هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<June 2018>
SuMoTuWeThFrSa
272829303112
3456789
10111213141516
17181920212223
24252627282930
1234567


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
گۆڵمەز: دیموکراتی مەسعودیانەو دیموکراتی غەربیانە


img4/10/2013 12:00:00 AM
گۆڵمەز:

زۆر جار هەندێک لە برادەران دەڵێن : ئەوە کارێکی بێ ئینسافانەیە کە تۆ ئەو هەموو گۆڵمەزە بە مەسعود بارزانی دەکەیت، چونکە کەسێکی بەستەزمانە !... زۆرجار منیش وەڵامیان دەدەمەوە و دەڵێم:" گەلەک برادەرینە..! ئەو کابرایە ئاگری بن کا و سەرکزی دڵ وریایە". ئەگەر بیرتان مابێت، جەنابی ناموبارەکی هەتا توانی ڕۆڵەکانی میللەتی کوردی بەکوشتدا و پاشانیش جەنابی هاتە ناو پەرلەمانە دیوەخان ئاساکەی کوردستانەوە و لە بەردەمی مامی گەورە و هەموو خەڵکی کوردستاندا وتی : "من و مام جەلال گوناهێکمان لەهەڵگیرساندنی ئاگری شەڕی نێوان پارتی و یەکێتیدا نەبووە !.. کەچی کەسێک نەبوو لە ناو میللەتی کوردی سیاسی!! و هیچ لەبارا نەبوودا بڵێت: دەک مردووی فشەت بمرێت !!.. ئەی مەگەر هەر جەنابت نەبوویت کە بڕیارت لە سەر هەڵگیرسان و ڕاگرتنی شەڕەکەدا ؟ بۆچی تا جەنابی نا موشەڕەفت بڕیاری نەدا و نە پژمی، ئاگری شەڕەکە نەکوژایەوە؟". ئینجا کابرایەک درۆ و فشەی ئەوا بۆ میللەتەکەی بکات و کەسیش تەریقی نەکاتەوە و هەمووی دەست بە کڵاوە ڕزیو و دڕاوەکەیەوە بگرێت تا با نەی بات، ئەدی چۆن جارێک ناڵێت:"سەرۆکایەتی بۆ من گرنگ نییە و من هەر خۆم بە پێشمەرگەکەی جاران دەزانم، کەچی جارێکی تریش لە دانیشتنەکانی نێوان عەشیرەتەکەی خۆیی و عەشیرەتەکەی جەلالدا وەک منداڵ وڕک بگرێت بۆ سەرۆکایەتییەکی 12 ساڵەی ناوچەی حوکمی زاتی کوردستان !"... ئەی ئەمە ئەگەر سەرکزی دڵ وریای نەبێت، ئەدی چییە ؟ لە ڕاپەڕینەوە هەتاکو ئەمڕۆ گومرکی ئیبراهیم خەلیل و داهاتی خەڵکی کوردستان دەخوات و بانکەکانی ئەوروپا پڕ لە پارەو پوڵی دزراوی خەڵکی کوردستان دەکات، کەچی یەکجاریش بەدەمیدا نەهات کە ئەو کارە نا یاسایی و دزییە بۆ دەکات ؟.. ئێوە تەنها لەمەدا ڕاست دەکەن کە بەستەزمانە... با لەو فێڵبازی و بەستەزمانییەشی بگەڕێین و بێینە سەر باسی دیموکراتییەکەی، کە باسکردنی هێڵنج بە ناخ و دەرونی مرۆڤی ڕەخنەگردا دەهێنێت ....

لە دیموکراتی غەربیانەدا، هەر بە دوازدە ساڵ جارێک هەڵبژاردن دەکرێت !!.. لە دیموکراتی مەسعودییانەدا هەربە چوار ساڵ جارێک هەڵبژاردنێکی ئازاد و نەوزاد دەکرێت !!.. لە دیموکراتییەتی غەرییانەدا سەرۆکی حیزب بۆ ماوەی 25 ساڵ و هەتا مردن سەرۆک و سمبوڵی حیزب دەبێت !!... لە دیموکراتی مەسعودییانەدا سەرۆکی حیزب پاش لە دوو خولی چوار ساڵە، واتە بە پێی یاسای هەڵبژاردنی دوو خول، کە هەمووی دەکاتە هەشت ساڵ، سەرۆک و سمبوڵی حیزب دەبێت و پاش لەوە تەقاعود دەکرێت !!.... لە دیموکراتی غەربییانەدا، سەرۆکی حیزب و برازای سەرۆک ، یاسا لە بەردەمیاندا، تاکێک پێڵاوە !!... لە دیموکراتی مەسعویانەدا، سەرۆکی حیزب و برازای سەرۆک، یاسا سەروەرە و یاسا لەسەروی هەموو شتێکیانەوەیە !!..لە دیموکراتی غەربییانەدا، سەرۆکی ولایەتەکان و سەرۆکی وڵات، دیکتاتۆری موتڵەقە و گا قسە بکات کلکی دەبڕێت !!.... لە دیموکراتی مەسعودییانەدا، ڕەوشەکە تەواو بە پێچەوانەوەیە !!.. سەرۆکی هەرێم، دیموکراتی موتڵقە!! و مانگایش بەو پەڕی ئازادییەوە دەبۆڕێنێت، بە بێ ئەوەی مەسعود کلکی ببڕێت !!.. لە دیموکراتی غەربییانەدا، سەرۆک وەزیر و پارێزگار هەموو شتێکە !!... لە دیموکراتی مەسعودیانەدا حکومەت و پەرلەمان هەمووشتێکەو هەموو بڕیارێک دەدا !!...لە دیموکراتی غەربییانەدا سەرۆکی پەرلەمان گوێگرو دیکۆرە!!... لە دیموکراتی مەسعودییانەدا سەرۆکی پەرلەمان بەدەستێکییەوە چەکوشە !!.. بە دەستەکەی تریشییەوە یاسا بزماری کەوشە ..!! لە دیموکراتی غەربییانەدا سەرۆک وەزیر و سەرۆکی وڵات، خەریکی عەشیرە و عەشیرەتبازین !!... لە دیموکراتی مەسعودییانەدا، گروپ گەلێکی کۆمەڵایەتی خەریکی چاکسازین!!... لە دیموکراتی غەربییانەدا، دزی و بەتاڵانبردنی داهاتی خەڵکی وڵات ئازادە و بەبێ لێپرسینەوەیە!!... لە دیموکراتی مەسعودییانەدا، دزی و ماڵی میللەتخواردن حەرامەو شایانی لێپێچانەوەی یاساییە !!... لە دیموکراتی غەربییانەدا، ئۆپۆزیسیۆن حسابی تورێکی قوڕاوی بۆ ناکرێت، چونکە کەمایەتییەکە و لەژێرپێی زۆرینەدایە !! لە دیموکراتی مەسعودییانەدا، ڕەوشەکە تەواو پێچەوانەیە!! ئۆپۆزیسیۆن دەمی درێژە !!و بەیەک ڕەخنە دەتوانێت بڕیارەکانی پەرلەمان هەڵوەشێنێتەو و مەسعود بۆ ماوەی 12 ساڵ بکاتە سەرۆکی حوکمی زاتی کوردستان !! لە دیموکراتی غەربییانەدا، ڕەخنەگر لە دەسەڵاتی سیاسی و حکومەت، بەخەتی سوور بەزاندن مەحکوم دەکرێت، فایلی ڕەشی بۆ دروست دەکرێت، تیرۆر دەکرێت و دەخرێتە زیندانەوە !! لە دیموکراتی مەسعودییانەدا، ڕەوشەکە تەواو بە پێچەوانەیە و ڕەخنەگر ڕێزی لێدەگیرێت، ئاسایشی ژیانی بە تەواوی مسۆگەر دەکرێت و لە گوڵ کاڵتری پێناگوترێ! .. لە دیموکراتی غەربیانەدا کەس ژنەکانی بنەماڵەی سەرۆکی حیزب و حکومەت نابینێت و لە هیچ مافێکی وەک بینینی پیاوانی غەیرە خێڵ بەهرەمەند نین، لە دیموکراتی مەسعودییانەدا، دۆخەکە تەواو بە پێچەوانەیە و ژنانی بنەماڵە و سەرۆکی حیزب و حکومەت، پێشڕەوی ژنانی وڵاتن و پرۆژەی یەکسانی پیاو بینینیان هەیە !!.... پەکوووو لەو دیموکراتییەت جەنابی بارزانی !!... ماوەتەوە کە بە مەسعود بڵێین : ئەو مۆدێلە دیموکراتییەی خۆت بنێرە بۆ وڵاتانی ڕۆژئاوایی تا خەڵکی ئەو بەشەی جیهان پرۆڤەی لەسەر بکەن !! ........

لە گۆشەی گۆڵمەزی ١٥ی ساڵی ٢٠٠٥وە وەرگیراوە.