هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<October 2018>
SuMoTuWeThFrSa
30123456
78910111213
14151617181920
21222324252627
28293031123
45678910


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
باکۆنین لە بەشێکی کتێبیکیدا ئاوای لە" دەوڵەت " ڕوانیوە


img3/29/2013 12:00:00 AM
میخایل باکۆنین:

" ده‌وڵه‌ت ... ئاشكراترین و دزێوترین ده‌سگه‌یه‌که‌، که‌ به‌ته‌واوی ڕەتكەرەوەی مرۆڤایه‌تییە. هاوپشتی نێوانی هه‌موو مرۆڤەكان [پیاوان و ژنان] لەسەر گۆی زەمین تێکده‌شکێنێ و له‌نێویده‌بات، بەمەبەستی وردوخاشکردن و سەركوت و كۆیلەكردنی ئەوانی دیكە [زۆرینە]، ھەندێكیان لە كۆمەڵەیەكدا ڕێكدەخات ...

ئه‌م ڕەتكەرەوەی ئاشكرایەی مرۆڤایەتی، كە ناوەڕۆكی دەوڵەت پێكدەھێنێت، لە ڕوانگەی دەوڵەتەوە ئەركی باڵاو و گەورەترین چاكەكاری ئەوە، لەسەر ئەو بنەمایە ئازاردان و ستەم و چەوساندنەوە و چەپاوڵ و تاڵانی و تیرۆری مرۆڤەكان [ژنان و پیاوان] دەكات، كە لە باری ئاساییدا ئەمانە تاوانن. لەلایه‌کی ترەوه‌ له‌ ‌ژیانی ڕۆژانه‌دا، له‌ ڕوانگەی نیشتمانپه‌روه‌رییەوە،‌ ‌کاتێك که‌ ئه‌مانه‌ بە شکۆداریی ده‌وڵه‌ت، تەواودەبن، بۆ پارێزگاریکردنی یا بەردەوامیدا بە ده‌سه‌ڵات، هه‌موو ئه‌مانه‌ ده‌گۆڕدرێن بە‌ فه‌رمان و نیشاندانی چاكە و  ئه‌م فه‌رمان و چاككارییانە ده‌بنە‌‌ ئه‌رکی سه‌رشانی هه‌موو هاووڵاتییەکی نیشتمانپه‌روه‌ر‌، چاوه‌ڕوانی ئه‌وه‌ لە هه‌موو که‌سێك ده‌کرێت، که‌ ھەر كات بەرژەوەندی دەوڵەت ئەوە بخوازێت، ئەوا نەك تەنیا دژی كەسانی بیانی، بەڵكو دژی ھاووڵاتیانی خۆشی ئەنجامیانبدات.

 ئه‌مه‌ ئه‌وه‌ ڕاڤەدەكات، که‌ بۆچی له‌ سەرھەڵدانی ده‌وڵه‌تەوە، دنیای ڕامیاریی هه‌روابووه‌ و به‌رده‌وامیش هه‌روا قۆناخێكی كۆمەڵایەتی و مرۆڤایەتی بووە بۆ لەخشتەبردن و چەتەگەریی بێسنوور ..... ئه‌وە‌ش ڕۆشندەكاتەوە، که‌ بۆچی سه‌رجه‌می مێژووی ده‌وڵه‌تانی کۆن و ھاوچەرخ تەنیا زنجیره‌یه‌ك به‌گژاچونه‌وه‌ و تاوان بوون، بۆچی پاشاو شالیاره‌کان لە ڕابوودوو لە ئێستادا له‌هه‌موو سەردەمەكاندا و له‌هه‌موو وڵاتێکدا – پیاوانی ده‌وڵه‌ت، دیبلۆماسەكان، بیرۆکراته‌کان ، شه‌ڕکه‌ره‌کان -- ئەگه‌ر له‌ ڕوانگەی مۆڕاڵی ئاسایی و دادپەروەریی مرۆییەوە دادگایی بكرێن، سه‌دان و  هه‌زاران جار شایانی سزاواربوون بە كاری سەخت، یاخود له‌ سێداره‌دانن. لێره‌دا هیچ تۆقاندنێک، هیچ دڵڕه‌قییه‌ک، هیچ سووكایەتییەك بە پیرۆزییەكان، یا گەواھیدانی درۆ، ھیچ فریودانێك، ھیچ ھەڵسوكەوتێكی نەشیاو، ھیچ دەستبڕینێك، ھیچ‌ تاڵانکردنێکی ڕووقایمانە، ھیچ خیانه‌تێکی بێشەرمانە، ھیچ یەك له‌مانه ڕۆژانە‌، ئه‌گه‌ر به‌ناو و‌ له‌لایه‌ن نوێنه‌ران و پیاوانی ده‌وڵه‌ته‌وه، نه‌بووبێت، ڕوویاننەداوە. ئه‌مانه‌ی که‌ کراون‌، له‌ژێر هیچ ناوێکی دیكەدا نەکراون، به‌ڵکو ته‌نیا له‌ژێر ناو و پاساوی وشه‌ ڕازێنراوەکان ‌و دڵخۆشكەرەكان، بەڵام ھاوكات زۆر ترسناكەكاندا. for reasons of state." [Bakunin on Anarchism, pp. 133-4].

*******************

تێبینی : لە زمانی ئینگلیزیدا واژەی [man] بە واتای [پیاو] و ھاوكات بە واتای [كەس / مرۆڤ]یش دێت، بۆیە نووسەران لە ڕێكەكەوانەدا [ژن]یشیان داناوە، تاوەكو  نەبێتە ھەڵواردنی ژنان. ھەروەھا  واژەی ھاومرۆڤ [fellowman] لەبری ھاووڵاتی بەكاربراوە، چونكە ئەناركیستەكان دژی ھەڵاواردن و ڕیزكردنی مرۆڤەكانن بەناوی ھاوشاری و ھاوولاتییەوە و ھەموو مرۆڤەكان لەسەرتاسەری جیھاندا وەك یەك و ھاوبەش لە شتەكاندا دەبینن. لەبەرئەوەی لە زمانی كوردیدا واژەی ھاومرۆڤ [fellowman] نەبووەتە باو و جێكەوتە، بۆیە واژەی [مرۆڤەكان]م بەكاربردووە. و.ك

******************************************************