هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<October 2018>
SuMoTuWeThFrSa
30123456
78910111213
14151617181920
21222324252627
28293031123
45678910


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ئەورپا ئاسۆیەکی ڕوونی بۆ ڕزگار بوون لە قەیرانی ئابوریی لەبەردەمدا نییە!


img11/1/2012 12:00:00 AM
کوردستانپۆست ئینفۆ:

لە ساڵی ٢٠٠٨وە وڵاتانی ئەوروپایی بەگشتی و وڵاتانی ناوچەی یۆرۆ بە تایبەتی، بە ناخی قەیرانی ئابورییدا ڕۆدەچن و بەچەند مانگ جارێک، دەوڵەتێکی ئەوروپی مایە پووچ دەبێت. دەوڵەتەکانی یۆنان، ئیسپانیا، پورتوگال، ئیتاڵیا، بەریتانیا،ئایسلاندو ئیرلەندە یان مایە پووچ بوون، یان لە لێواری مایەپووچیدان. ئەم سونامییە ئابورییە هەڕەشە لە یەک بەیەکی وڵاتانی ئەوروپایی دەکات. ئەوەی کە دەبێتە قوربانی ئەم قەیرانە ئابورییەی ئەوروپا، چینی کرێکار و توێژە کەمدەرامەدەکانە. تازەترین سەرژمێرییەکانیش  ئاماژە بەوە دەکەن کە ڕێژەی بێکاری  لە ئەوروپادا گەیشتۆتە ١٨،٥ ملیۆن، کە ئەم ژمارەیە لە ١٧ ساڵی ڕابردوودا بێ وێنە بووە.

قەیرانی ئابوریی ئەوروپا، لە گشتییەتی خۆیدا قەیرانی ئابوریی شێوەی بەرهەمێنانی سەرمایەدارییە. چوار فاکتەری سەرەکی ڕۆڵی سەرەکیان لە خوڵقاندنی قەیرانی ئابوریی ئێستای یەکێتی ئەوروپادا هەیە:

١- قەیرانی دارایی ئەمریکا و گواستنەوەی بۆ ئابوریی یەکێتی ئەوروپا.

٢- گەشەی تەکنەڵۆژی و کەڵەکەی سەرمایە مالی و بەگەڕخستنی سەرمایەکان لە بۆرسەبازیدا.

٣- گەشەی ئابوریی و تەکنەڵۆژی چین، هیندستان، بەرازیل، ڕوسیا و چەند وڵاتێکی باکور و باشوری خۆرهەڵاتی ئاسیا.

٤- بەهۆی خاڵی سێیەمەوە، تێکچوونی پارسەنگی بازرگانی و کەمبوونەوەی ڕێژەی هەناردەی کاڵان لە ئەوروپاوە بۆ بازاڕی جیهانی.

قەیرانی ئابوریی ئێستای ئەوروپا، کە خۆی لە کورتهێنانی بودجە و کەمی سەرمایەی نەقدیدا دەردەخاتەوە، لە ڕاستیدا قەیرانێکی بنەڕەتی شێوەی بەرهەمهێنانی سەرمایەدارییە. قەیرانێکە کە یاسا کوێرەکانی بازاڕ بەسەر ئەم شێوە بەرهەمهێنانەدا دەیسەپێنێت. بازاڕ مەیدانی ململانێی توێژە جیاجیاکانی سەرمایەیە. ناکۆکی و ململانێی سەرمایەدارەکان لەسەر داگیرکردن و بوونە ئیمپراتۆری بازاڕ، ناکۆکییەکی هەمیشەییە و ئەم ناکۆکییە لە سەردەمی قەیرانەکاندا تووندتر دەبێتەوە. سەرمایەدارانی ئەوروپا، ئەو تواناییەیان لە دەستداوە کە تەنها خۆیان مۆنۆپۆڵی بازاڕە جیهانییەکان بکەن. لە بەرامبەر ئەواندا، ڕەقیبە نوێیەکان سەریانهەڵداوە و بەم هۆیەشەوە، سەرمایەداری پیری ئەوروپا توانای ململانێی سەرمایە ئاسیاییەکانیان لەسەر داگیکردنی بازاڕ لەدەستداوە. بۆیە ئێمە پێشبینی دەکەین کە قەیرانی ئابوریی ئەوروپا قوڵتر و فراونتر بێتەوە.

ئەو سیاسەتە ئابورییەی کە ئێستا سەرمایەداری ئەوروپا گرتویەتەبەر، واتە سیاسەتی دەستپێوەگرتن، یان تەقەشوف، سیاسەتێکی ئابوریی تەواو شکستخواردووەو قەیرانی ئابوریی ڕژێمی سەرمایەداری ئەوروپا قوڵتر دەکاتەوە، چونکە هەتا خەڵک توانای کڕینی بهێنرێتە خوارەوە، هەم بودجەی دەوڵەت [ بە لەبەرجاوگرتنی ئەوە کە یەکێک لە سەرچاوەکانی دەرامەدی دەوڵەتانی ئەوروپا باجدانانە لەسەر کارو کاڵا سەرەکییەکانی ژیان ] کەمتر دەکات و هەم بازاڕی کاڵا سەرەکییەکانیش دووچاری ڕکودی زیاتر دەبن. لەبەرئەوە، ئەحمەقانەترین سیاسەتی ئابوریی دەوڵەتانی سەرمایەداری ئەوروپا بۆ دەربازبوون لە قەیرانی ئابوریی ئێستایان، هەمان سیاسەتی  تەقەشوفەکانە، کە لە درێژەی خۆیاندا دەگۆڕێن بە نائارامی سیاسیی و تەنانەت ڕاپەڕینی جەماوەریش.