هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<June 2018>
SuMoTuWeThFrSa
272829303112
3456789
10111213141516
17181920212223
24252627282930
1234567


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ڕۆژنامەی ئۆمانیتە : ڕوسیای نوێ لە سەردەمی پوتیندا قەوارە دەگرێت


img11/7/2012 12:00:00 AM
ئۆمانیتە:

ژان جرۆ نیمۆ، مامۆستای زانکۆی " گرۆنۆبڵ "ی فەڕانسە و نووسەری " هزری ستراتیژی ڕوسیا " بڕوای وایە سەرۆک کۆماری نوێی ڕوسیا، ڕوسیای گەورە بە هێزێکی ئورئاسیایی دەزانێت کە دەبێت لەو چوارچێوەیەدا لە بەرژەوەندییە نەتەوەییەکانی خۆی بەرگری بکات . نیمۆ لە گفتوگۆیەکیدا لەگەڵ ڕۆژنامەی ئۆمانیتەدا ئاماژە بەو تەوەرانە دەکات کە ڕوسیای سەردەمی پۆتین، خۆی لەسەر بینا دەکاتەوە. ئێمە کە دەمانەوێت لە ململانێێ نێوان ڕوسیاو ناتۆ تێبگەین، وەرگێڕانی ئەم بابەتەمان بە پێویستزانی، لە ژێر ئەم وەرگێڕانەشدا، دەقی وتارێکی فلادمیر پۆتینی سەرۆک کۆماری ڕوسیا بڵاو دەکەینەوە کە لە گەرماو گەرمی هەڵبژاردنەکانی ڕوسیادا دەربارەی سیاسەتی جیهانی نوێی کرملین نووسیویەتی . وتارەکەی پوتین لەلایەن بەشی فارسی دەزگای هەواڵدەری " نۆڤۆستی " ڕوسییەوە کراوە بە فارسی.

کوردستانپۆست ئینفۆ

ئۆمانیتە : ئەولەویەتەکانی پوتین لە سیاسەتی نێودەوڵەتی ڕوسیادا چییە ؟

 ژان جرۆ : ئەولەویەتەکان بریتین لە بەرگریکردن لە ڕوسیا وەک زلهێزێکی ئۆرئاسیایی و کشان بەرەو وڵاتانی سەربە یەکێتی سۆڤیەتی پێشووە . . ئێستا پوتین تێدەکۆشێت سیاسەتی " ستراتیژی دەسەڵات "، کە لەسەر بنچینەی گەشەی ئابوریی و سەربازی، بەتایبەتی لەسەر " هێزی ئەتۆمی" دامەزراوە، پیشانبدات . مەیلی سیاسیی پوتین، بەتایبەتی نفوزی ئابوریی و سیاسییە لە وڵاتانی سۆڤیەتی پێشوودا کە دەکرێت ئەوە بە هەمان سیاسەتەکانی پرۆستریکای گورباتچۆف بزانرێت . پوتین دەیەوێت سیستەمی جیهانی هاوسەنگتر بکات و لەسەر ئەم بناغەیەشەوە پەیماننامە ئابوریی، لەوانەشە سیاسییەکان لەگەڵ چین و هینددا فراوانبکاتەوە و وەک سیمبوڵێکی دیموکراتی و " فرەیی " جەخت لەسەر ڕۆڵی نەتەوەیەکگرتووەکان بکات.

ئۆمانیتە :  لەکاتێکدا ئۆباما خۆی بۆ کێبڕکێی هەڵبژاردنەکان ئامادە دەکات، تێڕوانین خەڵکی ڕوسیا بۆ  پەیوەندییەکانی نێوان ئەمریکاو ڕوسیا چییە ؟

ژان جرۆ : ئەمڕۆ ڕوسیا هەست دەکات کە لەڕابردوو بەهێزترە و گومانیشی تێدا نییە کە پەیوەندییەکانی لەگەڵ ئەمریکادا دژوارتر دەبێت . هەڵبەت فلادمیر پوتین بڕوای وایە کە پاش لە هەڵوەشانەوەی سۆڤییەتی پێشوو، هێزی ڕوسیا زۆر کەمبۆتەوە . ئەو دەیەوێت لە سەر سێ مەلەفی گرنگ و بنچینەیی لەبەرامبەر ڕۆژئاوادا بوەستتێتەوە . قەڵغانی بەرگرگری موشەکی ناتۆ، بێسەرەوبەرەیی و پشێوی لە ئەفغانستان و بنبەستی سوریا . ڕوسیا ئۆمێدەوارە کە کۆمەڵگەی نێودەوڵەتی سیاسەتەکانی ئەو دەرک بکەن و سەرنجیان بدەنێ .
زیاتر لەوانە، ڕوسیا " ئاسایشی نەتەوەیی " خۆی لە مەترسیدا دەبینێتەوە. لەسەر بناغەی ئەمەوە، ڕوسیا ئومێدەوارە کە  یەکەم، ئەمریکا چاوپخشێنێتەوە بە سیاسەتەکانی ناتۆدا کە لەسەر تەوەرەی " دژی ڕوسی " ڕاوەستاوە و مانایەکی نییە جگە لە گەمارۆدانی موشەکی ڕوسیا و ئەمەش ئاسایشی نەتەوەیی ڕوسیا دەخاتە مەترسییەوە . دووەم، میحوەری  سیاسەتی ئەمریکا لە ئەفغانستاندا کە لە ژێرناوی " قەڵاچۆکردنی مادە بێهۆشکەرەکان و ڕووبەڕوو بوونەوەی تیرۆریزم"دا، کە لەڕاستیدا بۆ بەرگرتن بە پەیوەندییەکانی ئەفغانستانە لەگەڵ وڵاتانی سۆڤیەتی پێشوودا . سێیەم، ڕوسیا خوازیاری گرتنەبەری سیاسەتێکی هاوسەنگترە لەپەیوەند بە کێشەکانی ڕۆژهەڵاتی ناوەڕاست و لەوانەش کێشەی سوریا بۆ بەرگرتن بە نائارامی لە ناوچەکەدا . بەشێوەیەکی گشتی ڕوسیا بەدوای بەرگریکردنەوەیە لە جێگاوشوێنی خۆی لە بەرامبەر مەیلە فراونخوازەکانی دەسەڵاتی ئەمریکا لە ناوچەکەدا و تامەزرۆی پاراستنی فەزای مێژوویی لەدەستچووی خۆیەتی. لەم چوارچێوەیەدا، ڕوسیا تێدەکۆشێت کۆنترۆڵی ناوچە سنورییەکانی خۆی بۆ جێگیرکردنی دەسەڵات و بەهێزکردنی خۆی لە ڕێگای پێکهاتەی ئابوریی بە کۆمەڵی سیاسیی و سەربازی، بە هاوکاری ڕێکخراوی شانگهای فەراهەم بهێنێت .


تێبینی: لە دووجار هاککردنی کوردستانپۆست ئینفۆدا ئەم بابەتەش سڕابوویەوە. لەبەر گرنگی بابەتەکە دووبارە بڵاومانکردەوە.

وەرگێڕانی بۆ فارسی : آذرفریتاش

٣-٦-٢٠١٢
وەرگێڕانی بۆ کوردی : کوردستانپۆست ئینفۆ