هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<August 2018>
SuMoTuWeThFrSa
2930311234
567891011
12131415161718
19202122232425
2627282930311
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
مانگرتنی زیندانیان و بەرخودانی جەماوەریی باكوور و چەند سەرنجێك


img11/10/2012 12:00:00 AM
خەمی نان و خەونی ئازادی :

مانگرتنی زندانیانی باكوور، بەرخودانی جەماوەریی فراوانی ھەڵخڕاند، بەڵام مەزنی خەباتێكی ئاوا ناكاتە ئەوەی كە سۆزی نەتەوەیی نابینامان بكات و نەوێرین پەنجە بخەینە سەر لاوازییەكانی. بەداخەوە نووسەرانی كورد ئەم پرسەشیان وەك پرسی فێمینیزم لێكرد و ئایینئاسا كەوتنە پیاھەڵدانی و خەریكن بوار بۆ ھەڵسەنگاندن و ڕەخنە ناھێڵنەوە. بەبۆچوونی من ھەر ئەم دیاردەیەی پیرۆزكردنە، كە ھەموو ھەوڵەكان لەباردەبات، چونكە دەرگە بەڕووی ڕەخنەدا وەك بەردەوامی و ژیانبەخشین پێیان، دادەخات.

بەبۆچوونی من ئەم بزاڤە لە كڕۆكیدا ھەڵگری دوو لاوازی یا كڕمۆڵیییە :

یەكەم، سەرۆكپەرستی، كە بەپێی ئاڵوگۆڕە ھزرییەكانی خودی ئۆجەلان، دەبوو ئەو (ئۆجەلان) بەخۆی ڕەخنەی پەیگیرانەی لەو بەندەی داخوازینامەكەی زیندانیان بگرتایە. چونكە سەرەرای دابڕكردنی ئۆجەلان بەتەنیا، ھێشتاكە باری شوێن و ژیان و دەسەبەریی ڕۆشنبیریی و زانیارییەكان (پەرتووك و پەیوەندی)ی ئەو لە زۆربەی زیندانیان بەگشتی و زیندانیانی كورد بەتایبەتی باشترە، كەچی زیندانیانی مانگرتوو لەبری ئەوەی داخوازی باشتركردن و ئازادكردنی گشت زیندانیانی سەرتاسەری توركیە بەرزبكەنەوە، ئامانجەكەیان لە ئازادی و باشتركردنی باری 'ئۆجەلان'دا كورتكردووەتەوە. ئەگەر زیندانیانی مانگرتوو پێیوانوایە، كە ڕێوشوێنی خۆیان لە ھی ئۆجەلان باشترە، با داوای گۆڕینەوەی شوێنی خۆیان لەتەك شوێنی ئەو بكەن!!

دووەم، ئەگەر داخوازییەكەیان بۆ ئازادكردن و باشتركردنی ڕێوسوێنی گشت زیندانیانی توركیە بووایە، ئەوا بە دڵنیاییەوە ھەم پشتیوانی زیاتری جیھانی و ھەم ھاوخەباتی سەرتاسەری نێو توركیەیان بەدەستدەھێنا. چونكە لە ٢٠ ساڵی رابوردوودا زیندانەكان توركیە، بەردەوام مەیدانی خەباتی زیندانیان بوون. ھەر لەو ڕێگەیەوەش دەیانتانی سەرنجی كەسوكاری زیندانیانی توركزمان و بەشەكانی دیكەی توركیە بۆ خەباتی ڕزگاری نەتەوەیی كورد ڕابكێشن.

لەوانەش خراپتر، ئەوەیە، كە ھەمان بیركردنەوە و سەرۆكپەرستی جاران كە ئەندامانی (پ.ك.ك)ی بە خۆسووتاندن لەپێناو سەرۆكدا ناچار دەكرد، ئەمرۊ لە زینداندا درێژەی ھەیە و زیندانیان ناجار بە خۆقوربانیكردنەوە لەپێناو سەرۆكدا دەكات، وەك وتم ئەمە پێچەوانەی ئاڵوگۊرە ھزرییەكانی 'ئۆجەلان'ە، كە پاگەندەی بزاڤی كۆمەڵایەتی و ئابووریی پشتبەستوو بە ڕێكخستنی ئاسۆیی یا لەخوارەوەڕا دەكات.

بەلام سەرەرای ئەو لاوازییانەش، ھێشتاكە ھیوایەك ھەیە، كە جڵەوی بزاڤەكە لە دەستی پارت و ڕێكخراوە رامیارییەكان دەربچێت و پرسەكان و ئامانجەكان لە كلێشەی ڕامیارییەوە بگۆڕدرێن بە پرس و ئامانجی كۆمەڵایەتی وەك پێشمەرجی شۆرشی كۆمەڵایەتی، كە ئامانجەكانی خەڵك بە دەستی خودی خەڵك كەتواریی دەكاتەوە، شۆڕشێك لە پایینی كۆمەڵگەوە بەرەو روخاندنی ھەموو پێكھاتە سەروو خەڵكییەكان (ھیرارشییەكان) لەپێناو ڕێكخستنەوەی كۆمەڵگە لەسەر بنەماكانی ئازادی و یەكسانی تاك و دادپەروەریی كۆمەلایەتی

لە فەیسبوک لاپەڕەی خەمی نان خەمی ئازادی وەرمانگرتووە.