاردنەکانی خستە بواری پراکتیکەوەو بارزانی گەیاندە بڵندترین هەڕەمی دەسەڵاتی هەرێم و گەوجێتی، ناهوشیاری و دەركنەکردنی بەناو ئۆپۆزسیۆن، بەتایبەتی نەوشیروان و گردەکە بە سنوری ترسناکی دەسەڵاتەکانی هەڵبژاردنی سەرۆك بەدەنگی ڕاستەوخۆی خەڵك تا بە دیکتاتۆر گەیاندنی لەلایەکیترەوە، کوردستانی بەم قۆناغەی ئێستا گەیاندووە.
پێش هەڵبژاردنەکانی 25 ی تەموزی 2009 ، ئێمە لەوتارێکدا لەژێر ناونیشانی ( مەترسی بێسنوری دەسەڵاتەکانی سەرۆکی هەرێم لەڕێگەی هەڵبژاردنی خەڵکەوە ) لەکوردستانپۆستی ئەو کاتەدا بڵاوکردەوە( بەداخەوە من لینکی ئەو وتارەم لە ئەرشیفی خۆمدا نەپاراستووەو پاش دەستلەکارکێشانەوەشم لە ستافی کوردستانپۆستی ئەوسادا، سوپاس بۆ بەڕێوەبەرانی ئەو ماڵپەڕە کە ئەرشیفەکەیان ئەنفالکردووم ) و زۆر بەوردی ئاماژەمان بە مەترسی بێسنوری دەسەڵاتەکانی هەڵبژاردنی سەرۆك لەلایەن خەڵکەوەو بەپلانی ڕێکەوتنی بارزانی و تاڵەبانی بگوێدانە بەرژەوەندیەکانی خەڵك، دابوو. هەروەها ئاماژەم بەوەش دابوو کە ئەرکی نیشتمانی ونەتەوەیی ئەو قۆناغەی ئەوکاتە، بایکۆتکردنی ئەو هەڵبژاردنەو دەنگنەدانی خەڵکە بە بارزانی.

ئێستاش پاش زیاتر لەسێساڵ لە هەڵبژاردن، پاش بەبنەماڵەکردنی ڕێژەیەکی گەورەی نیشتمان، پاش دزین و لوشدانی تەواوی داهاتی کوردستان لەلەیەن بارزانیەوە، پاش دورینی کڵاوێك لەجەمەدانی سورو دانانی لەسەر تاڵەبانی، واتازە خەریکە لەخەو ڕادەچڵەکێت و لەگەڵ هاوخەبات و هاوڕێبازە 40 ساڵیەکەی هەست بە ترسناکی سنوری دەسەڵاتە ڕەهاکانی بارزانی و بنەماڵەکەی دەکات و دەوێت لەڕێگەی بەپاڕلەمانکردنی هەڵبژاردنی سەرۆکایەتیەوە، بۆ بەرکەوتەی پشکێکی گەورەتر لە داهاتی دزراوی خەڵك، فشار بخاتە سەر بارزانی و سنوری دەسەڵاتەکانی سنوردار بکات!!

مەسعود بارزانی لەوەڵامی پرسیاری ( بەلای مەسعود بارزانیەوە جیاوازی چیە لە نیوان هەڵبژاردنی بارزانی لەساڵی 2006 دا لەلایەن پاڕلەمان و هەڵبژاردنی بارزانی لەساڵی 2009 دا لەلایەن دەنگی ڕاستەوخۆی خەڵکەوە؟ ) گۆڤاری Lessentiel ی فەڕەنسی دیدارێکی لەگەڵدا کردوە، وتی:" لە نێوان هەردوو هەڵبژاردنەکەدا، ئەوەی پەیوەندی بە دەسەڵاتەکانی سەرۆکی هەرێم هەبێت کە بەپێی یاسا دیاریکراون، هیچ گۆڕانکاریەک نییە. کاتێک داوام لێکرا خۆم بۆ سەرۆکی هەرێم هەڵبژێرم بە پەرلەمان و لایەنەکانم گوت ، ئامادەم خۆم هەڵبژێرمەوە ئەگەر بە دەنگدانی راستەوخۆ بێت، بەڵام ئەگەر هەڵبژاردنی سەرۆک لەلایەن پەرلەمانەوە بێت، پێم باشە کەسێکی دیکە هەڵبژێرن. مەبەستم بوو بزانم لە ناو میللەتەکەم چەندە پشتگیریم لێ دەکرێت، نەک تەنها لەلایەن ئەندامانی پەرلەمان. دەمویست بزانم چەند لە سەدی میللەتەکەم لەگەڵ هەڵبژاردنی منن و چەند لەسەد لەگەڵدانین. دەنگدانی ئەندامانی پەرلەمان، رەنگە بە هۆی هەندی ئیعتیبارات بێت، بەڵام دەنگدانی راستەوخۆی میللەت وانییە. من ئەو شەرعیەتەم دەویست کە لە خەڵکەوە بێت - لینکی دیدارەکەیە بە زمانی ئینگلیزی

http://www.essentiel-int.com/template.asp?page=LISTE&idrubrique=3 “. سەرەتا ئەبێ ئاماژە بەوە بدەین کە مێژووی ڕەشی 60 ساڵەی خیانەتی بارزانی و بنەماڵەکەی هیچ بوارێکیان بۆ ئەوە نەهێشتبوویەوە کە لە 2006 داخەڵك داوا لە بارزانی بکات بۆ ئەوەی خۆی کاندیبکات بۆ سەرۆکایەتی هەرێم، بەڵکو جگە لەخواستی خۆسەپێنەرانەی خودی بنەماڵە، ئەوە ڕێکەوتنی نێوان تاڵەبانی و بارزانی بوو کە تاڵەبانی بۆ بەغداو بارزانیش بۆ کوردستان خۆیان ئامادە بکەن. لەبەر ئەوەی بەدرێژایی 60 ساڵەی تەمەنی بارزانی و بنەماڵەکەیشی هەر یاخی بوون، هەر مافیا بوون، هەر دژی خەڵك و بەرژەوەندیەکانی بوون، هەر خەریکی خیانەت و کلکگرێدان بوون لەگەڵ دوژمنانی گەل، هەر کێوی بوون بە ژیانی شارستانی و ئیداری ئاشنا نەبوون، بۆیە ئەوکات نە بەسنوری دەسەڵاتەکانی سەرۆك، نە بەئەرك و فرمانەکانی سەرۆك و نە بەکاریگەری هەڵبژاردنتان لەلایەن پاڕلەمانەوە ئاشنا بوون، ئەگەر نا ڕازیبوونتان لە بەرزی مێتۆدو ئاستی تێگەیشتن و تێڕوانینی بارزانی نەبوو . کاتێکیش لە مومارەسەکردنی لێپرسراویەتی سەرۆکایەتی هەرێم لە خولی یەکەمدا، بەشێوەیەك لەشیوەکان هەستتان کرد کە دەسەڵاتی پاڕلەمان لە ڕووی یاساییەوە لەسەرو دەسەڵاتەکانی بنەماڵەو بارزانیەوەیە، ئیتر بۆئەوەی بوارێك بۆ یاساش نەمێنیتەوە کە چاودێریتان بکات یان لێپێچینەوەتان لەگەڵ بکات، کە سنور بۆ بێسنوری دەسەڵاتەکانتان دابنێ، کە گەل و نیشتمانیش بکەنە کۆیلەو پارێزەری بارزانی، کە بەرنامەی هەرزانفرۆشی نەوت و دزینی داهاتەکە بخەیتە بواری جیبەجێکردن و بۆ بارزانی بەڕەوا بناسیت، پێتان لەسەر هەڵبژاردنتان لەلایەن دەنگی ڕاستەوخۆی خەڵکەوە داگرت.
خودی بارزانی ئەساو ئێستاش زۆر باش ئەو ڕاستیە دەزانێت کە لەسەدا هیچ، بەڵێ هیچی میللەت لەگەڵ ئەوەدا نەبوو کە دووبارە بارزانی ببێتە سەرۆکی هەرێم جگە لە کۆیلەکانی بنەماڵە، ئەوەش یان لەترسا یان لەبەر بەرکەوتی دەستکەوتی زیاتر. خودی بارزانی باش ئەو ڕاستیە دەزانێت کە بارزانی هیچ شەرعیەتێکی لە دەنگی هەڵبژاردنی ڕاستەوخۆی خەڵکەوە دەست نەدەکەوت جگە لە دیکتاتۆریەت و بێسنوری دەسەڵاتەکان. کەچی ئێستا هاتووەو لەیەکێك لە پێشکەوتووترین و دیموکراسیترین وڵاتانی ئەوروپا ( فەڕەنسا ) دا، خەریکی درۆو چەواشەکاریە لەگەڵ دوو ڕۆژنامەنوسی بەناوبانگی فەڕەنسی ( دیمیتری فریدمان و پیەر لیبیلەر ) کە لە یەکێك لە گۆڤارە بەناوبانگەکانی وڵاتی فەڕەنسا ( Lessentiel ) کە بە 3 زمانی فەڕەنسی، ئینگلیزی و ڕوسی دەردەچێت، کاردەکەن.

ئەوەی جێی ئاماژەو هەڵوێستە لەسەرکردنە ئەو درۆ شاخدارەی بارزانیە کە دەڵێت  "ئەگەر هەڵبژاردنی سەرۆک لەلایەن پەرلەمانەوە بێت، پێم باشە کەسێکی دیکە هەڵبژێرن" . بەڕاستی مێتۆدی درۆو بێشەرمی ئێوە، لەگەڵتاندالەدایك بووە ئەگەر نا ئەکرێت بارزانی پێمان بڵێت کە کەی، چۆن، لەکوێ و کێ ئاگاداری ئەو ڕاگەیاندنەیە یان بەڵگەو پروڤێکی هەیە بۆ پشتگیری ئەو چەواشەکاریانەی کە لەفەڕەنسا کردویەتی؟

ئەبێ بنەماڵەی بارزانی باش ئەو ڕاستیە بزانن کە قۆناغی خەوبینینی دروستکردنی پەیکەرێکی شکۆداری تەزویر لەسە خوێنی کۆمەڵانی خەڵك، گوزەشت!.

27 - 9 - 2012